الموضوع: رابطة مالكى الجميلة اكسنت من1998 الى 2006

ياريت الرابطة دى تتفعل لأن عدد ملاك الاكسنت كتير جدا

أنا معاكوا


العربية حلوة اقتصادية ومشاكلها قليلة بس

-الصاج
- التبلوة
- الثبات

بس استهلاك البنزين مش قوى ، بتعمل معايا 200 لـ 230 فى الصفيحة
ولكن الميزة فى الصيف ان الاستهلاك مش بيزيد بشكل كبير مع التكييف.
وبتمشى بأى بنزين لو حتى 70

حلوة بتمشى باى بنزين دى هههههههه عندك حق لكن الافضل برده ليها 90 عشان تحس بالماتور فايق انا كنت بحط 80 و بعد كده غيرت ل 90 و حسيت بالفرق
بالنسبة لموضوع االتابلوه فهو فعلا مشكلة الاكسنت فى تابلوها و وطينها الاتنين دول اكتر حاجة مش بحبها فيها لكن غير كده كويسة

اتمنى الموضوع ده يتثبت لان فعلا ملاك الاكسنت القديمة كتير اوى و هاتبقى الاستفادة كبيرة لينا كلنا

سؤال الاكسنت 1500 سى سى موديل 1999 جميع الكماليات الحالة 70% تعمل كام

موافق جدا أنا معايا أكسنت 1998 1500cc خليخى ممتازة و إستهلاكها فى البنزين ممتاز جدا وهى حقن إلكترونى وعلشان كده ماباسيبش مسمار فيها إلا لما أصلحه الحقيقة إن هيونداى الكورية إتحفتنا بالسارة دى من قوة ومتانة واسعار قطع غيار رخيصة وثبات فى السرعات العالية
تحياتى لجميع الأصدقاء فى المنتدى

المشاركة الأصلية كتبت بواسطة qenacity

سؤال الاكسنت 1500 سى سى موديل 1999 جميع الكماليات الحالة 70% تعمل كام

لو خليجى تعمل فى حدود 40000
الافضل طبعا الكورى الخليجى ثم المصرى الخليجى ثم المصرى
السعر كالتالى 41000 - 40000 - 38000

طبعا للحالة الجيدة

متنساش تبص على الشاسيه من تحت و تجرب كل حاجة فيها الاول عشان تتاكد من انها شغالة
و طبعا حاول تنزل من الاسعار دى اللى تقدر عليه لكن بصفة عامة العربية جيدة جدا عيبها انها واطية وطيان و كمان تبلوها بيتشقق بسرعة لكن استاذة فى توفير البنزين

الف شكر يا رجال الاكسنتا نا والحمد لله اشتريت العربية من يومين موديل 99 عاملة 165 الف كيلو 1500 سى سى بس لى بعض الاسئلة :
1- ازاى اعرف العربية الكورى الخليجى أم مصرى الخليجى أم مصرى
2- اغلب الناس بتحط بنزين ايه للعربية80 أم 90
3- العربية عاوز كوبلن وعاوزه ليات ( سوست ) اخيبوا منين وبكام واسمه ايه
4- الاريال بتاع العربية مكسور بس الموتور بتاعها شغال
5- انا من الصعيد وكنت عاوز اشد العربية ( سمكرة ، دهان ، تنجيد ، كماليات .... الخ ) فى بحرى تنصحونى بأيه اروح فين وابتدى العملية دى ازاى.... ناس قالت لى عليك وعلى الزقازيق فيها شغل جامد
وشكر جزيل لكم جميعا

و انا كمان معاياي اكسنت 2005 عربيه جميله و بصراحه عمرها م قلت معايا بس انا زهقت من التوكيل بحس كل مره اروح اعمل الصيانه انه بيتم اشتغالي جدا مع العلم انها عمله 53000 بس عاوز بقي ظبطها بره عشان التوكيل حراميه بس بما اني لا افقه شيء في العربيات ف خايف يتم اشتغالي برده بس العربيه تبوظ فيدوني يا شباب الاكسنت