من الرابع إلى الخامس .. السرعة تنزل بدل ما تعلى !
بينما تشدو فيروز في خلفية الجهاز بصوتها الساحر(سكن الليل) .. قررتُ أن أقص عليكم ما جرى لي على طريق الكريمات (المنيا - القاهرة) ..
بداية .. حقيقة هذا الطريق الذي يصفونه بالأسطوري وأصفه بالمهزلة سأتكلم عنها في مبحث مستقل قريباً ـ إن شاء الله ـ في دليل الطرق والسفريات .
نخش في الموضوع ..
أنا قلت أمشي على طريق الكريمات عشان ـ بصراحة ـ أقفل العداد أو أشوف العربية بقى آخر موتورها كام ..
(وضباب الليل في تلك القرون .. يحجب الأسرار !)
طبعا ماقدرتش أمشي غبر على التالت لظروف كانت موجودة بطول الطريق ، لكن لما وصلت للمنطقة المفتوحة فيه .. أول ما العربية توصل لـ80 وآجي أديها الخامس ألاقيها تنزل لـ60 !
طبعاً اتحرق دمي .. قرصت على الرابع لحد 160 كم/س عشان أديها الخامس وهي مرتاحة على الآخر تقوم تنزل بالسرعة تاني .
أفعص الدواسة:beatdeadhorse5: ـ كأن بيني وبينها تار بايت ـ وأسمع صوت الموتور (فرررررررررووووووم !) بس كأنه بيحرق البنزين دا في حتة تانية مش في غرف الاحتراق ..
يابنتي .. يهديكي .. يرضيكي .. أبداً ! :B4_282:
وكأني على موعد مع القدر .. لمبة التشيك .. نورت .:120146b
نزلت وفصلت فيشة حساس الزفت .. الأكسجين عشان أنا عارفه بيفوت ، العربية تتظبط شوية ولمبة التشيك أصرت تثبت وجودها بعد 25 كم تاني ..
المهم .. وصلت للأحراش الصحراوية الحبيبة المميزة للفسطاط ـ والتي طالما تمنيتُ أن أدفن فيها ـ وركنت عند قسم الخليفة (لمصلحة معينة هناك) ومنها على وزارة الداخلية وركنت العربية (فِردة) في شارع الفلكي ..
بعدها وديت العربية بين السرايات عشان أشوف الحكاية ..
وكان كل الموضوع .. تصوروا .. إن فيه بوجيه قاطع .. !
وبسبب حرقة دمي وأنا على الطريق وذهني المشتت لكثرة المشاغل .. ماكنتش عارف إن دا هو السبب .
طيب .. أكيد كل الحبايب بيسألوني .. طب ما إنت عرفت المشكلة .. مصدع دماغنا ليه من الصبح يا غلس ؟
صبركم علي .. أنا عاوز أعرف حاجتين :
1- العربية استهلكت في المشوار ده حوالي 3 أضعاف الكمية المقررة من البنزين .. فهل ده بسبب البوجيه ؟
2- الصوت الشنيع ده لما بالزق الدواسة في الأرضية (فرررررررررم) دا إيه؟ هل دا بسبب ضعف موتور ؟
طيب ما أنا وأنا مروح كنت ماشي على 170 ـ في بعض المناطق على الصحراوي الغربي ـ ولولا إن العمر مش بعزقة والساعة كانت 10 بالليل ، والصحراوي ضلمة ، ومش معايا غير فرامل التيل بس واللي ورا ضايعة ..... كنت دوست في العربية أكتر !
يعني الحكاية مش ضعف موتور .. طب الصوت دا من إيه ؟
وبعدين لما بدوس بنزين في المنطقة دي بحس إنه حرق على الفاضي .. لييييه؟
معلش .. رغي وثرثرة بس والله عاوز أستفيد .. وأفيد .
