معلش مفهمتش قصدك :) تابع معانا الماتش :lurk5:
عرض للطباعة
مالاوى جابت هدف , يا رب تتعادل و تفوز .
أبو عزة كان هيجيب جون .. مش عارف ليه أنجولا بتنهار في أخر الشوط التاني دايماَ.
موجومبا ولا إسمه إيه رقم 2 ده حمار أوي يا ريت جوزيه يغيره
الماتش محتاج المعلم فلافيو , اصل البرابر دول بيدافعوا بال 11 لاعب و ناقص ينزل المدرب ينزل يدافع هو كمان ..
حتى فى لعبهم قذارة , مش قادرين يلعبوا كورة صح , حرامية يسرقوا الماتش فى شوطة و خلاص .
يا مسهل يا رب .
عارف يا محمود انا مش عايز الجزائر تكسب ليه ؟
ليه يا درش؟
فعلاَ الماتش محتاج فلافيو أوي!
علشان لو دخلوا تانى المجموعة هيلاعبوا كوت ديفوار , و بالتالى هيخسروا و هما فى دور ال 8 .
انا عايزهم يا اما يطلعوا من اول البطولة او يقابلونا فى دور ال 4 لما ان شاء الله نصعد , لكن لو خرجوا و هما خسرانين من كوت ديفوار هيقولوا خرجنا بشرف او خرجنا من منتخب قوى .
يا رب انجولا و مالاوى يشدوا حيلهم شوية , هدف واحد يصعد مالاوى ..
امالنا فى كوت ديفوار كبيرررررر ..
بيقولك الأبطال الجزائرين أثبتوا أنهم رجال المهام الصعبة بمهارتهم ؟
طيب دول اتعادلوا مع أنجولا اللي مش فارقة معاها 0-0 , أمال لو كانوا كسبوا كان قال إيه ؟؟؟؟
ودلوقتي بيعيدوا لقطات الفريق العظيم الجزائري وهو بيضيع كور قدام الجون ؟!
العالم دي عبيطة والا ايه ؟
عندى كلام كتير بس هامنع نفسى من الكلام بجد حرقه دم وضغط بيعلى
أزااااااااااااااااااااااا ااى
ازاى مالى 4 نقط ومعاها هدف
والجزائر 4 نقط وسالب هدفين وهى اللى تتأهل
من امتى بيحسبو بالمواجهات المباشره قبل فرق الاهداف
انا والله مش متضايق عشان الجزائر كسبت
بس عيب مالى تكسب 3-1 وفى الاخر تمشى
طيب ماكنوش لعبو الماتش اصلا
وبعدين لو مشو نظام المواجهات المباشره فى تصفيات كاس العالم
كان زمان مصر دلوقتى فى كأس العالم ولاهى ناس وناس
ان شاء الله كوت ديفوار تجيب خمس اهداف فى البربر دول
وانا معاكم انا اول مره اشوف كده
مش فاهم
انا اول مرةاسمع ان نتيجة المواجهة المباشرة تسبق فرق الاهداف
ده يبقى غباء لان المفروض تشجيع تسجيل الاهداف
لازم الاتحاد الدولي يوحد نظام المفاضلة بين الفرق في كل البطولات
يعني كاس العالم غير تصفيات كاس العالم
غير بطولة افريقيا غير بطولة امريكا الجنوبية!!!
مش عارف ليه عندي احساس ان احنا هنقابل فرقة الدزاير دي تاني:H_angry[1]:
مؤامرة حقيرة علي مالي و مالاوي
مش عارف يعني مالي لو كانت فازت عشرين \ صفر ،،،
برده متطلعشي ؟؟؟
مكنوش لعبوا الماتش أصلا ،، بقه أحسن
أيه الحظ ده ،، فريق يجيب جون واحد يطلع بيه دور ال 8
معنى كده ان الجابون اذا غلبت زامبيا
والكاميرون غلبت تونس باي نتيجة
كده كده الكاميرون هتبقى التاني على اساس انها خسرت من الجابون
:8954[1]:
طيب..نشوفك على خير يا سونج انت وايتو ان شاء الله
بصولها من ناحية تانية
منتخب دخل تصفيات جاب هدف واحد فقط في ثلاث ماتشات , يتأهل للدور التاني !!
