مأساتى معى t e data ولو حد يقدر يساعد

فى الاول السلام عليكم .هدخل فى الموضوع على طول
انا كنت مركب عندى وصلة فى البيت بس انتو عارفين القرف اللى بيجى من ورا الوصلة .بنتحنس وخلاص بالنت لكن ولاواحد من المشتركين بيستمتع بالنت فعلااا وبنقعد نتهم بعض بسوء استخدامة فى الداون لوود على الفاضى والمليان.
المهم استغليت فرصة التخفيضت اللى عملاها المصرية للاتصلات وقدمت على خط تليفون جديد
طبعاااااا انتو عارفين يعنى اية روتين فى المصرية للاتصالات .حاجة تشل .اللى تلاقى موظفة نايمة وموظفة طول الوقت بتكلم عيالها فى البيت من تليفون الشغل وكدة .المهم
دخل التليفون وقمت مقدم على طول فى تى اى داتا.
يوم 30/12 اللى فات بعتولى رسالة ان الخدمة دخلت عندى .ركبت الروتر وشغلتة ان لمبة الdsl تنور ابدااا دايمااا لمبة الalarm هيا اللى شغالة
طبعااااا اتصلت بالدعم الفنى قالولى يمكن يكون العيب من سلك التليفون .غيرت السلك وبردة مفيش .
فالولى يمكن يكون العيب من الاسبلاتر غيرتة وبردة مفيش .قالولى يمكن يكون العيب من الروزتة غيرتها وبردة مفيش .
المهم قالولى جرب الروتر جربتة عند واحد صاحبى وطلع شغال زى الفل .اتصلت بيهم تانى قالولى وصل السلك مباشرة من البوكس بالروتر طبعااا ارجت السلك ووصلتة وبردة لاااااااافائدة .
المهم قالولى فى الاخر ان كفاءة الخط عندى ضعيفة وخلى المصرية للاتصالات تغيرلك الفرعة طبعاااا بعد دوخة فى السنترال وورا الفنى غيرت الفرعة
وبرضة لافائدة
طبعااا انا كل مرة اكلمهم يقولولى احنا هنحول مشكلتك للاعطال حولونى للاعطال 3 مرات .طبعااا الاعطال بترد وبتقول ان الخدمة واصلة فى السنترال .اكنى المفروض اروح اجيب سلك ووصلة من السنترال لحد شقتنا ؟؟؟؟؟؟؟
المهم بعد ماغيرت الفرعة وكلمتهم وبرضة مفيش نت
بقولهم طب واية الحل دلوقتى ردو عليا وقالولى هنحول مشكلتك للاعطال طبعاااا صرخت فيهم لانى حسيت انى بلف فى دايرة مفرغة
طب ياجماعة ابعتولى فنى ييجى يكشف يمكن اكون انا غلطان فى حاجة ومش واخد بالى طبعااااا يعد مداولات ومناقشات واحنا هنتصل بيك كمان ساعتين .
المهم اخيراااا قالولى احنا هنبعتلك فنى خلال 48 ساعة .استنيت مجاش بتصل قالولى اصل احنا لغينا الزيارة اصل مجى الفنى ملهاش لازمة دة عيب من المصرية للاتصالات .
طيب ياجماعة انا روحت لمدير السنترال وقالى يابنى انا موصلك الحرارة والصوت زى الفل ومهمتى بتنتهى عند دة ودى مشكلة تى اى داتا وهاتلى مندوبهم وانا افهمة غلطة ادور على الباشا المندوب مش لاقية اسأل على تليفونة زمايلة مش راضيين يدوهالى اكنها سر عسكرى؟؟؟؟؟؟

