استفسار بسب خربوش فى العربيه

**Mshawky** · 10-01-2010 10:06 PM

انا ولله الحمد من كتر البص وكلام العيال لبست خربوش زى العسل فوق العجله اليمين اللى ورا
فى الرفرف يعنى بس خربوش بسيط لانه حك فى عربيه راكنه وانا برجه بسيط جدا وطوله تقريبا 3 سم او اقل بس باين انه خربوش طبعا

فهل اشترى بوليش المستورد ده واعمله بيه يروح ولا واحد بتاع دوكو يزبطها على خفيف كده

ايه الافضل ؟ لانها مضيقانى وخلتنى عصبى بقالى يومين وبشتم اى حد بشوفه

**amrpost** · 10-01-2010 10:54 PM

دور على ده او لو تعرف حد يجيبه لك من بره. بس نصيحه طالما خربوش بلاش بتاع دوكو يزبطها.

**alzwawy** · 11-01-2010 12:19 AM

معلش يا محمد هي كده لازم عين العربيه معلش شوف الموضوع ده هيفيدك
http://www.nilemotors.net/Nile/95922-a.html

**max_ziro** · 11-01-2010 01:45 AM

سيبة ياباشا ياخد العين
و بعدين اى بوليش هيقوم ب الدور المرجو منة ..

**Mshawky** · 11-01-2010 02:35 PM

متشكر اوى ياجماعه ربنا يكرمكم

بس بجد انا لحد دلوقتى مضايق ده اول خربوس من شهر مثلا فى العربيه ومحافظ عليها اوى والحمد لله بسوق كويس جدا بس مووعود كل ماحد يقولى ايه الحلاوه ديه البس

**mastr_n** · 11-01-2010 02:49 PM

المشاركة الأصلية كتبت بواسطة Mshawky

متشكر اوى ياجماعه ربنا يكرمكم

بس بجد انا لحد دلوقتى مضايق ده اول خربوس من شهر مثلا فى العربيه ومحافظ عليها اوى والحمد لله بسوق كويس جدا بس مووعود كل ماحد يقولى ايه الحلاوه ديه البس

يا سيدى الفاضل ولا تضايق نفسك احنا الى بنجيب الحاجة مش هية الى بتجيبنا امال الى بيتقلب دة يعمل اية؟؟؟؟؟؟؟؟؟؟؟؟
قدر اللة وما شاء فعل ولا تضايق نفسك وكل ماتركبها تانى قول بسم اللة ماشاء اللة
سبحان الذى سخر لنا هذا وماكنا لة مقرنين الى اخر دعاء الركوب

**waelziad** · 11-01-2010 03:15 PM

المشاركة الأصلية كتبت بواسطة mshawky

متشكر اوى ياجماعه ربنا يكرمكم

بس بجد انا لحد دلوقتى مضايق ده اول خربوس من شهر مثلا فى العربيه ومحافظ عليها اوى والحمد لله بسوق كويس جدا بس مووعود كل ماحد يقولى ايه الحلاوه ديه البس

يا باشا... إحمد ربنا انها جت على أد كده وانك لحقت تتهنا بيها شهر كامل!!
العربيه عندي اتخبطت امبارح و هي واقفه في شارع فاضي عرضه 20 متر ......العربيه أستلمتها أول إمبارح ولسه مركبتش نمر!!!!!!!!!!!!!!!!!!!!!!!!!!!!!!!!!!!
الخبطه في نفس المكا ن بتاعك (الرفرف الخلفي يمين)...مش جامده اوي بس المشكله أنها شالت بوية العربيه !!!!
الحمد لله .... قدر الله وما شاء فعل.
انا سمعت أنه فيه قلم بنفس لون العربيه (باذنجاني) بدل مالعربيه تترش.....حد يعرف مننين بيتجاب؟

**fars777** · 11-01-2010 03:34 PM

انا رابع يوم استلمت العربية، واحد خبطتنى من ورا لأن سيادته كان بينكلم في الموبيل ومكنش مركز في الطريق...محصلش حاجه للأكصدام بس اليبوية اتشالت من مساحة كده قد قبضة الإيد..وسبتها عشان تاخد العين..ده غير ان العملية مش مستاهله عطلة...طنش يا باشا ومتمشيش ورا كل خربوش لان بالمنظر ده هتتعب أوى..أحنا في مصر يا ريس..