عايز اروح من ميدان الجيزة الى نقابة التجاريين بالعباسية
عايز اروح من ميدان الجيزة الى نقابة التجاريين بالعباسية
بس كدا دى سهلة جدا ياباشا
اولا انت هاتاخد كوبر عباس وتفضل ماشى علطول عدى المنيل وخلصة كله وهتلاقى كوبرى فى اخرة ادخل شمال ياباشا هتلاقى نفسك على الكورنيش تفضل ماشى فية علطول هتلاقى وانت ماشى على يمينك سور مجرى العيون بقا وبعدين تكمل علطول علطول لغاية التحرير وتعمل ايه بقا بردوا تكمل علطول علطول ف شارع رمسيس لغاية ماتعدى غمرة وتجيب العباسية وتكمل لغاية متلاقى جامع كبير اوى كدا مش فاكر اسمه الصراحة المهم هتلاقى طالعه كوبرى اطلعه وتنزل من الكوبر خد يمين وكمل فى الشارع داعلطول حوالى كيلو كدا وتلاقى على اليمين نقابة التجاريين
بس قولى انت هاتعمل كارنية النقابة اصل عايز اعملة انا كمان
ايه الاوراق المطلوبة
متهيألى اسهل انك ترجع لورا شوية من الجيزه اتجاه العجوزه ومستشفى الشرطه وتطلع كوبرى اكتوبر
أنا مع الأخ Freez
من الأفضل إنك تاخد كوبرى أكتوبر و تنزل منزل العباسية
شكرا ليكم جميعا
الاسهل فعلا اخد كوبرى اكتوبر بس منزل العباسية ده معرفوش ياريت حد يقولى المنزل اللى بعد ايه ؟؟؟
الافضل انك تمشى المسار الاتى
ميدان الجيزة - كوبرى عباس - شارع الروضة - كوبرى الملك الصالح
نفق الملك الصالح - حتى كوبرى السيدة عائشة - القلعة - الازهر بارك
هتطلع كوبرى الفردوس - كوبرى العباسية ماتطلعوش هتخش من جانبه
اول يمين النقابة
كل ده وان واى لا هتلف يمين ولا شمال وكل المشوار تقريبا 8 كم
ومافيش اسهل من كده
ايوه هو يا باشا
شكرا استاذ احمد اسماعيل و شكرا استاذ شريف