كل ماكلم بشوات تى اىداتا يقولولى خلى السنترال يغيرلك الفرعة تانى ؟؟؟؟؟
.طب ماهيا اتغيرت قبل كدة طب يابشوات انا مليش دخل بالسنترال انا المفروض تدخلى الخدمة لحد البيت اتعاملو انتو مع السنترال فى المسائل الفنية دى
.يقولوى احنا ملناش دعوة الخدمة دخلالك على خطك فى السنترال
كلم المصرية للاتصالات
اكلم شكاوى المصرية للاتصالات يقولولى روح السنترال احنا شكاوى بس لو حرارتك مقطوعة
المهم كلمت 155 شكاوى هيئة الاتصالات
قالولى ان لازم يعدى على التعاقد 21 يوم عشان نتدخل عدا منهم 10 ايام
طب ياجماعة اقعد 21 يوم حاطط ايدى على خدى عشان بس تبتدو تتحركو دة اسمة كلام
لحد مايئست وبفكر ارجع للوصلة تانى
وعاشت مصر حرة مستقلة
ياريت لو فى حد من الاعضاء يقدر يساعدنى هكووون شاكر جداااااا
واسف على الاطالة
تحياتى

ادخل على الموقع بتاعهم
واكتب عليه شكوى
وزيها من الميل عندك

وبالمرة
انت تبع سنترال ايه

السلام عليكم
دة بالضبط الي حصل معايا من سنتين طلعوا روحي وبعد ما الخدمة وصلت عقب الاتصال بشكاوي الجهاز القومي لتنظيم الاتصالات استمريت معاهم سنة كل شوية اعطال و قرف و دعم فني يركنك علي التليفون بالساعات قمت واخد القرار ولغيت الاشتراك واشتركت مع احد شركات المحمول الخدمة وصلتني بعد يومان وحتي الان منذ سنة تقريبا وهي زي الفل و دعم فني محترم جدا ربنا يوفقق معاهم

انا سنترال الحى الاول 6 أكتوبر
ومتشكر على الاهتمام

فى الموقع بتاعهم مفيش اى حاجة تقدر تشتكى من خلالهاااا من الاخر موقع عقيم
ومعرفلهمش اىميل ؟؟؟؟؟

تى اى داتا حاجة مقرفة جدااااااااااا

وهو ده العادى من مصر

حصلت مع واحد صاحبى بنفس حكايتك بالظبط عدا ان هو الفيلم ده حصل معاه فجأه وهو مشترك قديم

اتصلنا واتخانقنا وغيرنا التفريعه والسلك كله لغايه الشقه والروتر والاسبليتر وحتى كمان الكمبيوتر وبرده مفيش نت ورحنا فرع مكرم عبيد مرتين ونتكلم ونتفاهم وهما مش عايزين يفهموا وفى الاخر قدم على خط نت تانى فى خط تليفون تانى عنده فى البيت وبعد ما اشتغل عليه شهرين فجأه الخط الاول اشتغل تانى لوحده بدون اى تدخل واتصلوا بيه قالوله جرب الخط وهنديك 6 ايام لحد ما تيجى تدفع الاشتراك وتجدد وكدا وهيتم تعويضك عن الفتره دى , طبعا دفع وشغل وقال هلغى الجديد لقى ان القديم سرعته واقعه طول النهار ومش شغال كويس فبطل يدفع فلوسه ورجع للجديد تانى

الخلاصه العيب من عندهم وبيبقوا مش عارفين يحلوه

حضرتك الغي الاشتراك معاهم و ريح دماغك و اشترك مع اتصالات او فودافون حتي عندهم مندوب ممكن هو الي يجي يركبلك كل حاجة لو انت عندك حاجة مش سليمة اكيد هو هيفهم و يصلحها انما تفضل تحت رحمة t e data لاء ده كده هيبقي حرق اعصاب و تليفونات علي الفاضي حاجة تقرف الواحد يتهان بي فلوسه ولا اكنهم بيدونا حاجة بي بلاش و يوم ما تتاخر عن دفع الاشتراك يقطعو الخدمة

انا أعرف واحد في الشركة يمكن يقدر يساعد ,
ابعتلي رقم تليفونك على الخاص و اسم صاحب التليفون أو صاحب الإشتراك و إمتى ممكن تكون موجود علشان لو حد كلمك و يا ريت يكون قبل الساعة 4 م .

