مفيش قانون يمنع بيع سيارة الأخ المعاق؟
مفيش قانون يمنع بيع سيارة الأخ المعاق؟
هل سؤال حضرتك هو استكمال لموضوع سابق ام موضوع جديد مفتوح للمناقشة، إذا كان موضوع جديد فاطمع منك فى توضح سؤالك اكتر ببعض التفاصيل لأن السؤال كدة مش مفهوم بالنسبالى
لا مفيش
كتير من الناس يلجأون لشراء سيارات المعاقين و يستفيدوا من خصم الجمارك
الا يوجد ما يمنعهم
دا كان سؤالي
شكرا
الناس هنا تقصد بيهم غير المعاقين تمتام؟
زمان كان فيه كا يمنع, يعني كان لازم تعدي مده معينه على دخول العربية مصر باسم المعاق -تقريبا كانت المده 5 او 3 سنين- قبل ما يقدر يبعها لشخص غير معاق.
لكن دلوقت مفيش شرط المده ده, و بصفتي من بورسعيد, و ساكن ادام المكان اللي بتخرج منه العربيات دي "الاستثمار" اقدر اقولك ان دلوقت فيه معاقين محترفين, بيجيبوهم, و يطلعوا العربيه باسمهم, و فيه اجرائات و موضوع ديته فلوس و تنقل العربية بشكل قانوني و رسمي من اسم الشخص المعاق الى اسمك و بكده تبقى قدرت ترخص عربيه مستورده و لا هيه زيرو و لا هيه موديل السنه و تدخلها البلد.
طبعا هاتسألني طيب همه ليه سايبين الموضوع سداح مداح كده.. اقولك انا رأيي ان دي حاجه فيها مصلحه لأشخاص معينين.. فالساده السؤولين عاملين نفسهم مش واخدين بالهم لغاية ما المصلحه تقضى.. و اقشيه تبقه معدن, و بعدين يشجبوا و ينددوا و يقرروا و يرجعوا للنظام القديم. يعني من الآخر الحقلك عربيه :mrgreen:
زمان كان فيه كا يمنع, يعني كان لازم تعدي مده معينه على دخول العربية مصر باسم المعاق -تقريبا كانت المده 5 او 3 سنين- قبل ما يقدر يبعها لشخص غير معاق.
لكن دلوقت مفيش شرط المده
يعنى افهم من حضرتك انه بمجرد ان يشترى المعاق العربيه من بورسعيد ممكن يعرضها للبيع على طول وممكن كمان ينقل ملكيتها بدون اى مشاكل
وانا من راى اننا لانلوم من يفعل ذلك ولكن نلوم الحكومة وقوانينها التى تفرض رسوم جمركية كبيرة من شانها ان تزيد من سعر السيارات بصورة باهظة
طبعا كان سؤالى للاخ العزيز احمد حسن وممكن يقولنا ايه اسعار السيارات هناك وايه ماركات سيارات المعاقين المعروضة اقصد استعمال الخارج المعروضة ببورسعيد
اسمحلى يا استاذ احمد ارد على السؤال دة بما انى اقتنى منطقة حرة برضة...
بالنسبة للسيارات المعاقين فى انواع كثيرة جدا وعلى سبيل المثال لا الحصر...
دايو لانوس ونوبيرا وجوليت & سيات ابيزا & تويوتا كورولا موديلات تسعينات & بى ام دبليو تسعينات & فايت 131 & فولكس بورا وباسات و جولف تسعينات & اوبل فيكترا وكورسا تسعينات & كيار ريو وسفيا تسعينات & بيجو 406 و 405 تسعينات وهذا ما اذكره الان...
بالنسبة للاسعار فانا اشتريت لانوس 99 بـ 23 على الارض
البيجو 406 كانت بتوصل الى 60 الف
الماتريكس 35 على ما اذكر
بالنسبة لمصطلح على الارض معناه انك بتشترى العربية من مستوردها بالسعر دة, وبتدفع انت مصاريفها بقة وكانت بالنسبة للمنطقة الحر حوالى 9 الاف جنيه للانوس بتاعتى ولا اعرف المعاق بيدفع اد ايه بالظبط ولكن اعتقد مبلغ زهيد لا يتعدى الالفى جنيه.
واخيرا ومن وجهة نظرى ارى انها مسالة بها شك من ناحية الحرمانية.
