المنصورة بقت عامله كده ليه ؟
ايه يا جماعه القرف ده :120146b بقى هى دى المنصوره :120146b
شارع الجمهوريه بقى عامل كده ليه اهم شارع فى المنصوره انا ستر ربنا انه العربيه ما حصلهاش حاجه حافرين الطريق فى نفس و مغطيينه بالرمل مش بمستوى الطريق يعنى لو واحد نزل فيها او عجله العربيه نزلت فيها كل سنه وانت طيب وطبعا ماحدش بيصبر
و التاكسيات حاجه منتهى قله الذوق و يمين فى شمال ومش عاجبهم
والمشايه المفروض واسعه اوى مش عارف ليه ما بتاخدش غير عربيتين فى حارتين ليه بس
عربيات راكنه يمين و شمال ده غير الميكروباصات و التاكسيات الى بتقف فى اى لحظه
و فيه تقاطع فى الهابى لاند الى هو وانت جاى من التلاجه ووانت جاى من حوالين صينيه الهابى لاند
ما تعرفش الى جاى من هنا هيلف و لا داخل يمين و العكس
وعربيتين دخلوا فى بعض ادامى بسبب المنطقه دى
السواقه بقى مسلسل مرعب بجد والواحد بيحمد ربنا انه كل مره يرجع البيت سليم
وطلعة كوبرى الجامعه تيجى عاطى اشاره و طالع فى امانه الله تلاقى واحد جاى من على يمينك كاسر عليك ويقولك اسف
ووانا طالع على الطريق الدولى داخل فى امانه الله و طريقى لقيت واحد تاكسى طيران من على يمينى وكان فيه عربيه وقفه وقام عامل غرزه ادامى وانا هديت طبعا و قام جاى واحد تانى عمل نفس الحركه
طب يعنى المفروض كنت ابقى قليل الادب و ادوس انا و اياكش يولعوا الاتنين و يلبسوا فى العربيه الى واقفه ولا المفروض الواحد يعمل ايه !!!
حسبى الله ونعم الوكيل فى كل واحد بيستهتر فى سواقته او مش بيراعى الناس الى ماشيين معاه
بجد ربنا ينتقم منهم
