نفسي اركب زجاج حراري في عربيتي الكريستاله

السلام عليكم

انا عربيتي لانسر كريستاله والغريب ان الزجاج الخلفي مش زجاج حراري (زجاج عادي) ومكان الزرار بتاع الزجاج الحراري مقفول كمان في التابلوه

وطبعا انتو فاهمين البخار الصبح بتاع النفس بيلزق ازاي وبيعتم الرؤيه الخلفيه

ممكن حد يقولي اتصرف ازاي واركب زجاج حراري ...وانا كنت سمعت بس مش متأكد خالص ان فيها حاجه زي سلوك رفيعه بتتلزق على الازاز وبيتوصلها زرار كأن الزجاج حراري بالظبط ...حد ممكن يأكدلي المعلومه دي سواء بالنفي او الصحة؟ وان الكلام ده موجود في التوفقيه ؟ ممكن الناس لو حد رايح التوفيقية قريب يسأل؟

وهل ممكن ابدل الزجاج بتاعي بزجاج حراري من عند بتوع الزجاج؟ وهيكلفني كام؟
وهل الزجاج بيتخلع اصلا ؟؟؟

طبعا موضوع الزار ده مقدور عليه ولا صعب الاقيه استيراد؟

انا شرحت اللي دماغي كله واتمنى الاقي ردود

الزجاج الحرارى مذيب للثلوج فى أجواء الصقيع وليس للبخار المتكون من النفس , وبما أنه لا ثلوج عندنا , فهو شكل جمالى فقط , بل بالعكس بعض الناس بتفصل السلك المشغل للسلك الحرارى عشان ماحدش ينساه ويطرشق الزجاج من الحرارة

انا معايا مازدا فاميلي وفيها زجاج حراري وفي اي وقت شبوره ولا في نفس جوه العربيه والبرد بره
الزجاج بيشبر بدوس عالزرار تروح الشبوره تدريجيا
يعني مش معمول للتلج بس انا بستخدمه عادي
هوا كده غلط ولا ايه ؟؟

اقتباس:

---

المشاركة الأصلية كتبت بواسطة د.محمود صلاح

الزجاج الحرارى مذيب للثلوج فى أجواء الصقيع وليس للبخار المتكون من النفس , وبما أنه لا ثلوج عندنا , فهو شكل جمالى فقط , بل بالعكس بعض الناس بتفصل السلك المشغل للسلك الحرارى عشان ماحدش ينساه ويطرشق الزجاج من الحرارة

---

لأ طبعا مش علشان الثلوج فقط
ده بيستخدم لما يكون الزجاج مشبر (حتي جربها كده في يوم وماتقلقش)

اقتباس:

---

المشاركة الأصلية كتبت بواسطة funnymickey

انا معايا مازدا فاميلي وفيها زجاج حراري وفي اي وقت شبوره ولا في نفس جوه العربيه والبرد بره
الزجاج بيشبر بدوس عالزرار تروح الشبوره تدريجيا
يعني مش معمول للتلج بس انا بستخدمه عادي
هوا كده غلط ولا ايه ؟؟

---

انت صح وماتقلقش :)

بالنسبه للموضوع الرئيسي بقي
فا انت كده حضرتك هتحتاج تغير الزجاج ومش هينفع تبدله أصلا
لأنه مش بيتفك عادي علشان ده لزق

لا انا في عربية ابويا بيشيل سواء بخار من النفس سواء شبوره اي حاجه بيشيلها ...واعتقد انه مهم في الشتا عشان النفس الصبح

طب مسألة انها بتركب كاكسسوار اعتقد انه اشتغاله ؟ مش كده
طب لو هشتريه هيعمل كام تقريبا فلوس؟

اقتباس:

---

المشاركة الأصلية كتبت بواسطة hema_lancer

بالنسبه للموضوع الرئيسي بقي
فا انت كده حضرتك هتحتاج تغير الزجاج ومش هينفع تبدله أصلا
لأنه مش بيتفك عادي علشان ده لزق

---

ممكن اعرف يباشا ازاى زجاج عربيتى حرارى من عدمه وازاى اشغله
عربيتى كريستاله

الزجاج الحراري بيبقي فيه شبكة اسلاك رفيعة جدا بالعرض علي الزجاج الخلفي و متوصلة من الجنب

زي اللي ظاهر في الزجاج الخلفي في الصورة لونه بني و خطوط رفيعة
http://pictures.topspeed.com/IMG/jpg...latinum-2w.jpg

يا ترى بيشتغل لواحده ولا فى زرار بيشتغل بيه ولا نظام العمل بتاعه ايه

اقتباس:

---

المشاركة الأصلية كتبت بواسطة abocato

يا ترى بيشتغل لواحده ولا فى زرار بيشتغل بيه ولا نظام العمل بتاعه ايه

---

الزرار اللي فوق زرار التكييف هو ده اللي بيشغلو
وهتلاقيه بينور برتقالي لما يشتغل
وكمان هتلاقي عليه علامه مربع وجواه كام سهم طالعين لفوق

انا لغيته لانه تسبب فى سرطنه الزجاج لانه لو اشتغل فى جو حار فعلا بيسرطن الزجاج