لسة بتاخد مساعدات مادية من أهلك؟
انا مش هقول كلام مكرر زي الشقق بقت بكام و عشان تشطب شقة شوف هتدفع كام ده غير المرتبات أصلاَ بتاخد كام .. أعتقد كل ده كلام معروف و إحنا مستلمين الراية مدلدلة لتحت يا عيني.
يا تري بقي لسة بتاخد مساعدات مادية من أهلك بعد ما إتجوزت؟ و أهلك ساعدوك قد إيه وقت ما جيت تتجوز
يعني انا أعرف ناس متجوزين و برغم شغلهم و مرتباتهم فيه مبلغ شهري ثابت بياخدوه من أهلهم و إلا مش هيعرفوا يعيشوا، ده غير إن الأهل طبعاَ دافعين الجزء الأكبر في الشقة و التجهيزات.
و لو مش متجوز و مستقل بحياتك .. مش بتلاقي الفلوس خستعت معاك و وراك قسط عربية ولا صيانة ولا حتي نفسك تسافر يومين و مفلس فا بتميل شوية علي والدك ولا والدتك؟
الحياة معاك شكلها إيه بعد ما بقيت المفروض مسئول عن نفسك؟
