تجربه تركيب الانذار ووحدات الرفع للزجاج خارج التوكيل
السلام عليكم و رحمه الله وبركاته
اخواني الاعزاء طبعا ناس كتير مننا عايزين يركبوا انذار ووحدات رفع للزجاج ويا حبذا لو كان بالتوكيل ولكن نظرا لاستظراف الوكيل في الاسعار المبالغ فيها سواء في المصنعيه او في الاسعار فانا بصراحه زهقت وقررت اكون الفدائي الاول وربنا يسترها :ask:وبقالي اكثر من سنه ونصف صابر ولكن للصبر حدود (الله يرحمك يا ثومه) فبصراحه انا قررت اكون الفدائي الاول فيكم وقلت اتوكل على الله واجرب وبما اني عندي سابق معرفه بنوع الانذار وسابق معرفه بالكهربائي فدي كانت حاجه مشجعاني لاني مجرب الانذار ده في عربيتي القديمه ولفتره طويله ولحد الان شغال زي الفل(عربيتي كانت لانسر 99) وبالاضافه الى الكهربائي(دسوقي) اللي كان مركبهولي وشغله نضيف وفاهم بيعمل ايه فتشجعت ورحتله
للعلم فقط كما ذكرت سابقا مشكله كانت عندي من اثر خبطه محترمه في الشنطه وانا علمتها على البارد المهم لمبه الشنطه كانت مش بتطفي ومعلقه على طول وعشان كده كانت معطله معاها حاجات كتير(لمبه الصالون مش بتطفي السنتر مش بيقفل والعربيه ماشيه الصفاره بتاعت النور الصغير بتشتغل على طول اول ما ابطل العربيه مع انها المفروض تشتغل لو شلت المفتاح من الكونتاكت وفتحت العربيه ونزلت فتبتدي تدي صفاره تنبيه انك ناسي النور) المهم ما علينا انا كنت روحت مركز النصر في المنصوره في اثناء صيانه ال 1000 قلتلهم على المشكله دي وحاولوا يحلوها لوفشلوا وقالولي المشكله ان الشنطه مخبوطه وعشان كده مش بتطفي مع ان الشنطه بتقفل كويس عادي بس انا اقتنعت بكلمهم ولمده سنه ونص وانا خايف اركب اي حاجه عشان الضمان وعشان المشكله دي لحد ما اتخنقت بقى وقررت ازور الدسوقي وقد كان روحتله وانا حاطط مشكله اللمبه دي كاختبار له لو اتحلت يبقى خيير ونكمل مشوار الانذار ووحدات الرفع لو فشل يبقى يبقى الوضع كما هو الى ماشاء الله
وتوكلت على الله وروحتله ومع انه قعد يقنع فيه انها سهله وهيعملهالي وهو بيركبلي الانذار بس لان ده اختبار لخ وعلى اساس نتيجته هقرر اركب ولا لاءه فصممت وفعلا بفضل الله حل المشكله في دقايق وكانت المشكله كلها ان تقريبا السمكري وهو بيفك الشنطه والكالون عشان يعدل الخبطه على البارد طبعا فقطع سلك او حركه من مكانه حاجه كده يعني فطبع الدايره بتاعت اللمبه مش مكتمله فمس بتطفي على قد ما قدرت افهم والحمد لله اتعملت وروحت وانا غمره الانتصار وفرحتي باللمبه اللي طفيت اخيرااااا بعد سنه ونص منوره جريت على واحد معرفه بتاع اكسسوارات واشتريت الانذار ووحدات الرفع وروحت للدسوقي وسيبتهم عنده واتفقت معه اروحله تاني يوم اللي هو يوم الاحد
المهم روحتله وكان متأخر وكان امبارح على فكره بيركب انذار ووحدات رفع لكورولا جديده وده شجعني اكترررررررر
المهم قلتله يلا ياعم توكل على الله وابددأ وشددت عليه قلتله مش عايز سللللللللللللك باين ولا مدلدل ولا اي اثر ان فيه حاجه اتعملت وفضتل واقف على ايده وزهقته تحذيرات وهو بيفوك الباب عشان يركب ووحدات الرفع للزجاج
فعلا فك الباب الحمد لله بدون خسائر ولا خربشه(كان نفسي اصوره بس كنا بليل وانا كنت مهنج راجع من سفر وبعدين كنت بشتري عربيه لانسر لجوز اختي وقعدنا نلف وكان يوم متعب فمكونتش فايق سامحوووووووووووني
فك الباب وركب الوحدات وعزلهم كويس جداا وثبتهم تمام عشان مييخبطوش في هزهزه العربيه وبعدين ركب سرين الانذار وركبتها يمين وثبتهم مع المساعد اليمين في مكان لمسامير هناك فاضيه مش عارف بتاعت ايه (هصور لكم مكانها)
وبعدين نزل على مكان الفيوزات طبعا قعد يجرب ويشد سلوك ويلزق ويوصل ويشيل حاجات كتيير وانا واقف مكدبش عليكم قلبي كان بيدق وخايف جداااااااااااا
المهم ركب الانذار وتمام التما م والحمد لله وخد وصله من الاشارات عشان الانتظار يشتغل مع الباب لما يتفتح
