المشاركة الأصلية كتبت بواسطة sha2e
مبروك يا دكتور اسماعيل على تصحيح عنوان الموضوع ونقله لمكانه
واسمحلى ارد الاول على مشاركة الدكتور محمود لأن سؤال حضرتك هيبقى الرد عليه موضوع كبير شويه
كويس ان حضرتك اثارت نقطه مهمه زي دي واحب انى واضحها لحضرتك ولباقى الاعضاء فى نقطتين
1 - احنا لما جينا حسبنا الربح خصمنا 6 الاف جنيه من تمن كل سيارة تحت بند " المعرض " وده المقصود بيه : اجور العاملين و ايجارات المعارض واعلاتان الصحف .... الخ
2 - نقطة مصاريف انشاءات ورش الصيانه وتكاليف المعدات واجور العاملين فيها دي نقطه مهمه جدا
والموضوع ده بيكون مسئول عنه قسم ادارة خاصه وهى ما يطلق عليها "خدمة ما بعد البيع"
ودي المفروض انها بتقدم الخدمة بمقابل بسيط ويتم تغطية العجز الموجود بها من ارباح قسم المبيعات
لكن الل بيحصل هنا فى مصر غير كده خالص
الل بيحصل انهم بيقدمو خدمة ما بعد البيع بمقابل عالى جدا واسعار اغلى من السوق
يعني لو خبطه فى باب ورفرف وصلحتها بره واتكلفت الف جنيه مثلا لو رحت بيها التوكيل مش هتقل عن الفين
هناخد من عيادة دكتور الباطنه مثال بسيط على جهازين موجودين فى عيادته
1- جهاز السونار : وده هنلاقى الدكتور بيكشف بيه مجانا او بمقابل بسيط جدا
علشان كده يبقى لازم ينخصم ثمن ومصاريف الجهاز من ارباح العيادة
( وده الل بيحصل بره ان الوكيل بيقدم خدمة ما بعد البيع بأسعار بسيطه دون انتظار هامش ربح منها لانه بيكتفى من هامش ربح المبيعات فقط )
2- جهاز رسم القلب : وده هنلاقي الدكتور بيستخدمه للمريض بمقابل معقول
وبالتالي يبقى مش المفروض اننا نخصم تمنه ومصاريفه من ارباح العياده لان الجهاز بيدخل دخل خاص بيه وممكن يكون نسبة الربح من الجهاز اعلى من نسبة ربح العيادة ( طريقة حساب نسبة ارباح شيء = نسبة ثمنه ومصاريفه "الى" نسبة ارباحه )
يعني لو احنا فصلنا الوكيل لجزئين جزء مبيعات وجزء ما بعد البيع هنلاقى ان قسم ما بعد البيع بيحقق هامش ربح عالى جدا (ده غير هامش الربح الخاص من المبيعات ال لما حسبنها طلعت 300% تقريبا )
وشوفوا كمثال الفيرنا (الل تعتبر من ارخص العربيات) تكاليف صيانتها فى التوكيل كام ؟؟
وفى خدمة ما بعد البيع مش هيونداي لوحدها الل بتلسع الناس ده كل الوكلاء بدون استثناء
يعني مش مكفيهم الارباح الفلكيه من المبيعات لأ دول بيستغلو الناس علشان يذودو ارباحهم من خدمة بعد البيع كمان :khd: