لو سحتم ياجماعه كنت عايز اعرف بعد ما اوصل من السفر ابطل الموتور علي طول ولا لازم اسيبه شغال شويه وبعدين ابطل
عرض للطباعة
لو سحتم ياجماعه كنت عايز اعرف بعد ما اوصل من السفر ابطل الموتور علي طول ولا لازم اسيبه شغال شويه وبعدين ابطل
الموضوع ملوش دعوة بالسفر... لو كنت قارص جامد على المكنة يفضل متبطلهاش فورا... سيبها سلانسية دقية او دقيقتين بالكتير عشان تبرد شوية
اول ما حتبطل العربية دورة التربيد و التزييت حتقف و حرارة الموتور حتفضل تنتقل للزيت و المية لكن هما الاتنين مشلاقيين منفذ للتخلص من الحرارة دى و دة ممكن يضر الزيت و حرارة الموتور ممكن ترتفع زيادة عن اللزوم
MMamdouh
طب بعد اذن صاحب الموضوع انا عندى سؤال بخصوص نفس الحاجة، أنا أول ما جبت العربية بو كنت عملت بيها مشوار جامد و ركنت و بطلتها على طول كنت بسمع صوت المروحة و هى لسة شغالة رغم ان العربية مبطلة و تفضل شغالة كدة دفتين تلاتة و بعدين تفصل، ده بعد الشاوير الجمدة ، بعد ما غيرت الرادياتير فى التو كيل الموضوع ده بطل يحصل و كمان لو بطلت العربية بعد مشوار و بعدين رجعت شغلتها بعد 5 دقايق كده بلاقى مؤشر الحرارة معدى النص بمراحل، طبعاً بينزل اول ما أشغل العربية، حد عنده تفسير للحوار ده
اسال فى قسم سكودا
MMamdouh
شكرا ليك يا بشمهندس علي الافاده الجميله دي واتمني دايما التقدم ان شاء الله
بس انا في السفر المشي العادي بتاعي 120 كم مش اكتر يعني
على فكرة سألت ميكانيكي على الموضوع ده وقاللي : إنت بتسوق عربيات ديزل وللا إيه ؟ عربيات الديزل بس هي اللي بيعملوا معاها كده .
عموما وازنت بين كلامه بس لاقيت إني لو بطلت الموتور بعد مشوار جامد من غير ما أستنى عليه سلانسيه شوية ممكن يضره لأن اللانوس مش بتشغل المراوح بعد مابتقفل الكونتاكت مهما كانت العربية سخنة .. بعكس اللي لاحظته في بعض العربيات ، مراوحها بتفضل دايرة شوية حتى بعد ماتشيل منها المفتاح . الشاهين بالأخص .
بسمع الكلام ده من زمان وماكنتش مقتنع
متكشر ليكم اقنعتونى
طبعا كلام كبيرنا "محمد ممدوح" تمام و لاتعليق عليه و لكني أحب ان أشرح للأخوة تفسير بسيط جدا و هو أنك بعد ماتوصل بسلامة الله من مشوار طويل كنت قارص فيه علي المحرك من الافضل ان تترك المحرك يعمل علي السرعة البطيئة ideal speed و ذلك للأتي :
1- تظل مضخة المياه تعمل و بالتالي فدورة التبريد تكون شغالة لأمتصاص الحرارة الزائدة من جسم المحرك فيحدث تبريد تدريجي
2- دورة التزييت تظل أيضا شغالة فتنخفض حرارة الزيت أيضا بشكل تدريجي و نتفادي بذلك حدوث تأكسد للزيت او تكون بقع ساخنة hot spots تكون ضارة بسبائك المحرك
طبعا محركات الديزل بها درجات حرارة أعلي و لكن .... المواد المصنوع منها محرك الديزل مختلفة عن محرك البنزين كما أن التخانات أيضا مختلفة لتحمل مثل هذا الاختلاف في درجات الحرارة و الضغوط
لذا فمن باب اولي أن يتم معاملة تلك المحركات الرقيقة (البنزين) برفق و حنية مثلما نتعامل مع محركات الخدمة الشاقة (الديزل) بهذه العناية
و تقبلوا وافر تحياتي
م/ سمير الشهاوي
شكرا يا بشمهندسين على المعلومة