باشا انا كان عندى نفس المشكلة بالظبط
وطلع فى الاخر عيب كهرباء ان الكهرباء كانت ضعيفة فكانت بتخلى على طول لمبة الالرم منورة
ولما جبت سلبلزير للراوتر
النت اشتغل وبقى زى الفل
ودوخت بردة دوخة كبيرة زيك بالظبط

والله يا جماعة الشركة دى بجد شركة مقرفة جدااااااااااااااااااااااا اااااااااااا لأبعد الحدود و اسؤ خدمة عملأ تلاقيها و محفظينهم الكلام والله و لو حاجة يديك السبب على طول و يقفلو
و دلوقتى الحمد لله بقالى حوالى 7 شهور مع فودافون بأمانة ربنا والله شركة خدمتها فوق الوصف تحفةةةةةةةةةةةةةةةةة جداااااااااااااااااااا و النت ماشاء الله علية
وصلت لدرجة ان الخط عندى بيقطع حرارة فا بالتالى النت بيفصل بتصل بفودافون هيا الى بترجعلى الحرارة و الاقى واحد جاى من السنترال بتوجية من الشركة فودافون و بيشوف العطل فين و هو الخط عطل مرتين من الستنرال بوضح من السنترال مش من الشركة و بلاقى الشركة هى الى بتبعت الفنى بتاع السنترال بيشوف العطل و المرتين العطل بالظبط 24 ساعة و يكون متصلح
انا والله بنصح اى حد بى نت فودافون
و تى اى داتا دى احلى حاجة فيها ان قسم التسويق شادد فيها حيلة جدااااااااااا من اعلانات و كدة لكن كا شركة سيئة جدااااااااااااااااااااااا اااااااااااااااااااااااا

اشتكيهم فى الجهاز القومى لتنظيم الاتصالات

NTRA Web Site

او حماية المستهلك

customerservice@tedata.net

support@tedata.net

اقتباس:

---

المشاركة الأصلية كتبت بواسطة fadi ezzat

باشا انا كان عندى نفس المشكلة بالظبط
وطلع فى الاخر عيب كهرباء ان الكهرباء كانت ضعيفة فكانت بتخلى على طول لمبة الالرم منورة
ولما جبت سلبلزير للراوتر
النت اشتغل وبقى زى الفل
ودوخت بردة دوخة كبيرة زيك بالظبط

---

باشااااا متشكر جداااااا لردك واهتمامك بس مش عارف هو اية بالظبط ال سلبلزير
ياريت توضح اسمة اية واجيبة منين وبكام
ومرة اخرى متشكر جدااااا

ياجماعة انا متشكر جداااا جداااااااا على اهتمامكووو
وبأذن الله هحاول اجرب كل الحلول اللى انتم اديتوهالى
انا كنت خلاص يأست :fdsa::fdsa:
بجد شكراااا ليكو كلكم

stabilizer
ده مثبت للجهد لو عندك الكهرباء بتعلى وتوطى
جرب الحل ده والاستبليزر مفيد في البيت على أي الأحوال يعني مش حتخسر تمنه، ولو الحل ده منفعش يبقى طبعا

cancellation

شكرااا جزيلاااا يا استاذ بحيرى
بس هو الاستيبلايزر دة بيركب فين بالظبط فى الشقة
وشكرااا جزيلااا

لا شكر على واجب
هو جهاز بتدخله مصدر كهرباء وبتحط فيه فيشة الجهاز اللي عاوز تشغله

دي شركه زفت

واكلين علينا اشتراك شهرين كنا مقدمين على الخدمه و لما وصلوا الخدمه على الخط قام الخط فصل خالص و دوخيني يا لمونه - هم يقولوا مالتاش دعوه كلم السنترال - و السنترال يورينا كومه الشكاوي اللي جاتله بعد مالشركه الزفت راحت تركب
و الناس كلها طلبوا من السنترال مباشره يفصل ال dsl عن خطوطهم قانت اشتغلت تاني

كلمتهم اشتكيت من العك دا قالولي ممكن تلغي الاشتراك اللي ماشتغلش دا اساسا - لغيناه

و اقسم بالله اكتر من سنتين نتابع معاهم عشان ناخد الفلوس و الاخر قالولنا ما معناه دا اللي عندنا

احتسبناهم عند الله

طبعااااا ياجماعة كل مااكلم الدعم الفنى يخترعلى حاجة اعملها عشان يشغلنى يومين اوتلاتة وانا فضلت وراهم لحد مبقاش عندهم اختراعات عاوزين يجربوها طبعااا لما سألتهم اية الحل بقى دلوقتى قالولى هنحول مشكلتك للاعطال لرابع مرة طبعااا لاستنزاف مزيد من الوقت المهم اتخانقت مع الموظف فى التليفون وطلبت اكلم مدير خدمة العملاء او الدعم الفنى .طبعااا ادونى تيم ليدر اسمة احمد الباشا دة قالى بالحرف الواحد ان الخدمة واصلالك فى السنترال واحنا المشكلة دى مش مشكلتنا دى مشكلتك مع المصرية للاتصالات طبعااا قلتلة ان مش المفروض منى اجيب سلك ووصلة من السنترال لحد بيتنا وان لو فية مشكلة فى المصرية للاتصالات فكلموهم انتم وفهموهم المشكلة فين وهما مستعدين يعملو اللى انتم عاوزينو واللى قالى كدة مدير السنترال والراجل بكدة عداة العيب وقزح
طبعااا لو بتكلم طوبة كانت فهمت ومن الاخر قالى هو دة اللى عندنا عاوز نت روح جيبة من السنترال
طبعااا قلتلة انى اشتكيتهم لهيئة الاتصالات -قالى احنا عندنا كدة مفيش مشكلة احنا موصلينلك النت فى السنترال
انا كلمت واحد من الشركة كان عارف مشكلتى بس مش هقدر اقول بيانات عنة عشان ميتأذيش فى شغلة قالى بالحرف الواحد ان الشركة مش هتعملك حاجة وهتقعد تمطوحك يمين وشمال واحسنلك تعمل كنسليشن وتشترك فى شركة تانية احسن واقترح عليا اشترك فى فودافون -بصراحة ربنا هو بنى ادم محترم وقالى الحقيقة بدون لف ولادوران ان شركة تىاىداتا شركة زبالة ونصابة
المهم انا روحت عملت كنسليشن

يا باشا انا لو منك اطلع طوالى على حماية المستهلك

و ميضرش لما تبعت شكوى لتنظيم الاتصالات

علشان بتوع زفت داتا دول زودوها قوى

بس سوال بسيط قبل كل ده انت الكهرباء عندك بتلعب يعنى بتقل او تزيد ؟؟؟

حاول محاولة اخيرة انك تشغل الراوتر فى وقت متاخر من الليل , او لو جارك مش على نفس الفازة خد منه واصلة مشترك وجرب

انا عارف ان دى احتمالات ضعيفة بس علشان نقطع الشك باليقين قبل ما تبداء تشتكى

و حاول تلغى معهم الخدمة وخد خط من لينك وبالتوفيق يا باشا

ياجماعة انا بشكر جدااا جدااا كل اللى رد على موضوعى وكل اللى قرأوه وكل اللى اهتمو
وخاصة الاستاذ بكر اللى اتصل بيا وكلمنى عشان مشكلتى بدون سابق معرفة بيا-وبصراحة ربنا هو علمنى حاجة جديدة -بشكرة فعلااا لان هو اهتم بمشكلتى وحاول يحلهالى شكرااا جزيلا وجازاك الله خيرااااااا
احب اقولكم اخر الاخبار
اننا قدمت على الكنسيليشن يوم الاربع الموافق 13 يناير
يوم الخميس الساعة سبعة بليل النت اشتغل لحد يوم الجمعة الساعة واحدة الظهر بدون انقطاع والسرعة مكنتش حلوة قوى بس نصف العما ولا العما كلة
طبعااا اتصلت بعباقرة الدعم الفنى فى تى اىداتا اللى فشلو يلاقو تفسير للموضوع وطالبونى بعمل بعض من اختراعاتهم لرابع مرة وهى توصيل السلك مباشرة للراوتر واكلمهم
ياريت لو حد يعرف تفسير منطقى للى بيحصل دة من الاخوة اللى معانا ياريت يقولى
وثانية شكرااا ليكم

ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى مراجعة قواعد المنتدى


مشرف القسم 3

والله انا برده عاوز اجيب خط برده بس زهقت من شركه تى داتا دى ياريت يا جماعه لو حبيت اجيب على فودافون او موبينيل اجيب خط ازاى

والله يا جماعة انا حاسس انكم متحاملين شوية على شركة تى داتا بالرغم انها افضل مقدم خدمة نت فى مصر تقريبا ومشترك معاها ملايين الناس بدون مشاكل وموش معنى حدوث بعد الاخطاء الفنية المحدودة انهاشركة سيئة ونشتم فيها بالشكل ده
انا مشترك معاهم من اكتر من 6 سنوات والخدمة زى الفل بدون مشاكل
والسلك اللى عندى راكب من اكتر من 15 سنة بدون ادنى مشكلة
ولذلك انا باعتقد انه العيب اللى عند الاخ الكريم صاحب الموضوع معقد شوية وصعب معرفة السبب لانه بما ان التوصيلات وكل شئ تماما ليه فيه مشكلة فى الانترنت؟
اعتقد لو احد الاخوة المتخصصين فى هذا الموضوع ممكن يكون عنده حل مبنى على اساس علمى

خلاصه الموضوع اشترى دماغك و كانسل و روح لفودافون والله فودافون برقبة تى داتا, و الروتر من عندهم ببلاش و الناس بتاعتهم فعلا فهمين بيعملو ايه المندوب وصل فى ميعاده بالدقيقه و ممشيش غير والنت شغال, و خدمه عملاء ممتازه لو حصل حاجه فى النت و المشكله من عندهم فعلاً بيقول المشكله من عندنا و هتصلح يوم كذا و فعلاً بتصلح, تى اى داتا لو فى حاجه فى النت لازم يطلع المشكله من عندك ,تحس ان عيب يكون عندهم مشكله, و لو حصل و قالك المشكله من عندنا تقوله هتتصلح امتى يقولك ما عرفش, حتى لو النت اشتغل مع تى اى داتا فودافون احسن لك بعد كده.

بصراحة ربنا انا فعلاااا اللى جننى فى تى ايداتا انهم مصرين يحملونى انا مسؤولية العطل واكتر من مرة قلتلهم ياجماعة ابعتولى فنى .عشان انا خريج تجارة وممكن يكون فى حاجة ركبتهاااا غلط وانا فاهم انها صح وتكون سبب وجع القلب دة .طبعااا اول ماهيشوفها الفنى اكيد هيكتشفها
ولا حياة لمن تنادى .
ومرة قالولى ان الفنى هيجيلك فى خلال يومين .اتصل بعد اليومين الاقيهم بيقولولى احنا كنسلنا الزيارة اصل زيارة الفنى ملهاش لازمة .هو هيعملك اية يعنى ؟؟؟.بدون حتى مايبلغونى وانا اللى اتلطعت مستنية يومين
ومرة تانية يبلغنى الموظف ويقولى هو يافندم نوع العقد اللى مضيناه معاك ينص على ضرورة احضار فنى -طبعااا انا اندهشت من السؤال الالمعى دة وفهمت ان الاخ عاوز يسطعبطنى
ولما قلتلة انا كل العقود زى بعض وكلها صيغة واحدة ومطبوعة ومعتقدش ان فية عقد بصيانة وعقد من غير صيانة ولوكان فية فأنتم مبلغتونيش لية قبل ما أشترك .
رد وقالى ان زيارة الفنى اول تلات ايام فقط من تركيب الخدمة وبعد التلات ايام يسقط حقك فى طلب فنى -بذمتك دة رد ناس عاقلة وبتفهم
هو الاخ nfs بصراحة ربنا قال الكلام الصح وانا متفق معاة

