متابع بإهتمام
عرض للطباعة
متابع بإهتمام
للمعلومة الشركة حاليا معندهومش غير بلاتينيوم ومفيش ايريديوم وممكن ييجي كمان اسبوع او 2
شكرا لصاحب الموضوع على المعلومات والاضافات القيمة لباقي الاعضاء
فعلا طقم حلو البوجيهات دى انا عاوز اجيبها انا مركب عندى بوجيهات 2 شمعه بتاعت التويوتا هل البلاتينيوم دى الشرارة بتاعتها زى الاتنين شمعه ولا احسن ولا ايه؟؟؟؟؟؟؟و هل يوجد مكان اخر لتوكيل ngk ولا هوة ده بس-------------و شكرا
هو التوكيل فى السيدة زينب بس مفيش اماكن تانية
الف شكر يا باشا
بس ياريت تخدمنا و تقولنا البوجيهات دى تركب على كل العربيات حتى القديمه منها
انا عربيتي كورولا 1978 ... ولما بيركبلها بوجيه كويس بتبقى طلقه
لكن انا لما بغير بوجيهات غالبا بيطلعو مضروبين رغم انى بشترى ماركه ngk
فهل ينفعل لها البوجيه اللى بتقول عليه ده ؟؟
يجماعة انا معايا عربية فورد اسكورت 1300 وجبت بوجيهات ngk بلاتينيوم والميكانيكي اللي ركبها ضبطها على فلر 110 وطلعت اجربها مشوار صغير كانت كويسة ولكن بعد يومين جربتها في عز الحر من اكتوبر الى الجيزة مع التكييف كان السحب ضعيييييف والموتور حرارته عليت جامد جدا ( ارجو المشورة لأن العربية هي وسيلة تنقلي الوحيدة )
حد يعرف مكان بيع البوجيهات دي في اسكندرية؟
طيب ممكن البوجيهات دى تركب على عربيتى الدوجان موديل 95
وهل هيتغير ادائها معايا ولالا
انا معايا عربية افيو 2009 1500 مش عارف اركبلهم اى نوع ياريت الى يعرف يفدنى ...
والبوجيهات دى بتبقى طقم على بعضها ولا بلواحد انا مش فاهم ياريت التوضيح .. وينفع انا اركبهم بنفسى ولا عند حد يكون فاهم ..
واية الى المفروض اعدلة او اغيرة لو جبت افضل نوع ngk ........... وشاااكر جدااااا لصاحب الموضوع ومستنى الرد بسرعة لانى ناوى اغير قريب جداا ومحتاار جدااا يا ريت حد يفدنى .. ويسلم كل الى كتب فى الموضوع لانى استفدت جدااا
انا مسقط ماتور جولف 2
1800 سى سى كربراتير
ياترى البوجيه البلاتينينوم يركب عندى وهل هيبقى فى تغير فى الاداء ملحوظ
اولا بشكر حضرتك جداا للموضوع تانى حاجة لردك عليا واهتمامك بجد متشكر ...
انا نزلت شارع دمشق ف مصر الجديدة لان بصراحة التوكيل بعيد عليا وبعد تدوير وتفحيص وتمحيش اكتشفت ان فية 3 بيبيعو البلاتنيوم والاريديوم ... كان سعر اولا واحد بلاتنيوم 120 جنية والى بعدة بلاتنيوم بردو كان 110 وفية فصال .. والتالت اريديوم ix ودول كانو عاملين 190 ومفيش فصال وهوة الوحيد الى بيبعهم .. وف النهاية فية مكانيكى هناك سألتة اجيب بلاتنيوم قالى كلة كلام ف الهوا وكلام فارغ وفلوس على الفاضى ؟؟؟ !! بصراحة مش هكدب عليكى اقتنعت بكلامة وقالى الخواجة نفسة ركبلك دى هتفتكس انتا بقى وتركب حاجة تانية وكمان البلاتنيوم والاريديوم مش لعربيتنا يا باشا دى لعربيات تانية بمواصفات تانية ومش هتحس بفرق غير ف العربيات دى وبس ؟؟ المهم جبت ngk بس الاستندر بتاع العربية ب 30 جنية تقريبا سن تخين وركبهملى همة وفلتر بنزين واخد 20 جنية .. بصراحة انا لاحظت فرق بسيط بين الى ركبو والى شلتهم لان الى شلتهم كانو ماركة شامبيون باين والراجل قالى دول انجليزى بردو وحلوين
انما فية فرق لحد دلوقتى جميل وملحوظ كماركة... وشكرا وحبيت احكى الافادة
مع احترامى للاستاذ الميكانيكى الخواجه برده هو الى عمل البوجيهات دى وانا عوز اوضح انا كتبة فى اول الموضوع تجربتى وعلى فكره انا الى فكيت وركبت وانا الى حسية بالفارق على الاقل صوة المحرك اختلف وبعدين البوجيهات دى لسه تكنولوجا حديثه وكمان موقع nkp فيه امكانيه انك تديله نوع عربيتك ومودلها وهو يديلك رقم الوديل الى يناسب سيارتك من كل منتجاتهم يعنى ممكن يديلك ويديلك موديل عادى مش ايرديوم
وللايضاح انا ركبة البوجيهات فى شهر يناير واحنا دلوقتى فى نهاية شهر 5 وعاوز اوضح ان سحب العربيه افضل عند تشغيل التكيف حيث انى لااكد احس بتشغيل او فصل التكيف وانا على الرسرعات البطيئه اما على السرعات العاليه والسفر لا يوجدفرق ويكون سحب العربيه ممتاز
وعلى فكره البلاتينيوم مشهور بين الميكانيكيه ائنه بوجيهات bmw يعنى مش كلام فاضى وعلى العموم كل واحد حر فى اختياره والواحد يحاول يفيد الناس
من حيث المبدأ الا ngk رقم واحد علي مستوي العالم ..........بينزل في السوبر كارز الفيراري واللامبورجيني........