المهم الموضوع اخد تقريبا ساعتين شغل واانا بصرحه كنت واقف خلاااااص تعبان جدااا
المهم خلص وكله تما والحمد وتحت التجربه اللمبه بتاعت الانذار اللي هي بتقعد تدي فلاشر دي قالي احوطهالك في التابلوه ولا احوطهالك في القايم انا بصراحه اخترت القايم الشمال فوق كده مكانها غريب شويه بس انا قلت ابعد عن التابلوه خاالص بدل ما يطلعلي صوتين تلاته جداد
نيجي للتكاليف
الانذار نوعه wolf=160 جنيه
وحدات الرفع(وحدتين )40*2=80 جنيه
كتاوت لوحدات الرفع وفيوزات=45 جنيه
المصنعيه والشيكرتون السلوك وكله=100 جنيه(بصرحه طلع عينه فيها وانا اصلا مزهقه ومحسسه انها BMW 750i وكل شويه اقوله حاسب وبراحه وانت بتعمل ايه طيب بتفوك دي لييه طيب هتعمل ايه ههههههههههههههه كل شويه يقولي ما تيجي ياعم تشتغل انت بقه متشيبني اركززززززززززززز
يبقى المجموع 160+80+45+100=385 يعني تقريبا بتمن الانذار المعفن بتاع التوكيل
الملاحظات (تحت التجربه برده)
اولا هو لغى السنتر مع المفتاح يعني السنتر شغال مع الريموت فقط لكن لو فتحت بالمفتاح هيقتح باب السائق فقط وبصراحه هو قعد يفهم فيااا وانا مش عايز افهم مخي تخيين ولا ايه
يعني دلوقتي السنتر مش شغال مع الريموت ولما قلتله ياعم ما انت كنت مركبهولي في اللانسر القديمه عادي قالي اللانسر غير دي وقالي ان الانسر كان فيها زي 2 سنتر ييعني تقريبا البابين اللي قدام فيهم سنتر ما علينا (دي حاجه مضايقاني الصراحه) بس هو قالي لو شغلتهولك هيعاكس مع الانذار وممكن تقفل يرجع يفتح تاني(لو حد فاهم او عنده خلفيه يفهمني)
غير كده لحد الان الحمد لله لا يوجد اي مشاكل في اي حاجه وربنا ما يجيب مشاكل
المهم انا سالته هي العربيه دي مختلفه عن العربيات التانيه قالي لاء عادي بس فيه حاجات بسيطه يعني زي حكايه انه لغالي السنتر دي لسه مش فاهم ليه بس هروحله تاني يفهمني عشان انا كنت مهنج ساعتها وماصدقت انها تمت على خيييييييير
صحيح كان فيه حاجه كنت عايز اعملها بس الصراحه خوفت
هو عرض عليه انه يخليلي النور الصغير هو اللي مع الانذار(زي اللنترا الجديده كده شوفتها فيها) يعني لما الانذار يشتغل النور الصغير اللي هو بتاع التابلوه والنور الصغير خالص بتاع الكشافات هو اللي يشتغل بس خوفت احسن المبه تتحرق لانها مش متصممه لانها تبقى فلاشر فأكيد هيبقى غلط عليها لكن الانتظار اصلا شغلته ووظيفته انه يشتغل ويطفي ولفتره طويله فقلتله لاء خليها انتظار احسن
ده بصراحه اللي عندي دلوقتي ولو اتفكرت حاجه تانيه هقلها وهرفع دلوقتي صور للانذار وبكره ان شاء الله هصورلكم مكان السرينه في الكابوت فين ومكان اللمبه بتاعت الانذار
وربنا يكرم بقه ونركب الزينو ن والفوجات والجنوط وتلعب بقه معانا
اخوكم شريــــــــــــــــــــــ ـــــــف :satelite:
دي اول صوره للانذار العلبه بتاعته والنسختين الريموت متصورين مع مفتاح التوكتوك الاصلي بتاعها :120146b
http://img34.imageshack.us/img34/1755/10012010032.jpghttp://img34.imageshack.us/img34/100...pg/1/w2048.png
ودي صوره لهم تانيه بس قريبه شويه
http://img194.imageshack.us/img194/2359/10012010033.jpghttp://img194.imageshack.us/img194/1...pg/1/w2048.png
ودي صوره للريموت بتاع الانذار وفيه منه اشكال تانيه بس انا ده شكله عجبني(أزواق)
http://img31.imageshack.us/img31/7600/10012010034.jpghttp://img31.imageshack.us/img31/100...pg/1/w2048.png
ودي صوره للريموت وهو متصور مع ايدي ومع ملايه السرير اصلي راااايح عايز اناااااااام :majd(2):
http://img31.imageshack.us/img31/2381/10012010035.jpghttp://img31.imageshack.us/img31/100...pg/1/w2048.png
ان شاء الله هصور لكم مكان السرينه واللمبه وهنزلهالكم :Ta_clap[1]:
