نيسان صنى ولا هيونداى نيو اكسنت ولا ماتركس

السلام عليكم ورحمة الله وبركاته
محتاج مشورة من عمالقة المنتدى عاوز اشترى عربيه تكون كويسه من حيث الموتور والعفشه والاتساع الداخلى وكمان مصاريف الصيانه الدورية والمبلغ اللى معايا محدود وبالتالى الاختيارات المتاحة هى نيسان صنى اوتوماتيك (وده اللى خلانى افكر فيها الاوفر اللى نيسان منزلاه دلوقتى) وهيونداى اكسنت اوتوماتيك (بيقولوا ان هى كورى ميمه فى الميه وموتورها نفس موتور الماتركس بالاضافة ان هى موفره فى البنزين) والماتركس الجديدة (بس لما فتحت الكابوت بتعها لقيت الموتور داخل تحت التبلوه وكمان الشنطه بتاعتها صغيره) واخيرا الاوبترا الاوتوماتيك (وده غاليه عليا حبتين بس بيقولوا ممكن تنزل شويه فى المعرض)

ارجو الافاده وجزاكم الله خيرا

لو من حيث البنزين (الصني أعلاهم استهلاكا للبنزين)
لو من حيث الشنطه (الماتريكس اصغرهم في الشنطه تقريبا)
لو من حيث الوسع الداخلي (الأكسنت أقلهم في الوسع الداخلي)

مش باقي غير الأوبترا و دي عربيه ممتازه في رأي و فيها طلباتك كلها...
-الوسع الداخلي
-مصاريف تشغيل و صيانه معقوله
-استهلاك معقول للبنزين
-الشنطه واسعه
-العفشه ناعمه نسبيا
-ثباتها ممتاز
-موتور محترم

عيبها الوحيد توكيل منصور السئ بشهادة ملاك الشيفروليه و الأوبل...

تليها كترشيح من وجهة نظري الأكسنت, و بردو عربيه محترمه و موتور قوي...
و لكن بردو التوكيل سئ و هو غبور المشهور...

ده رأي و ربنا يوفقك للخير ان شاء الله....

لو تقدر تشترى الاوبترا يكون افضل

ماتريكس ثم نيو اكسنت

روح اتفرج على البروتون ساجا قبل ما تشتري

ال 3 عربيات من فئات مختلفه
و طبعا الصني افضل علي الاقل ياباني
و ربنا يوفقك للاختيار المناسب

نيو أكسنت

ولو تقدر تزود وتجيب اوبترا يبقى افضل

الصنى سيارة محترمة جدا

شوف ال Kia Cerato
أعتقد إنها الأنسب و توكيلها مشكور فيه بشهادة أصدقاء و ربنا يوفقك بس ياريت لما تختار تقولنا.

نيو اكسنت رخيصة ومحندقة وسوقها حلو

الماتريكس موتورها غير موتور النيو اكسنت
موتور النيو اكسنت احدث وموفر جدا فى البنزين
نيو اكسنت
الصنى عربية حلوة يعبها سوء خامات التقفيل المصرى

اقتباس:

---

المشاركة الأصلية كتبت بواسطة ghazy12

لو من حيث البنزين (الصني أعلاهم استهلاكا للبنزين)
لو من حيث الشنطه (الماتريكس اصغرهم في الشنطه تقريبا)
لو من حيث الوسع الداخلي (الأكسنت أقلهم في الوسع الداخلي)

مش باقي غير الأوبترا و دي عربيه ممتازه في رأي و فيها طلباتك كلها...
-الوسع الداخلي
-مصاريف تشغيل و صيانه معقوله
-استهلاك معقول للبنزين
-الشنطه واسعه
-العفشه ناعمه نسبيا
-ثباتها ممتاز
-موتور محترم

عيبها الوحيد توكيل منصور السئ بشهادة ملاك الشيفروليه و الأوبل...

تليها كترشيح من وجهة نظري الأكسنت, و بردو عربيه محترمه و موتور قوي...
و لكن بردو التوكيل سئ و هو غبور المشهور...

ده رأي و ربنا يوفقك للخير ان شاء الله....

