باب نيو اكسنت الشكل الجديد للبيع
عندي باب مستعمل من عربيتي النيو اكسنت الجديدة بتاعتي كان اخد خبطة بسيطة من تحت بس التوكيل طبعا طلب تغييره مع شوية حاجات تانية واستلمته مع قطع الغيار بعد الإصلاح ووديته لسمكري وصلحه واقترح اننا منرشوش بحيث اني ابيعه بحالته كدة عشان لو حد اخده يرشه باللون المناسب لعربيته عشان الرش ميكونش علي الفاضي.
طبعا الباب صاج فقط يعني مفيش زجاج ولا فرش باب داخلي.
لو حد محتاج يشتريه انا شايلاه عند السمكري وياريت تقولولي سعره كام لإني مش عارفة اتمنه
بس انا اعرف ان الباب في التوكيل جديد سعره 1700 جنيه غير شامل الضريبة (صاج فقط برده) وده اقتباس لزميل لينا هنا في المنتدي كنت وصيته يسألي علي سعره في الحرفيين
[QUOTE=nasroo;3872094003]باب الهيونداي ب1300 بس خللي بالك ده باب فابريكة مش متسمكر[/QUOTE]
فانا مستنية تقولولي يتباع بكام وهل في حد هنا محتاجه ولا لأ.
انا عموما برده زي ماقلت شايلاه عند السمكري بحيث لو حد من زباين لورشته او الورش اللي جنبيه احتاجه يشوفله بيعة برده.
دي صور الباب بعد الاصلاح
معلش ياجماعة الصور مش واضحة شوية لانها كانت باليل والإضاءة في ورشة السمكري كانت سيئة والموبايل الكاميرا بتاعته مكانتش مساعدة كمان :shyy:
عموما لو قدرت اروح للسمكري في يوم وعرفت اصور الباب بالنهار هابقي انزلها هنا ان شاء الله.
