المشاركة الأصلية كتبت بواسطة Mostafa_Elhussain
اعتقد ان في حسبه تانيه لاننا كنا في الكويت ولما حبينا ننزل عربيه من هناك لقينا ان الموضوع هيكلف اكتر من التوكيل!!!!
والسبب ان التوكيل او المستورد بيشتري جمله وبينقل جمله وعنده مخلصين في الجمارك (مهزله) بيخلصو العربيه بأسعار اقل وبياخد مكسب محترم
وواحد صاحبي ابوه جاب كورولا من السعوديه وقفت عليه ب160 الف!! وكانت الخليجي هنا ب145 تقريباً
ولو حكيتلكو على مهزلة الجمارك هتتفقعو
دا بيبقى عندهم فصال!!! مش سعر متحدد لكل عربيه ودفعو للراجل 3000 جنيه عشان يخفض!
انا فاكر كنا جايبين حاجات كتير من الكويت عن طريق نويبع
تخيلو الراجل كاتب ان التلاجه 32 قدم الماني (ودي نحطها فين) مع انها 16 امريكي!!! ومرضاش يكتب الحقيقه غير لما خد الحلاوه!!؟؟ وكان بينقي اي حاجه تعجبه ويقول انا هاخدها وطبعاً لازم توافق والا هيلبسك 10 الاف زياده جمرك وهو قاعد!!