ومنتخب حاط في تلت ماتشات سبع أهداف و روح بيتهم !!!
يا أخونة الجزائر حاطت جول واحد فقط لا غير و مالي حاطت 7 !!!!
حــــــــــــــــــــــــ ــــــــــــرام
ده مش اتحاد كورة ده , ده اتحاد رقصات
يرى عصام الحضري حارس مرمى منتخب مصر أن الفراعنة أثبتوا أنهم أفضل من كل ممثلي إفريقيا في المونديال المقبل.
وقال الحضري إن تحطيم الفراعنة للأرقام القياسية في عدد الانتصارات لا يهمه بقدر الحفاظ على اللقب للمرة الثالثة على التوالي.
وكسرت مصر الرقم القياسي لعدم الهزيمة في كأس الأمم الإفريقية المسجل باسم الكاميرون بعدما وصلت لـ15 مباراة دون هزيمة على مدار ست سنوات.
وأضاف الحضري "عدم الخسارة أمر جيد، ويدفعنا للتقدم للأمام حتى التتويج باللقب وهو الأهم من كل الأرقام القياسية".
وتابع "الجيل الحالي للمنتخب ظلم بعدم اللعب في المونديال، ونسعى للفوز باللقب ليكون تعويضا لنا ولجماهير الكرة المصرية عن إخفاق التأهل لكأس العالم".
وأكمل أفضل حارس مرمى في النسختين الأخيرتين من كأس الأمم "نتائجنا في البطولة لم تثبت فقط أننا أحق بالتأهل عن مجموعتنا في التصفيات، ولكننا أفضل من كل من تأهلوا من إفريقيا".
http://betaimages.filgoal.com/images...e/16831981.jpg
.
اهتم حسن شحاتة المدير الفنى لمنتخب بمصر بالخماسى شيكابالا وحسام غالى وعبد الظاهر السقا وأحمد رؤوف والسيد حمدى خلال تدريبات الفريق، تمهيدا للدفع بهم أمام بنين.
ويرغب شحاتة فى الدفع بالبدلاء خلال المباراة القادمة أمام بنين بعد أن ضمن الفريق الصعود رسميا إلى دور الثمانية، بعد الفوز على نيجيريا وموزمبيق.
وظهر الخماسى بمستوى طيب، بالإضافة إلى باقى اللاعبين الذين أدوا تدريباتهم بروح معنوية عالية، ومرح شديد بعد الرحلة التى خاضها الفريق صباح اليوم فى غابات أنجولا.
وأدى منتخب مصر مرانه الرئيسى استعدادا لبنين منذ قليل، وقام شحاتة بتجربة طريقة التى سيلعب بها منتخبنا أمام بنين.
ولم يشارك هانى سعيد مدافع المنتخب خلال تدريبات اليوم، لإصابته بكدمة فى الركبة خلال مباراة موزمبيق، وابتعد نهائيا عن قائمة الفريق المشاركة أمام بنين، بالإضافة إلى محمد زيدان المصاب بنزلة برد.
قال البرتغالي مانويل جوزيه المدير الفني لمنتخب أنجولا أن الفريق المصري كان الأفضل في المرحلة الأولى من كأس الأمم الإفريقية.
ونقلت وكالة الأنباء الفرنسية (أ. ف. ب) تصريحات عن جوزيه يوم الأحد قبل مباراة أنجولا أمام الجزائر إن مصر المنتخب الأفضل من وجهة نظره في المرحلة الأولى من كأس الأمم.
وقهر الفراعنة منتخب نيجيريا في افتتاح مبارياته في المجموعة الثالثة 3-1 قبل أن يضمن التأهل لدور الثمانية بالفوز على موزمبيق 2-صفر.
