عرض للطباعة
السلام عليكم.
وانا بشتري عربيه a516 لواحد صاحبي وبكشف عليها في المحطه لقيت فيه تسريب زيب بين الفتيس والموتور من تحت.
ياترى حد شاف حاجه زي كده قبل كده, وهل لو اشتريتها التوكيل يصلحهالي لانها لسه في الضمان؟ ولا ابعد عن العربيه ديه وخلاص؟
متشكر جدا لكل وحوش الاسبيرانزا
نسيت قول ان العربيه عامله 20 الف كيلو بس. وفيه حاجه كمان حاسس ان التكييف مروحته مش قويه مع اني معليها على الاخر, هل ده شيء عادي
لا ابعد عنها احسن
المشكلة بسيطة في طبه في المحرك هيا الي جايبة زيت دي بسيطة جدااااااا بس لازم تحل الفتيس والمشكلة دي علطول عندنا في التوكيل وبنحل الفتيس وبنعملها
والمشكلة التانية بتاعت التكيف فلتر التكيف عايز يتنظف بالهواء
متشكر جدا يا اسلام. بس انت مش شايف ان حرام عربيه عامله 20 الف تجيب زيت؟؟ امال بعد قد ايه هحتاج اغير كل الجلب اللى في كل حته؟ موتور وعفشه وفتيس؟؟ وكل ديه هتبقى فلوس وتكاليف.. والله حرام.اقتباس:
المشكلة بسيطة في طبه في المحرك هيا الي جايبة زيت دي بسيطة جدااااااا بس لازم تحل الفتيس والمشكلة دي علطول عندنا في التوكيل وبنحل الفتيس وبنعملها
والمشكلة التانية بتاعت التكيف فلتر التكيف عايز يتنظف بالهواء
على العموم هقولوكوا عملنا ايه في الموضوع ده
مشكلة العربية ان مش اي حد يشتغل في العربية دي وبعدين جات فترة عربيات بتبقي عاملة اقل من كدة وفيها المشكلة دي بس اقولك علي حاجة لو هتغير اي حاجة في العفشة هات بتاعت الانسر البومة
هي هيا علبة الشكمان الخلفية لو باظت هاتها استيراد بتاعت لانسر بومة هتعمل بتاع 170 جنية