تغيير كاوتش الصنى

**ashrafafify** · 14-01-2010 11:45 AM

نصيحتي استنى الprofit share وهات حاجة نظيفة

**ahm128** · 14-01-2010 12:31 PM

انا رأى ان العربيه ثابته كويس ومش مستأهلة تغيير المقاس لانى انا اعرف العرض الزيادة فى العجل يخلى سحب العربيه اقل - صوت العربية مع الجرى اعلى - استهلاك بنزين اعلى

**mzaher** · 14-01-2010 07:52 PM

المشاركة الأصلية كتبت بواسطة ahm128

انا رأى ان العربيه ثابته كويس ومش مستأهلة تغيير المقاس لانى انا اعرف العرض الزيادة فى العجل يخلى سحب العربيه اقل - صوت العربية مع الجرى اعلى - استهلاك بنزين اعلى

علي حد علمي الكلام ده صحيح لو انت عرضت الكاوتش اوي يعني مثلا من 185 الي 205 وياريت المهندس سبعاوي ياكد المعلومه دي

**T_M_Zenhom** · 16-01-2010 02:32 PM

أنصحك بالبريدجستون يابانى ودة مش هتلاقية كتير للأسف لأنى لفيت علية وفى الأخر لقيتة فى مركز السبع ب 600 جنية +60 جنية ضريبة مبيعات يعنى الأجمالى 660 جنية للفردة وجميع الأماكن إللى سألت فيها شكروا جدا فيها وفى قوة تحملها

**ahm128** · 17-01-2010 05:57 PM

زى ماسبق وأوضحت انه فى توكيل بردجستون نفسه ب 515 فقط ولو مش موجود بتحجز (من غير فلوس) وتسيب رقم تليفونك وهيكلموك اول لما يوصل وده توكيل بردجستون بمحطة كالتكس بتقاطع عباس العقاد مع مصطفى النحاس بمدينة نصر

**asnady** · 19-01-2010 05:45 PM

انا نفسى عمرى ما هفكر اغير مقاس الكاوتش عن المكتوب فى الكتالوج
انت لما بتغير المقاس بتغير مركز ثقل العربيه و دا ممكن ياثر على العفشه لانها مصممه على المقاسات المذكورة فى الكتالوج كمان اتزان العربيه فى الملفات غير مضمون نظرا لتغيير مركز الثقل
و كاوتش الصنى مش صغير ولا رفيع دا ممتاز

**princex1** · 23-01-2010 07:50 PM

المشاركة الأصلية كتبت بواسطة ahm128

زى ماسبق وأوضحت انه فى توكيل بردجستون نفسه ب 515 فقط ولو مش موجود بتحجز (من غير فلوس) وتسيب رقم تليفونك وهيكلموك اول لما يوصل وده توكيل بردجستون بمحطة كالتكس بتقاطع عباس العقاد مع مصطفى النحاس بمدينة نصر

حاليا ب500
من توكيل عمارات العبور

**mohamedbook** · 23-01-2010 08:08 PM

متابـــــــــــــــــــــ ـــــــع

**mony10** · 25-01-2010 01:38 AM

بالنسبه لمقاس الكاوتش 185 او 195 هتلاقي كتالوج العربيه مكتوب فيه المقاس اللي ينفع على العربيه انا عندي مكتوب ممكن 15 195 بس مش فاكر على كام المهم بص في الكتالوج قبل ما تغير علشان تعرف انت ممكن تركب مقاس كام

اما بالنسبه لنوع الكاوتش انا جربت البرجستون الياباني التورانزا كانت جميله جدا والميشلان طبعا من الكاوتش المحترم فاذا كان في ميشلان الماني وتقريبا بنفس السعر يبقى المقارنه تكون في تاريخ الانتاج الاحدث يكون افضل والتاريخ بيكون موجود على الجنب في الكاوتش وموجود على استيكر صغير بيكون ملزوق على الورق اللي متغلف بيه الكاوتش

**mzaher** · 27-01-2010 10:26 PM

المشاركة الأصلية كتبت بواسطة mony10

بالنسبه لمقاس الكاوتش 185 او 195 هتلاقي كتالوج العربيه مكتوب فيه المقاس اللي ينفع على العربيه انا عندي مكتوب ممكن 15 195 بس مش فاكر على كام المهم بص في الكتالوج قبل ما تغير علشان تعرف انت ممكن تركب مقاس كام

اما بالنسبه لنوع الكاوتش انا جربت البرجستون الياباني التورانزا كانت جميله جدا والميشلان طبعا من الكاوتش المحترم فاذا كان في ميشلان الماني وتقريبا بنفس السعر يبقى المقارنه تكون في تاريخ الانتاج الاحدث يكون افضل والتاريخ بيكون موجود على الجنب في الكاوتش وموجود على استيكر صغير بيكون ملزوق على الورق اللي متغلف بيه الكاوتش

انا بصيت علي الكاتلوج بس مالقيتش اي مقاس تاني غير 185/65/15 هو حضرتك عندك موديل ايه؟