لا يمكن ابدا اعدي 140 عند اختبار العربية علي السريع

يا جماعة معايا نوبيرا ون كوري 1997
كان عندي شوية مشاكل في العربية واتحلت جميعا
الموتور حاليا حالتة كويسة و بيخرج رذاذ مية مع الشكمان السحب اتحسن كتير ولكن مشكلة غبية جدا اني مستحيل اعدي سرعة 140 حتي مع السير المتواصل
العربية اوتوماتك 4 نقلات
وانا مرة جربت تجربة خطيرة شوية اني انزل الفتيس علي الغيار 3 السرعة زادت بشكل ممتاز لحد ما وصلت الي 160 و كان الrpm 7 فرجعت الغيار علي الd ولكن العربية بدلا من انها تكمل تسارت رجعت بطأت مع استمراري علي ضغطة البنزين المنتظمة و رجعت تاني لحد 140
افيدوني افادكم الله

اولا الحمد لله على كده وبلاش الجرى بالسرعات دى
العربية برضة من سنة 97 وكمان 140كم/ساعه كتيرة على طرق السيارات فى مصر
وربنا يسترها عليك وعلىينا كلنا

أكشف عالفتيس .

اكشف علي الفتيس يا باشا في حاجه غلط كده

انا سألت قالولي كدة برضة
انا غيرت علبة البلوف بتاعت الفتيس ومع ذلك كل اللي حصل ان معاد النقلات اتغير مش اكثر
الأول -الثاني سابقا 40 ربم 4
الأول -الثاني حاليا 35 ربم 2,9
الثاني-للثالث سابقا 60 ربم 3,9
الثاني - الثالث حاليا 50 ربم 3
الثالث - الرابع سابقا 90 ربم 4
الثالث - الرابع حاليا 75 ربم 3
نفس العيب عند الوصول الي السرعة 140 اخره 150 يتوقف الأمبير عن الحركة سرعة و ربم
ربم= rpm بس عشان العربي نع الأنجليزي بيلخبط

هل كدة لازم اغير الفتيس كلة وربنا يعوضني
ولا لسة فية حل ممكن اعرف اعملة علي الوضع الحالي

اخى العزيز 140 سرعة مش بطالة بالنسبة لعربية بقالها 13 سنة شغالة وفتيس مترمم ، لو عايز اكتر (ربنا يكفينا جميعا شر السرعة) فكر انك تغير السيارة كلها ، لأن مش شرط انك تشترى فتيس استيراد آخر تقوم تلاقى العملية اتحسنت ، ممكن تلاقيها سائءت اكتر، لكن هناك سؤال، كام ال rpm قصاد ال 140 على الرابع اثناء التسارع؟

عند 140 الربم بيبقي 4 و عند 150 بيزيد بسيط قوي يعني بيبقي 4.2

أنا عندي أختها ولما اجيب 120 كم عنيا بتبقا وسط راسي والله الواحد يرضي باللي عندة لان الحوادث بتحصل في جزء من الثانية

انا كنت مسافر طريق بورسعيد دمياط ومرة واحدة لقيت جاموستين ماشيين يتمختروا وبيعدوا الطريق اذا كنت بتجري جامد فوق 80 ياتري هتعمل ايه وهتفكر بسرعة امتي و ازاي اذا كنت لسة يادوب هتشفهم في لمح البصر؟ وتحسب سرعتهم هتلحق تسبقهم قبل ما يعدوا اذا كان ينفع والا تقف تستني ... وللعلم الجاموسة طن يعني واحد داخل في جبل.