اللى يضايق ان الجزائر و مالى نفس النتايج
خسرو ماتش واتعادلو ماتش وكسبو ماتش
بس مالى جايبه سبع اهداف والجزائر جايبه هدف واحد
انا اول مره اشوف فرقه تجيب هدف واحد فى تلات ماتشات وتتأهل
ومالى ياعينى اللى اتعادلت مع انجولا 4 - 4 وكسبت مالاوى 3 - 1
وخسرت ماتش 0 - 1 تمشى
الظاهر بيرتبو المجموعه حسب الترتيب الأبجدى
عشان كده خدو
أنجولا
الجزائر
ومالى وملاوى مشيو علشان بحرف الميم
حتي المذيع بتاعهم مفهمتش منه أي حاجة
فالح طووول الماتش
أوووووووه لالالا لا
فريق محظوووووووووظ جدا، ودايما تلاقي قوانين جديدة في الصعود متفصلة على الجزائر، ممكن في كاس العالم يغيروا القوانين ويخلوها اللي يتغلب ال 3 مباريات يصعد، وطبعا الجزاير هاتصعد.
نفسي تكون القوانين واضحة، يجب ان تصعد الجزائر بغض النظر عن اي نتائج أخرى.
صدقوني ربنا مش رايد خير للناس دول، عمر الكورة مكانت هي الخير، اللي بيحصلهم ده عبارة عن تخدير شامل، ونشوة وهمية عايشين فيها وأوضاعهم الداخلية هاتزيد تفكك وقتل وبربرية، وهم طبعا مش هامههم حاجة وكله بسبب الإنتصارات العظيمة للخضراء، ومعك يالخضرا ديري الحالة، و 1 2 3 فيفا لالجيري.
ربنا يشيل الغشاوة من على عيونهم، وعن عيوننا احنا كمان.
البطولة الاغرب فى التاريخ كما قلت من قبل ..
بوركينا فاسو تتقدم على غانا 1 \ 0 فى مباراة غريبة !
عفوا الهدف لغانا :)
انتهت مباراة غانا وبوركينا فاسو بفوز غانا 1-0
كدة مبروك لغانا وكوت ديفوار المربع الذهبي
واعتقد ان ده هيكون افضل عقاب لأنجولا والجزائر على تواطئهم ولعبهم الغير شريف وانعدام الاخلاق الرياضية في مباراتهم الاخيرة
تفتكرو ممكن نقابل مين
انا بصراحة اتمنى نقابل الكاميرون لأن مستواهم في البطولة المرة ديه غير جيد على الاطلاق
اما تونس ممكن يرخمو علينا ويغلبونا وزامبيا طبعا فريق في نظري خطيييييييير ويستحق التأهل عن الكاميرون والجابون
على فكره المربع النهائى
مصر - نيجيريا - ساحل العاج - أنجولا
مصر _ غانا _ كوت ديفوار _الكاميرون .
اقوى اربع فرق فى القارة و منهم ثلاثة صعدوا لكاس العالم و للاسف اقوى منتخب لم يصعد !!
مصر وبنين 2-0 لمصر احمد المحمدى وعماد متعب
مباراة من جانب واحد و نصف اللاعيبة خلصان شحن من اولها :)
مبروك لمصر ياجماعة
واتمنى زيدان ميلعبش بجد الماتش الجاي
زيدان و متعب على فكرة فى مشكلة بينهم شكلهم مش طايقين بعض خااااااالص ..
انا بحب زيدان جدا ومعترف بااننا محتاجينه ومحتاجين مهاراته
لكنه بعيد كل البعد عن الانسجام واللعب الجماعي وبيجري ورا غريزته وعصبيته في انه لازم يبقي النجم الاوحد ولازم الكل يخدم عليه ويسمع كلامه ويطبطب عليه
ومش متعب بس الي مخنوق منه ماهو متعب ياما ضيع محدش كلمه لكن زيدان بيعاتب كل شخص ازاي متدنيش !!
دة قصدي لما قلت ياريت ميلعبش الماتش الجاي
وياريت يشوفلنا حل في حسام غالي وحسني عبد ربه عشان الاتنين في غيبوبة خصوصا في المهام الموجه والتمركز بتاعهم تحس كل لعيب بيلعب فمكان غير مكانه او مش مظبوط ولولا احمد حسن كنا شفنا بلاوي في خط النص اكتر واكتر ربنا يديله الصحة :verygood:
مين معايا في ان خروج عبد الظاهرالسقا تغيير غلط 100% ومن بعدها الماتش كان بيروح مننا
وبرضه تغيير جدو جه متاخر وفي تشكيلة غريبه بعد ما كان المنتخب منظم جدا الشوط الاول رجعنا لحاوريني يا تيته تاني