معلش يا جماعه انا ليا سؤالين وارجو الافاده ضرورى جدا السؤال الاول انا معايا عربيه بيتلز موتور 1300 موديل 1965 ومعدل فيها وشايل الابلتين والكوندنسر ومركب طقم كهربا وسمعت فى مواقع اجنبيه انى لو ركبت بوجيهات 3 أو 4 شمعه الاداء هيكون افضل معايا بكتير ياترى بقى البوجيهات اللى انتم بتقولوا عليها دى تنفع معايا ولا لا ؟؟؟ وعايز اعرف كمان انهى نوع بالظبط ؟؟ مع العلم انى مركب البوسنه السن القصير وشغاله مش بتقول لا لكن انا عايز اداء افضل
السؤال التانى المهم جدا جدا شركة التوفيق دى من الشركات اللى بتبيع كتير ولا حالها واقف يعنى البوجيهات عندهم كويسه ولا ممكن تكون واخده رطوبه ؟؟؟؟ وهل حد جربهم وطلعوا كويسين او بايظين ياريت الناس تقولى تجربتها بالظبط فى الحته دى
شكرا للاخ صاحب الموضوع الف مليون شكر مش عارف اقولك ايه انا فعلا لما قريت الموضوع حطيته فى دماغى بس كسلت اغير البوجيهات علشان لسه مغير قريب من حوالى شهرين فقلت تكلفه مش وقتها بس من يومين كنت فى السيده عند مستشفى الحوض المرصود وسئلت على التوكيل وضربت فى دماغى اشتريهم بصراحه كان صوت العربيه مضايقنى شويه وكمان سحبها واستهلاك البنزوين عالى شويه اشتريتهم ومقدرتش استنى وركبتهم هناك بصراحه مجرد ما العربيه دارت حسيت انى راكب عربيه تانيه مش بتاعتى تغيير كامل فى هدوء الماتور والسحب اختلفت 360 درجه يا جماعه طظ فى الفلوس مش مهم تمنهم كام وعلى فكره انا مكنتش عارف ايه المناسب لنوع عربيتى الفا روميو 146 الشيخ اللى هناك معاه كتالوج فيه كل الارقام اللى بتركب على مختلف الانواع نصيحه وعن تجربه الف مليون شكر لصاحب الموضوع ويا ريت كله يجرب فعلا الموضوع يستاهل وباكرر الشكر لصاحب الموضوع
++++1
شكر للاخ samrh على هذا الموضوع الرائع وانا كمان قرأت هذا الموضوع من عدة شهور ومكانش في دماغي اغير بوجيهات
لا كن الان انا العربية داخله معايا على 3 سنوات وعامله حوالى 25 الف كيلو وناوي بأذن الله اظبط فيها حاجات ومنها تغيير البوجيهات
لاكن مش عارف ان البوجيهات دي تنفع تركب على شاهين 1400 سي سي انجكشن موديل 2008 ولا لأ وكمان انهي نوع 3 و 4 شمعه زي ما سامع وكمان المشكله انه انا من محافظة قنا ومش هاعرف اروح واسأل التوكيل ياريت رقم تليفون او موبايل علشان اقدر استفسر عن البوجيهات وهل ليهم موزع عندنا ولا لأ وشكر لحضرتك .
أنا برضه بفكر في بوجيهات بلاتينيوم للشاهين ال 2008
كتالوج الشاهين بيقول البوجيهات المعتمدة هي:
بوش wr6dc
أو
شامبيون rc7ycc
هل لهم بديل بوجيهات بلاتينيوم ؟
لأن موقع NGK لا يوجد فيه ماركة فيات ولا ماركة توفاش وطبعاً مفيهوش ماركة نصر
بص يا باشا افضل أداء للبوجيهات دى للعربيات الانجكشن وفى منها سن طويل وسن قصير ودى لسه منزلنها ومفيش فيهم حاجه اسمها 3 أو 4 شمعه دى سنها عامل زى سن الدبوس ومبتتظبطش بالفيلر زى البوجيهات العاديه لانها لو عملت كده هتبوظ وعمرها الافتراضى 100 الف كيلو لكن هنا فى مصر 60 الف كيلو علشان البنزين بتاعنا مش كويس (وده رأى واحد من زميلنا على المنتدى) ورأى الناس اللى فى التوكيل كمان
أما بالنسبه لفروعهم مش موجود فى القاهره غير 3 وبس السيده زينب والمعادى وشبرا والمتخصصين أكتر فى البوجيهات دى فرع المعادى لأن الفروع التانيه متخصصين أكتر فى حاجات تانيه سيور وخلافه
نمرة المبيعات بتاعة شركة التوفيق فرع المعادى 25168226
عربيتى لادا 2107 موتورها 1600 سى سى أجيبلها أيه
انا كمان عربيتي لادا 2017 مو 2006 دخلت علي الموقع بس مالقتش الموديل ده ياريت حد يفيدني انا والاخ ibnelfared