أول مشاركه ليا في المنتدي وأرجو المساعده
أولا انا بشكر الاخوه الاعضاء اللي بيبذلوا مجهود كبيييير جداااااا في المنتدي وربنا يوفقهم ان شاء الله
:Ta_clap[1]:
ثانيا انا معايا أوبترا مانويل موديل 2006 ... العداد عامل 67000 كيلو كنت لسه جايبها من شهر 9 اللي فات وبيقال انها خليجي " هي كامله مانويل وفيها ايرباج واحد بس وغالبا فيها ABS "
معلش هطول عليكم شويه :36_1_37[1]:
لما اشتريت العربيه كانت عامله 52000 كيلو واللي انا اخدتها منه تقريبا مكنش عاملها اي صيانه خالص
رحت عملت صيانه دوريه في التوكيل وغيرت زيت الموتور وغيرت سير الكاتينه وسير التكييف وغيرت ميه خضرا وفلاتر وشوية حاجات كده مش فاكرهم اهمهم البوجيهات
وكنت بحط بنزين 92 طبعا من وطنيه علي طووووول وبغير زيت من امارات علي طووووووول
ناس قالتلي ان زيت موبيل احسن بكتيييييير من امارات قلت ماشي اغير الزيت من موبيل واجرب واهي الحياه تجارب :N_no[1]:
بعد مغيرت الزيت رحت مغير البنزينه من وطنيه ل موبيل برضو قلت اشوف ايه النظام
بصراحه لما غيرت الزيت صوت الموتور فرق .... فرق جامد جدااااا للأحسن طبعا يعتبر بقي مالوش صوت
بس قابلتني مشكله لغاية انهارده مش لاقيلها حل :mad2:
بدور العربيه الصبح وانا نازل الشغل دارت عادي جدا بس وانا ماشي لقيتها بتنتش علي الغيار التاني وسحبها قل جدااااا المهم رحت مغير فلتر بنزين بواحد اصلي gm مفيش فايده :dzey: وعلي حسب خبرتي المعدومه في العربيات رحت مغير بوجيهات ركبتها NGK 2 شمعه بس وانا بغير لقيت البوجيه اللي جنب الموتور معرق زيت :I_angr1[1]: الميكانيكي قالي لأ عادي متقلقش وهنجرب كده 10 -15 يوم كده وتجيلي لو معرق يبقي نشوف ممكن يبقي فيه مشكله في الصبابات وشنابر وكلام كبير كده :banghead: لأن ممكن اللي ركبلك البوجيهات قبل كده كان قارص عليها جامد علشان كده بتعرق
وفي مره من ذات المرات بدور الصبح لقيت الار بي ام بيعلي ويوطي لوحده وصوت العربيه طبعا بيزيد ويقل وانا راجع من الشغل " وهي العربيه بارده يعني " الاقي الار بي ام بيعلي ويوطي فوق الواحد وتحت الواحد كده وبستني لحد ما العربيه تسخن " الار بي ام يوصل لل 900 مثلا " وامشي :H_angry[1]:
المهم انا كنت متوقع ان المشكله ممكن تكون في نوع البنزين " حصلت مع واحد صحبي قبل كده " خليت البنزين يخلص يعني " اللمبه كانت هتنور " ورجعت تاني لبنزينة وطنيه وحطيت STP العلبه لونها اسود وفولت و قلت يمكن ..... بس للاسف :B4_556: مفيش اي تغييير والعربيه لسه بتنتش :stink[1]:
انا طبعا قريت كتير في المنتدي بس مش قادر أوصل لحل :majd(4):
هل الكمبيوتر عايز يتعمله ريستارت " ولو هو ده السبب حد يعرف بكام في التوكيل أو بره التوكيل بس حد مضمون "
هل انضف رشاشات " عند الاسطي مدحت اللي في المعادي "
هل أغير كابلات البوجيهات " ولو انا حبيت اجرب الكبلات دي بنفسي وفصلت كابل كابل هل هيأثر علي العربيه والموتور ولا عادي "
هل فيه مشكله في الكهربا بتاع العربيه " علي فكره انا مكنش عندي فوانيس شبوره وركبت الفوانيس بزرار لوحدها بس الراجل عملها علي دراع النور يعني لما يكون الدراع شغال هي بتشتغل "
علي فكره التسارع بتاع العربيه مش زي الاول وكذا مره لما حد يقف قدامي وانا عايز اطلع منه العربيه مبسعفنيش :36_7_4[1]: وكنت معرض اني اتخبط من وري بس ربنا اللي بيسترها
آسف اني طولت عليكم بس يا ريت لو حد يعرف الحل لأني فعلا بدأت اتخنق من العربيه
وسؤال معلش لو حد يعرف ميكانيكي كويس في منطقة الهرم أو فيصل تحسبا للظروف :120146b