---

الاوبترا استهلاك بنزين كويس ياراجل ياطيب

دى غول بنزين دى بتعمل ارقام غربيه فى الصفحيه 160 وكلام ده من غير تكيف كمان وده كلام ملكها مش كلامى

انا راى لو بتفاضل خليك فى الصنى بس عيب الصنى الصالون الضيق نسبيا لكن لو انت مش طويل او بمعنى اصح مش هترجع الكرسى لوراء هتبقى كويس معاك اوى

اقتباس:

---

المشاركة الأصلية كتبت بواسطة mahamedaraby

الاوبترا استهلاك بنزين كويس ياراجل ياطيب

دى غول بنزين دى بتعمل ارقام غربيه فى الصفحيه 160 وكلام ده من غير تكيف كمان وده كلام ملكها مش كلامى

انا راى لو بتفاضل خليك فى الصنى بس عيب الصنى الصالون الضيق نسبيا لكن لو انت مش طويل او بمعنى اصح مش هترجع الكرسى لوراء هتبقى كويس معاك اوى

---

اكيد اللى قاللك كدا عربيته فيها مشكله

او كان لسه جايبها

لان انا اول ماجبت العربيه كانت بتعمل معايا رقم مرعب حوالى 140 - 150 كم فى الصفيحه بالتكييف

بس بعد حوالى 1000 كم الاستهلاك اتظبط وبقى طبيعى جدا

متوسط 200 كم فى الصفيحه

وفى الطرق السريعه بتعمل اكتر من كدا

اخر مره سافرت فيها اسكندريه عملت 250 كم فى الصفيحه بالتكييف

وكمان عربيتى اوتوماتيك

شكرا قوى يا جماعة على ردودكم بس في ناس ردت بنوع العربيه بس ومقالتش العيوب والمميزات وكده انا بقات محتار اكتر على العموم يمكن انا نسيت قول انا عاوز العربيه فى حدود كام انا اخرى 90 الف وكل ميكون اقل يكون احسن بس برده ده عربية العمر ومش عاوز اندم بعد كده وقول يارتنى زودت الف ولا اتنين وجبت حاجه احسن على العموم انا هقول اللى اعرفه عن كل عربيه وهيكون مرجعى الاول هذا المنتدى الموقر

نيسان صنى اوتوماتيك (91500)
المميزات
-مكونات يابانى (وده انا شيفها ميزه كبيره)
- تجميع نيسان ايجيت ومش اى توكيل والسلام
-فيها ABS and EBD and BA
-فيها اير باج للسائق
-مرتفعه نسبيا عن الارض
العيوب
-ديقة جدا من الداخل وانا طولى 183 سم
-شكلها مش عاطفى بس شغال
-صوت موتورها عالى حبتين وبيقولوا ده عشان سير الكاتينه جنزير
-خامات الصالون مش قوى بس ده انا مش شايفه عيب
-العفشه خشنه حبتين وده بسبب المساعدين اللى بيقولوا انه خدمه شاقه
-الباور تقيل حبتين وبيقولوا ان ده لانه زيت
-استهلاك بنزين كتير



هيونداى اكسنت اوتوماتيك (84000 لحد دلوقتى وبيقولوا هتزل 2000)
المميزات
-عربيه كورى 100% وعلى الاقل مش تجميع مصرى (وده انا شايفها عقدة الخواجه)
-تكنولوجيا الموتور جديده CVVT بس انا قريت موضوع عن التكنولوجيا ده وقال ان الموتور ده نفس موتور الماتركس وان تكنولوجيا CVVT ما هى الا اضافه بسيطه على الموتور تجعله اكثر توفيرا للبنزين
-العربيه هيونداى وبالتالى لو جبت بتاع الخضار هيفهم فيها
-شكلها مقبول
-اتساعها الداخلى مقبول بالرغم ان فيه ناس بتقول ان هى اديق من الصنى
العيوب
-كورى مش يابانى
-عفشه ناشفه
-العربيه بتنطط على السرعات العاليه
-مفيش فيها اى وسائل امان غير الحزام

