تغيير كاوتش الصنى

**wael_ao** · 11-01-2010 12:00 PM

سيارتى وصلت الى 60000 كم . برجاء الافاده عن انواع الكاوتش و اسعارها......وشكرا

**mohamedway** · 11-01-2010 12:29 PM

بريدجستون يابانى turanza gr-80 وسعر الفرده هتبقه فى حدود من 620 إلى 650 جنيه.

**sab3aawy** · 11-01-2010 01:46 PM

لو الكاوتش مش مضايقك فى حاجة ممكن تستعمله لفترة اطول ، 60 ألف كم للاطارات مقاس 13 بوصة ممكن يقابلها حوالى 70 ألف كم للاطارات مقاس 15 لأن القطر الخارجى للفردة اكبر بحوالى 15% مما يعنى انها تلف عدد لفات اقل بحوالى 15% لنفس المسافات وهذا ينعكس مباشرة على تعرضهل للتآكل ، كما ان النوعية المباعة مع السيارة(بريدجستون) يمكنها ان تتحمل حتى 80 ألف كيلومتر بدون مشاكل، لذلك انت ممكن تحتفظ بالكاوتش لفترة قادمة

**mzaher** · 11-01-2010 09:42 PM

انا رايي تجيب الميشلان احسن لان سعره تقريبا زي البريدجستون واكيد احسن

**mohamedway** · 12-01-2010 08:52 AM

المشاركة الأصلية كتبت بواسطة mzaher

انا رايي تجيب الميشلان احسن لان سعره تقريبا زي البريدجستون واكيد احسن

البريدجستون اليابانى أفضل و عن تجربه للأتنين فى أكتر من مقاس و موديل و ده لا يقلل من الميشلان لأنه طبعا ممتاز و لكن جميع تجاربى العملية و خبرتى الشخصيه بتقول بريدجستون يابانى.

**ahm128** · 12-01-2010 09:11 AM

انا لسه مغير الكاوتش كنت عامل 55000 وركبت بردجستون turenza -gr80 وهو فيه ميزة انه ملوش صوت مع الارض يعنى افضل من اللى كان راكب فيها وتمنه 515 جنيه من توكيل بردجستون نفسه فى محطة كالتكس بعباس العقاد وبيتباع فى السبع 620 ومودرن موتورز 750 وهو افضل من ميشلان لان ميشلان في منه صينى أو تركى

**TopDom** · 13-01-2010 05:26 PM

[overline]بالمناسبة يا جماعة، أنا معايا سوبر صالون 2009 ودوست على كوباية قزاز قطعتلي الكاوتش، المهم رحت اشتري فرده بدلها، الواد بتاع الكاوتش قالي إن الجنط بتاع السوبر صالون ممكن يركب عليه كاوتش عرض 195 مش 185 زي الفابريكه بتاعها
طبعا أنا ركبت ال 185 عشان الأربع فرد يبقو زي بعض، لكن كنت حابب أتأكد من موضوع المقاس الأكبر عشان لما آجي أغير الأربع فرد (كمان 50 ألف كيلو كده) أركبهم كلهم 195
[/overline]

**mohamedhamam** · 13-01-2010 08:41 PM

بريدجستون يابانى أفضل بكل تأكيد و لكن فرق سعركبير بين توكيل بريدجستون و السعر اللى بره

**mzaher** · 13-01-2010 08:42 PM

المشاركة الأصلية كتبت بواسطة ahm128

انا لسه مغير الكاوتش كنت عامل 55000 وركبت بردجستون turenza -gr80 وهو فيه ميزة انه ملوش صوت مع الارض يعنى افضل من اللى كان راكب فيها وتمنه 515 جنيه من توكيل بردجستون نفسه فى محطة كالتكس بعباس العقاد وبيتباع فى السبع 620 ومودرن موتورز 750 وهو افضل من ميشلان لان ميشلان في منه صينى أو تركى

هو البريدجستون ماركه شهيره وممتازه ولكن في ناس كتير بتقول انو ناشف شويه وبالنسبه للسعر انا اعرف واحد بيبيه الميشلان الالماني ب 500 جنيه وممكن يعمل تخفيض كمان لو هتغير ال اربع كاوتشات انا شايف ان في الحاله دي الميشلان يكسب

**mzaher** · 13-01-2010 08:48 PM

المشاركة الأصلية كتبت بواسطة TopDom

[overline]بالمناسبة يا جماعة، أنا معايا سوبر صالون 2009 ودوست على كوباية قزاز قطعتلي الكاوتش، المهم رحت اشتري فرده بدلها، الواد بتاع الكاوتش قالي إن الجنط بتاع السوبر صالون ممكن يركب عليه كاوتش عرض 195 مش 185 زي الفابريكه بتاعها
طبعا أنا ركبت ال 185 عشان الأربع فرد يبقو زي بعض، لكن كنت حابب أتأكد من موضوع المقاس الأكبر عشان لما آجي أغير الأربع فرد (كمان 50 ألف كيلو كده

) أركبهم كلهم 195
[/overline]

والله انا كمان هغير قريب ال كاوتش وفي ناس كتير نصحوني اني اغير المقاس الي 195/60/15 بدلا من 185/65/15 اللي نازل اصلا مع العربيه وقلولي انو متجرب ومابيعملش مشاكل في العفشه وبيدي stability اكتر للعربيه الحقيقه انا لسه ماغيرتش وياريت لو حد عنده معلومه يفدنا بيها