-
استفسار علي المساعدين
بقالي فترة فية طقطقة في العفشة كل ما اطلع علي مطب المهم روحت لعفشجي قاللي البطاحات عايزة تتغير المهم وهو بيغيرها قالي المساعدين بتاعتك خفيفة والمفروض يتغيروا المهم اني بعد ما غيرت البطاحات الصوت راح والعربية بقت كويسة الحمد لله هل انا المفروض اغيرهم ولا غلط اني استني شوية ولو المفروض يتغيروا عايز اعرف سعرهم كام وازاي اعرف انها فعلا خفيفة ولازم تتغير
اسف علي الاطالة
وشكرا علي الرد مقدما:ask::ask:
-
اولا العربية عاملة كام الف بالمساعدين دول؟؟
اعمل اختبار الارتداد و لو العربية فشلت فية يبقى فعلا المساعدين تعبانة
و بشكل عام يفضل خدمة اجزاء العفشة مرة واحدة... يعنى التغييرة تكون طقم المساعدين + البطاحات + الكوبايات
MMamdouh
-
اسف علي التاخير في الرد
شكرا علي الرد يا استاذ ممدوح هي العربية شاريها من الاستثمار كانت عاملة 80000 ودلوقتي
عاملة 95000 كيلو ومن ساعة ما جبتها ما غيرتش المساعدين
فية استفسار هو اية هو اختبار الارتداد دة ؟
ولو جبت طقم المساعدين و الكوبيات تتكلف كام تقريبا
-
يبقى احتمال كبير المساعدين تعبت بعد 95 الف كيلو... انا مغير بتوع عربية الوالد عند 77 الف
اختبار الارتداد بيبقى عن طريق الضغط بقوة لاسفل على كل جنب من اجناب العربية و تسيبها ترتد لفوق و تلاحظ حترتد لفوق و تحت كام مرة... لو طلعت لفوق و هبطت سنة و شكرا يبقى المساعد ماسك نفسة... لو اتنطتت فوق و تحت يبقى المساعد مات
YouTube - Auto Repair & Maintenance : When Should You Replace Shock Absorbers?
و على فكرة الاختبار دة مش دقيق اوى لان لو المساعد حالتة 50% ممكن ينجح فى الاختبار
طقم المساعدين المونرو عاملين 750 جنية و طقم البطاحات + الكوبايات عاملين 200 جنية
MMamdouh
-
ولو ماغيرتش المساعدين دلوقتي (لاني مش بشتكي منها) هل دة غلط علي العفشة:120146b:120146b
-
طالما مش بتشتكى منها يبقى لسة موصلتش للحد اللى ممكن تبقى خطر على باقى العربية
MMamdouh
-
شكرا علي الرد يااستاذ ممدوح جزاك الله خيرا:ask::ask::ask:
-
السلام عليكم ورحمة الله وبركاته
سؤال لمحمد بك ممدوح
هو المساعدين المونرو في نفس ليونه مساعدين العربية الأصلي ولا ناشفين ؟
علشان أخويا عاوز يجيبهم في عربيته نوبيرا مكان الكوري إلي فيها
تحياتي وإحتراماتي هي عربية أسرة للعلم
-
المساعدين الاصلى طرية و الKYB انشف منهم و المونرو انشف من الKYB
MMamdouh
Content Relevant URLs by
vBSEO 3.6.0 PL2