حنتفرج ..حنتفرج .. دعوة لمقاطعة كروت الجزيرة!!!
المفروض اننا نكون ايجابين اكتر من كده.. دلوقتي الشركتين سواء الجزيرة او art ضحكوا و نصبوا علينا بدليل
المشتركين الحاليين في art و اللي اشتراكهم ساري حتي بعد البطولة و فيه ناس اشتراكهم ساري لغاية شهر مايو زي حالاتي
المفروض ان الناس دي اشتركت عشان تشاهد البطولات الحصرية اللي كانت art وخداها و كان اولها بطولة الامم الافريقية و مرورا بكأس العالم و بطولة الامم الاوربية و دوري الابطال الافريقي و الاوربي - يبقي المفروض ان المشتركين دول يتمتعوا بالخدمة دي سواء استمرت art او غارت لان الناس دي دافعة قيمة الخدمة و اللي يحصل خلاف ذلك يبقي اسمه نصب.
لازم ناخد بالنا من نقطة مهمة جدا ان الجزيرة لعبت لعبة يهودية جدا فهي لم تقم بقطع الاشارة عن مشتركي art بالعكس استمرت عادي جدا لكن بعد تغيير مسمي القنوات للجزيرة الرياضية و فتحت 8 قنوات رياضية و خلت 9 و 10 لاذاعة البطولة لاجبار مشتركي art علي اعادة الاشتراك من اول و جديد.
و طبعا ده تصرف مش محترم و فيه استهتار بمصلحة العملاء و انا مش حخلي الموضوع فيه عنصرية و ان الجزيرة بتنتقم من مصر و الكلام ده كله لاننا اصبحنا في عالم ادفع لتشاهد - و احنا دفعنا يبقي لازم نشاهد
لذلك لازم نتصرف بتحضر و ايجابية زي الناس دي ما نصبت علينا يبقي احنا من حقنا اننا نشاهد البطولة و نحصل علي حقنا بطريقتين:-
الاولي و هو الحل العاجل بضرورة تركيب وصلة او اشتراك في شيرينج
الثانية مقاطعة كروت الجزيرة مقاطعة نهائية و دي بمشيئة الله حتكون مؤثرة جدا لان مصر سوق كبير جدا و مطمع و الدليل ان الوصلة و الشيرينج كانوا مجننين الشيخ صالح لدرجة انه اتهم الشعب المصري كله انه بينصب عليه و نفس الكلام ده حتتأثر بيه الجزيرة و يجب ان لاننسي ان المشتري اقوي من البائع بكثير.
الثالثة: نعمل بلاغات في مكتب حماية المستهلك و المكتب ده ممتاز جدا و ايجابي قوي قوي لكن المهم في الموضوع هو كثرة البلاغات و خصوصا من مشتركي art الساري اشتراكهم و دي تليفوانات مكتب حماية المستهلك
19588
0235380383
0235380380
0235380381
0235380382
فاكس 0235380384
و بكده يبقي ادينا درس للجزيرة عشان ما تستهترش بالمصريين تاني خصوصا و ان ايامنا معاهم طويلة لغاية 2018 و هما واخدين كل البطولات حصريا
محمد فهمي