انا فعلاااا ممتن للمنتدى الرائع دة فعلااااا ولاعضاءة الاكثر من رائعين
كلمنى الاستاذ حسام وقالى انو كلم تى اى داتا عشان يهتمو بموضوعى وهما فعلااا من ساعتهاااا بيعاملونى كأنى ابن وزير مش واحد عاوز يقرفهم عشان فاضى حبتين
وكلمتنى انسة من عندهم حولتنى على الدعم الفنى لكبار العملاء(لازم الشركات المصرية يكووون فيهاااا خيار وفاقوس !!!! امال انتا عاوز الروس تتساوا -حتى شركتنا برضة فيهاا الموضوع دة والشركة اللى كنت شغال فيهااا قبل كدة -اعتقد انها ثقافة مصرية ) وقالتلى ان فى فنى هيجيلى فى خلال 48 ساعة وفعلاااا الفنى صلح العطل اللى كان فى الكابينة الرئيسية
والحمد لله السرعة عال العال والنت زى الفل
ومرة ثانية شكرااااااااااااا جزيلاااااااااااااااا وجازاكم الله كل خير

يا جماعة المشكلة لما يكون العطل فى الكابينة أو البوكس ,,, ساعتها ولا تي داتا ولا فودافون ولا أى شركة هتعرف تعمل حاجة لأنهم لازم يرجعوا للمصرية للإتصالات علشان تبعت فنى يشوف الأماكن ديه . وطبعان كل شركة على أد اللى بتدفعة للمصرية الناس هتتحرك بسرعة :) بس من الأخر تى داتا أحسن الوحشين بكل المقاييس .....

تى اى داتا أسوأ شركه عن تجربه
كنت مشترك فى شركه تانيه(بدون ذكر الإسم)عشان ما تبقى دعايه
المهم
كانت سرعة الداون لود 59 كيلو بايت و الأب لود 11 كيلو بيت و بلليل داون لود 67 كيلو بايت(أكتر من حقى) والأب لود 22 كيلو بايت (برضه أكتر من حقى)
لأن الخط 512
ليه غيرت لشركه تانيه لما الخدمه ممتازه كده ؟
كنت عايز سرعه أعلى و إنتظرت أكتر من شهرين لما لقيت الحكايه طولت قلت ألغى معاهم و أشترك فى تى إى داتا
بعد إعطائهم رقم الإلغاء و مكالمة خدمة العملاء لمدة 24 يوم إتصل واحد من تى اى داتا و قال الخدمه إشتغلت
الخدمه إلى إشتغلت سرعة الداون لود 6 إلى 8 كيلو بايت و الأب لود 2 إلى 3
قدمت طلب لإلغاء الخدمه بعد توصيلها ب 48 ساعه لأن الدعم الفنى سيئ جدا ولا يقدم أى حل أو حتى يبعت فنى هو كل هدفه العميل يطلع هو الغلطان
لم أقم بتغير أى شئ من الوصلات أو الراوتر يعنى نفس إلى كان شغال مع الشركه إلى قبلهم
بعد ثلاث أسابيع جائنى واحد من السنترال وشاف التقطيع و مستوى أداء الخط و قال (ده عامل زى الدايل أب)
بعد مغادرت الفنى كلمت الشركه تانى يوم عشان أعرف متى يتم الإصلاح
قالوا الفنى كان عندك و بيقول كل شئ تمام (ده بعد 3 أسابيع إنتظار تشريف البيه الفنى )
المهم باقى على نهايه شهر الإشتراك 5 أيام ولسه ما فى رقم إلغاء (معامله زفت)
وطبعا لو ببلاش سرعة مليون جيجا ما حا جدد معاهم
نسيت أقلول لكم إن إلى حيتجرأ و يكلم الدعم الفنى حيسبوه (ملطوع) على التليفون على الأقل 10ق فى أحسن الأحوال و لن يجد حل أو جواب شافى لمشكلته
هذه تجربتى مع تى إى بطاطا أسرع نت فى مصر و تستحوذ على 70% من مشتركى النت

الحمد لله انا لينك

طييب حضرتك مجربتش تشوف الكونفيجريشن اللى بتتعمل على الجهاز بيجى مهندس يعملها عشان الروتر يشتغل انا وصلت مرتين ولازم كل مره واحد بيجى من الشركه يعمل زى تعريف للراوتر على الكومبيوتر ؟؟