للخبراء (بونتو-اكسيل - لانوس)

السلام عليكم
اريد رأي االخبراء والمجربين في البونتو موديلات تسعينات يعني من 94 والبونتو موديلات اوائل الالفين من حيث سعرهم مستعمل مميزاتهم وعيوبهم (استهلاك بنزين -اسعار وتوفر قطع الغيار-الاعتماديه والاعطال- هل اي مكانيكي يفهم فيها - اسعار وسهوله اعاده البيع وغيره ) ولتكن المقارنه مثلا باللانوس 99-2002 او الهيونداي اكسنت موديلات 97-2000
لاني ان شاء الله ناوي على احد هذه العربيات للاستخدام لمده في حدود سنه وبعدها ابيعها ان شاء الله
وحسب معرفتي الاسعار البونتو -الاكسيل - الانوس (من الارخص للاغلى) على اعتبار نفس الحاله
مع الشكر المسبق

لانوس لانوس


.
من غير اي تفاصيل
عربية ممتازه ف كل حاجه

انا هكلمك عن اللانوس وان شاء الله تاخد معلومات عن التانيين بس ياريت عن تجربه وبكل امانه عشان نفيد السائل
اللانوس
1- الشكل دى اذواق ومن وجهة نظري اللانوس اشيكهم وخصوصا لانوس 1
2-الموتور 1500 soch بيدي 86 حصان لم يطرا عليه اى تغيير منذ انتاجها حتى الان
3- الميكانيكا بتاععتها بدون تعقيد والميكانيكيه بيشتغلو فيها وعارفينها زى 128
4- فيها معظم الكماليات اللي محتاجها بور تكييف زجاج كهرباء سنتر
5-قطع غيار رخيصة ومتوفره وفيه منها الاصلى وغير الاصلى
6-ستهلاك البنزين عالي شويه مقارنه بالكسنت 1500 وده بيعتمد اكتر على طريقة السواقة وحالة المرور
7- التسارع فى الغيارات البطيئه مش اوى لاكن فى الغيارات العايله حكايه بتجرى بشكل مخيف
واهم حاجة تكون حالة العربيه نضيفة
مش عارف نسيت حاجة ولا لا

شكرا للاخوه المشاركين
بس المشكله في اللانوس انه انا ارى سعرها مبالغ فيه شويه يعني فرق السعر بينها وبين الاكسنت والبونتو هل يستحق الدفع ؟؟ ولو حد ممكن يتفضل ويعطينا مقارنه بين اسعارهم على اعتبار حاله جيده جدا وسهوله وسعراعاده البيع

انا كمان رأيي لانوس , بس طبعا لازم تكون عربية حالتها كويسة

انا كمان عايز اجيب بونتو ياريت حد يفيدنا في الاسعار

أنا لو مكانك هاجييب بونتو وياسلام بقى لو الشكل بتاع el-2000 أنا مش عاوز احلف اد إيه العربية ده جامدة أنا كان معايا 2003 وبعتها لظروف مالية ومش عاوز أقولك أنا بركب عربية الولد وعمي لانسر ونوبرا طبعا ماترحم اقوى بس ك رقبة البونتو أحلى بكتير وكمان البونتو تجمعا لحد 100 جامد قوي

مشكورين على الاراء والنصائح التي ستفيدني جدا وجزلكم الله خيرا

بونتو اجمل فى الشكل
موتور 1300 كويس مع لتكييف جدا وتسارع تحت ال 100 ممتاز
قطع غيار متوفره وتنفع شاب وتشيل 5 افراد وقت الزنقه
ايطالى اصلى ماتجمعش منها فى مصر فهاتلاقى تقفيل وزوق فى شكل العربيه الداخلى وقعدتها تحسسك انك راكب فعلا عربيه اوروبى

عن تجربة للتلاتة .. لانوس طبعا

وأظن الأكسيل مينفعش تتقارن بيهم أصلا لأن البونتو والانوس احلى منها بكتير ويكفى فرق الموديل

و الله يا جماعه انا خلاص هاموت من الحيرة
انا معجب جدا بالبونتو 94 بس ناس كتير تقولى ان قطع الغيار غالية شوية
و كمان سعر اعاده البيع
وناس تانية بترجح الاسكودا فيليشيا 97 و بيقولوا انها اوسع شوية و قوية
ياريت حد يفيدنى عشان اخد قرار لانى تعبت من الحيرة

للرفع.............