الفوانيس الأمامية لونها أصفر مش بتلمع :120146b ومش عارف ده من تراب ولا إيه يا ترى أغير الفوانيس ولا ممكن تتسنفر وترجع تلمع ؟
عرض للطباعة
الفوانيس الأمامية لونها أصفر مش بتلمع :120146b ومش عارف ده من تراب ولا إيه يا ترى أغير الفوانيس ولا ممكن تتسنفر وترجع تلمع ؟
لا .. اطمئن .. ممكن تتصنفر .. هات كومباوند من أبو 4 جنيه ده وظبط الفوانيس بيه وبعد حوالي ربع ساعة كده ربع فرخ صنفرة ناعم جدا .. واكحت بيه الكومباوند ب... بس !
ولو مش هينفع موضوع التلميع
ممكن تشتري وش للفوانيس
بص .. انا مرة مشيت في الصحراوي وكان الدنيا مليانة رملة ومكنتش شايف قدامي المهم كنت ماشي بجري ومش مدرك ان الجري غلط لما يكون في عاصفة رملية . المهم اول ما وصلت بنور النور .. وعينك ما تشوف الا النور ملقيتش نور .. كان شمعة مولعة مع ان الفوانيس عندي مركب فيها لمض قوية جدا والفوانيس بحالة الزيرو . المهم لقيط الزجاج الامامي مشبر ,, اشغل المساحة مفييييييييييش ولال الهوا ,, اول ما ركنت ونزلت اتصدمت من المنظر .. لقيت الفوانيس لونها ابيض والزجاج الامامي حبب وانتهي امرة .. المهم اما روحت روحت عند الكهربائي فك الفوانيس ووديتهم عند بتاع الزجاج قعد يلمع فيهم بمواد غريبة بتاع ساعتين ويلمع ويسنفر ويحط حاجة تاني ويلمع ويديلة بالصاروخ ,, انا بيني وبينكم وانا واقف اتفرج انا قولت ده خربهم خالص بس قلت كدة كدة مش فارقة اما نشوف هيعمل اية .. المهم في الاخر خالص سابهم ينشفوا وراح ملمعهم عادي ولالقيلك الفانوس جديد بمعني كلمة جديد ,, واديتة 20 جنية ,, بالنسبة للزجاج قالي ملوش حل الا يتغير وانا كسلت اغيرة .
إذا كنت ناوي تشتري يبقى مش هتخسر حاجة ,
بس يا ريت تصور الموضوع ده و تعمله بالتفصيل علشان الناس كلها تستفيد.
أشكر الجميع على الاهتمام و الرد وسوف أحاول فى حكاية السنفرة و أبلغكم بالرد إن شاء الله :ask::ask::ask:
لو خايف تعملها انت روح لاى كهربائى او بتاع فوانيس هيلمعو بس اتاكد انو قفل الفانوس بسيلكون بعد ميخلص وميسبش اى تفريغ
طب يا جماعة هل فى وش فانوس خلفى؟؟؟ و لا لاء ولو فية يبقى بكام؟؟
طبعا فيه
وسعره بيتراوح بين 20 و 30 جنيه
انا عملت شاطر وجبت أبو 30
بس برضه مش حلو.
فيه فانوس كامل بـ 75 جنيه بس برضه غالبا صيني
الكومباوند هيقوم بالواجب
بص يا باشا انا هقولك على طريقه سهله و انا جربتها:
الطريقة انك تستعمل معجون سنان بس العادى مش الجيل. فى الاول اغسل الفانوس كويس بميه و صابون و بعدين حط حتة معجون اد عقلتين صباع و اديها دعك بليفه مواعين البلاستيك و كرر الحوار لو الفانوس مصفر جامد.
بعد كدة اغسل الفانوس كويس و هتلاقى رجع تمام.