الموضوع: إلي مهندسي الأتصالات والمحمول .. سؤالين

المشاركة الأصلية كتبت بواسطة د.محمود صلاح

سؤالين من فضلكم محيرينى وجاء على بالى اطرحهم هنا

1- طريقة عمل برج المحمول ؟ هل بيبقى متوصلين ببعض بالكابلات الأرضية ؟ ولا متوصلين ببعض لاسلكيا لحد السنترال الرئيسي ؟ يعنى ممكن فى وسط الصحراء يبنوا برج بدون مايكون فيه ارسال من برج سابق ؟ وهل هو الطبلية المدورة ؟

المحطات الرئيسية اللي بيبقى عليعها ضغط كبير بتكون متوصله بخطوط فايبر بالكور ، غير طبعا توصيلها لاسلكيا بالمايكروويف بالمحطات الأخرى (باكاب). أما المحطات الصغيرة فغالبا بتكون متوصلة لاسلكي فقط ، خصوصا لو استخدام خدمات البيانات عليها قليل(الانترنت).


2- اللى هيجننى فعلا طريقة عمل ال sim card ازاااى ؟ حته بتاعه كده يتخزن عليها اسماء ورسايل وكلهم شبه بعض عبارة عن الواح نحاس دقيقة مافهاش معالج أو ذاكرة .

ال sim ما هو الا شريحة ذاكرة passive جرب اكسر كارت ميناتل حتلاقي تحت الدايرة النحاس فحمه صغيرة جدا، هي دي الذاكرة.

المشاركة الأصلية كتبت بواسطة د.محمود صلاح

سؤالين من فضلكم محيرينى وجاء على بالى اطرحهم هنا

1- طريقة عمل برج المحمول ؟ هل بيبقى متوصلين ببعض بالكابلات الأرضية ؟ ولا متوصلين ببعض لاسلكيا لحد السنترال الرئيسي ؟ يعنى ممكن فى وسط الصحراء يبنوا برج بدون مايكون فيه ارسال من برج سابق ؟ وهل هو الطبلية المدورة ؟


2- اللى هيجننى فعلا طريقة عمل ال sim card ازاااى ؟ حته بتاعه كده يتخزن عليها اسماء ورسايل وكلهم شبه بعض عبارة عن الواح نحاس دقيقة مافهاش معالج أو ذاكرة .

بنسبة للابراج أنا لسة طالب فـهجاوب حضرتك على اد ماأعرف..هي مش متوصلة بكابلات ولا حاجة كل واحد متوصل بالتاني عن طريق موجة كهرمغناتسية في رانج الميكرو واف (microwaves ( بس في مسافة مينفعش يزيد عنها كل برج عن التاني عشان كده بيبقى في ابراج تقوية فوق العمارة أما بنسبة لل sim card أنا معرفش عندها حاجة غير إنها ذاكرة يعني أكيد فيها ترانسيستر وبس ..لو في حاجة غلط ياريت حد يصلحلي

المشاركة الأصلية كتبت بواسطة أحمد كمال

1- بعض الابراج متوصلة بكابلات ارضية فايبر و بعضها كابلات ارضية عادية و اغلبها بميكروويف لينك بينهم و بين بعض

عشان كده المحطة بتلاقي عليها مستطيل كبير و دايرة شبه الطبلة .... المستطيل ده بتاع الشبكة و الطبلة دي بتاعة اللينك بين المحطات و لازم الطبلة تبقى شايفة الطبلة التانية بدون عوائق يعني فيه line of sight بينهم

2- السيم كارد ده عبارة عن ذاكرة تحوي رقم يسمى بال imsi و هو international mobile subscriber identifier و هو رقم من 15 رقم ما يتكررش في العالم كله ..... يبدأ بكود البلد (غير الكود بتاع الاتصال اللي هو 0020 لمصر) و كود مصر هو 602 ثم كود الشبكة داخل البلد (عادة بيبقى بتسلسل تشغيل الشبكات يعني موبينيل 01 و فودافون 02 و اتصالات 03 ) و في بعض البلاد زي امريكا بسبب كثرة الشركات بيبقى 3 ارقام (يعني مثلا at&t america بتبقى 310150xxxxxxxx).... يعني اي مشترك اتصالات بيبقى كوده 60203xxxxxxxxx و ده غير الرقم المسلسل للسيم بس عادة بيشتركوا في اخر 9 ارقام من اليمين. و فيه كمان كود سري خاص بالشبكة اسمه ki و ده بيبقى سري جدا ....مش موجود غير في السيم و الشبكة. الكود ده حساس و عشان كده لا يتم تبادله بين التليفون و الشبكة منعا لتسربه ..... اللي بيحصل ان الشبكة بتبعت كلمة معينة عشوائية بتتغير كل مرة للتليفون و التليفون باستخدام ال ki على السيم بيشفرها و يبعتها للشبكة و الشبكة بتعمل نفس العملية و لو تطابقت نتائج التشفير يبقى تمام كده. يعني مثلا انا الشبكة باشفر كلمة كوكوواوا بتبقى النتيجة زعبلة ...... باقول للموبايل كوكوواوا لو رد و قال لي زعبلة يبقى تمام كده

بالاضافة الى الذاكرة اللي بتشيل الارقام و الاسماء و دي ذاكرة عادية زي الفلاش ميموري

و على فكرة السيم فيه ميكروبروسسور دقيق جدا و صغير جدا

و لو كسرت سيم قديم عند حضرتك هتلاقي فيه شريحة دقيقة مدفونة جوة الكرتون و النحاس عالسطح دي موصلات بس للداخل

الف شكر على المعلومات الجميلة دي

كوكوواوة وزعبلة دي فطستني من الضحك

بس معنى كده إن لو أي جسم مادي إعترض طريق الطبلة الوهمي اللى بينها وبين الطبلة التانية في البرج الآخر .. يبقى كده الإتصال بينهم إتقطع

يعني لو مبني إتبنى بينهم يبقى كده لازم البرج ده مكانه يتغير