هيونداى ماتركس (86000 وبرده بيقولوا ان هى هتنزل 2000)
المميزات
-كورى 100%
- محدش ركبها واشتكى منها
-صالونها واسع جدا
-استهلاك بنزينها معقول
-شكلها حلو وخاصا الشيب الجديد
-العربيه منتشره قوى
العيوب
-كورى مش يابانى
-شنطتها صغيره
-مفيهاش اى وسائل امان غير الحزام
-موضوع العدادات اللى فى نص التابلوه ده مدايقنى بس ممكن الواحد يتعود عليه
-الموتور بتعها داخل تحت التابلوه وتقريبا مش باين منه حاجة لما بتفتح الكابوت وده مقلقنى من نحيتين 1- الصيانه 2- لو العربيه عملت حادثه لا قدر الله الموتور هيخش على السواق


حبيبة قلبى الاوبترا اوتوماتيك (94500)
المميزات
-كورى 100%
-اتساع صالون وشنطه كويس
-شكلها حلو
-موتور محترم
-عافشه ناعمه


العيوب
-غاليه عليه شويه
-استهلاك بنزين عالى
-مفيهاش وسائل امان غير الحزام


فيه ناس نصحتنى طالما ناوى على اوتوماتيك انسى الكورى وخلينى فى اليابانى عشان العمر الافتراضى وبالتالى مفيش قدامى غير الصنى ومش عارف الكلام ده صح ولا لأ


على العموم ده اللى انا عارفه عن العربيات الاربعه ولو حد شايفه حاجه تانيه سواء بالسلب او الايجاب ياريت يقولى عشان انا فعلا محتار بس ياريت يكون عن تجربه وياريت محدش يقول نوع العربيه وخلاص عشان ده بيحيرنى اكتر ومعلش اذا كنت طولت عليكوا بس انا فعلا محتار

اقتباس:

---

المشاركة الأصلية كتبت بواسطة hosam_optrawy

اكيد اللى قاللك كدا عربيته فيها مشكله

او كان لسه جايبها

لان انا اول ماجبت العربيه كانت بتعمل معايا رقم مرعب حوالى 140 - 150 كم فى الصفيحه بالتكييف

بس بعد حوالى 1000 كم الاستهلاك اتظبط وبقى طبيعى جدا

متوسط 200 كم فى الصفيحه

وفى الطرق السريعه بتعمل اكتر من كدا

اخر مره سافرت فيها اسكندريه عملت 250 كم فى الصفيحه بالتكييف

وكمان عربيتى اوتوماتيك

---

250 كم و فى سفر ده مش رقم كويس خالص

انا اعلى استهلاك بنزين للماتريكس (مانيوال) فى الصيف و الزحمة الشديدة و الحرق 250 كم فى الصفيحة او اعلى

فى السفر و بالتكييف و العربية متحمله على الاخر مش اقل من 300 كم و ممكن توصل 350 و 360 كم فى الصفيحة

و من اول تفويلة و العربية زيرو مشيت 670 كم ب 42 لتر يعنى 319 كم فى الصفيحة

طبعا كل ده بيفرق من واحد للتانى بس 250 فى طريق سفر قليل جدا حتى لو اوتوماتيك الا اذا كنت بتمشى فوق 120 طول الطريق

أنا رأيى

ماتريكس-اوبترا-صنى

دول افضل 3

من حيث الراحة و العفشة و الوسع و الثبات

أنا معايا ماتريكس 2007 74,600 كم حتى الآن و الحمد لله زى الفل

ركبت الصنى الاتوماتيك و سوقتها مشوفتش اى وجه تفوق على الماتريكس

شنطة الماتريكس لها ايحاء انها صغيره.. و هى فعلا صغيرة كحجم لو هنقيس بال لتر

لكن واقعيا ارتفاع الشنطة اكبر من معظم السيدان و تقدر توقف شنط سفر كبيره متقدرش تعملها فى عربيات سيدان

الكنبة ممكن تتنيها و تدخل اى حاجه من الشنطة حتى لو تليفزيون كبيييييير او كراتين و دى بتنفعنى جامد و مش بحتاج لنص نقل :ma:

شوف احتياجاتك و على العموم الاكسنت هتكون اقل منهم فى كل حاجه ما عدا التسارع

الصنى حلوة جداااا

اقتباس:

---

المشاركة الأصلية كتبت بواسطة monmonmon

250 كم و فى سفر ده مش رقم كويس خالص

انا اعلى استهلاك بنزين للماتريكس (مانيوال) فى الصيف و الزحمة الشديدة و الحرق 250 كم فى الصفيحة او اعلى