متشكر جدا للأخ/ أحمد حسن
ولكل المشاركين
أ/عبدالله من فضلك تقولنا الأجراءات المتبعة او ايه اللى بيتم والموضوع بيخلص فى وقت ادين
اذا سمحتم ممكن حد يفيدنى فى الموضوع ده انا نفسى اجيب عربيه من بور سعيد بس عاوز حد يناقشنى يكون عنده معلومه او يدلنى على حد بيعمل لموضوع ده يوصلنى به
زوم زوم..
لو عايز تتفرج على العربيات فدي بسيطه و متاحه لأن المخازن موجوده و العربيات معروضه فيها.
انا هاجيبلك نمر مكتب او اتنين من اللي بيشتغلوا في سيارات المعاقين و انته تتناقش معاه في التفاصيل بس انا مليش معرفه شخصيه بحد فيهم انا مجرد واسطه و انصحك بالحذر و الحيطه المعتادين :?
شكرا جزيلا للاخوة الافاضل /عبد الله
الاخ/احمد حسن
وارجو منكم مزيدا من التفاصيل وافيدونا افادكم الله
شكرا جزيلا
الاخوه ميدو ميزو و زوم زوم..
اعتذر اولا عن التأخر في الرد و لكن لسه مخلص شغل اليوم والله. آدي عناوين و ارقام الناس اللي شغالين في سيارات المعاقين
المن و السلوى (احمد ابو ورده - محمد قوطه)
العنوان: بورسعيد - حي مبارك - عماره 2 - محل 5 و 6
تليفون: 0126978496
0108722002
الشركة الدوليه للتسويق
حي مبارك
تليفون: 0663731560
0102259198
شركة البلاسي (حسين البلاسي)
العنوان: بورسعيد - حي مبارك - عماره 1 - مدخل 1 - محل 8
تليفون: 0124933602
شركة الشناوي التجاريه (احمد حسين الشناوي)
العنوان: بورسعيد - حي مبارك - عماره 4 - محل رقم 1 - مدخل أ
تليفون: 0663732070
0122200953
شركة اولاد حسين (رشدي حسين - سمير حسين)
العنوان: حي مبارك - برج الشيماء - امام الباب الرئيسي للاستثمار
تليفون: 0663741393
0123869168
0128303730
حسن حسين(حسن السيد حسين)
العنوان: حي مبارك - خلف عماره 9 - امام مسجد سرحان
تليفون: 0663728886
0101094039
بالتوفيق
الف شكر يااستاذ احمد على مجهودك الكبير
بس فى سؤال هل فى اى حد من الاخوه المعاقين موجود عندهم عشان يخلص العملية دى ؟وكمان بتخلص فى اد ايه يعنى؟وبتتكلف كام
اقصد يعنى المعاق بياخد فى حدود كام يعنى وباقى مصاريف التخليص لحد مااخد العربيه؟
هل هذه العمليه مضمونه وبتتعمل كتير يعنى؟
واسف للاطاله وشكرا جزيلا
تقريبا كل المكاتب دي ممكن تجيبلك معاق تخرج العربيه باسمه. بس بتاخد وقت اد ايه معرفش,,, و هوه بياخد كام فهيه حاجه بتبتدي تقريبا من 2000 جنيه و ممكن توصل 7000 حسب الظروف (دي ارقام انا سمعتها قبل كده) بالنسبه لسؤالك هل العمليه مضمونه ولا لأ... كل اللي اقدر اقولهولك ان فيه ناس كتير عملوها.. بس انا عن نفسي قلقت. انته ابحث الموضوع كويس.. و لو نويت شوف ايه الضمانات و ربنا يوفقك.
الف شكر يااستاذ احمد وجزاك الله كل خير
ولى استفساراخير وارجو الا تضايق منى الا وهو :
لكى تنتقل السيارة ليا من الاخ المعاق هل هذا مرتبط بمده معينه يستطيع ان يبعها بعدها ولا لأ؟
بمعنى اخر ماهى الفترة التى يستطيع الاخ المعاق ان يببع السيارة بعدها؟
كان الاستاذ عبد الله اخبرنى انه لكى يتم بيع السيارة لى مباشرة من الاخ المعاق دون الانتظار لاى مده فلابد من دفع غرامة 10الاف جنيه وبعدها يمكن انتقال ملكية السيارة لى قانونيا . كنت فقط اريد التاكد من هذه المعلومه
واسف للاطاله
وشكرا جزيلا اخى العزيز