فى السفر و بالتكييف و العربية متحمله على الاخر مش اقل من 300 كم و ممكن توصل 350 و 360 كم فى الصفيحة

و من اول تفويلة و العربية زيرو مشيت 670 كم ب 42 لتر يعنى 319 كم فى الصفيحة

طبعا كل ده بيفرق من واحد للتانى بس 250 فى طريق سفر قليل جدا حتى لو اوتوماتيك الا اذا كنت بتمشى فوق 120 طول الطريق

---

انا فعلا كنت ماشى طول الطريق 120 - 140 وفاتح التكييف ومتنساش العربيه اوتوماتيك

وبيتهيألى دا رقم كويس على عربيه 1600 اوتوماتيك وزنها 1240 كجم غير اللى راكبين فيها

اقتباس:

---

المشاركة الأصلية كتبت بواسطة Hosam_Optrawy

انا فعلا كنت ماشى طول الطريق 120 - 140 وفاتح التكييف ومتنساش العربيه اوتوماتيك

وبيتهيألى دا رقم كويس على عربيه 1600 اوتوماتيك وزنها 1240 كجم غير اللى راكبين فيها

---

بس الماتريكس بردوا 1327 كجم :3mla:

:S_thum1[1]: تمام كده انا قلتلك الا اذا كنت ماشى فوق 120.. برافو على :w6266d

اصل انا مجرب بال i10 على 120 و اكتر بتعمل من 260-280 كم فى الصفيحة مع انها 1100 سى سى بس و مانيوال لكن حساسة جدا للسرعات العاليه و بتبقى زى ال 1600

انا كلامى على افضل استهلاك بيكون فى سرعات ما بين 80 و 90 او 100 كحد اقصى لكن اكتر من كده انت المسؤل

اقتباس:

---

المشاركة الأصلية كتبت بواسطة monmonmon

بس الماتريكس بردوا 1327 كجم :3mla:

:s_thum1[1]: تمام كده انا قلتلك الا اذا كنت ماشى فوق 120.. برافو على :w6266d

اصل انا مجرب بال i10 على 120 و اكتر بتعمل من 260-280 كم فى الصفيحة مع انها 1100 سى سى بس و مانيوال لكن حساسة جدا للسرعات العاليه و بتبقى زى ال 1600

انا كلامى على افضل استهلاك بيكون فى سرعات ما بين 80 و 90 او 100 كحد اقصى لكن اكتر من كده انت المسؤل

---

لا لا لا يامعلم الماتريكس 1226 كجم فقط :36_6_3[1]:

وبصراحه انا مجربتش الاستهلاك على سرعة 90

اعتقد الاستهلاك ممكن يوصل ل 270 او 280 فى الصفيحه لكن صعب اوى يوصل لل 300 كم او يعديها

وعموما مكتوب فى بروشور الاوبترا ان متوسط الاستهلاك للاوتوماتيك 8 لتر لكل 100 كم يعنى 250 لكل 20 لتر

اقتباس:

---

المشاركة الأصلية كتبت بواسطة monmonmon

أنا رأيى

ماتريكس-اوبترا-صنى

دول افضل 3

من حيث الراحة و العفشة و الوسع و الثبات

أنا معايا ماتريكس 2007 74,600 كم حتى الآن و الحمد لله زى الفل

ركبت الصنى الاتوماتيك و سوقتها مشوفتش اى وجه تفوق على الماتريكس

شنطة الماتريكس لها ايحاء انها صغيره.. و هى فعلا صغيرة كحجم لو هنقيس بال لتر

لكن واقعيا ارتفاع الشنطة اكبر من معظم السيدان و تقدر توقف شنط سفر كبيره متقدرش تعملها فى عربيات سيدان

الكنبة ممكن تتنيها و تدخل اى حاجه من الشنطة حتى لو تليفزيون كبيييييير او كراتين و دى بتنفعنى جامد و مش بحتاج لنص نقل :ma:

شوف احتياجاتك و على العموم الاكسنت هتكون اقل منهم فى كل حاجه ما عدا التسارع

---

بس متنساش ان الماتركس لا فيها اير باج ولا abs وبيتهيألى ان ده نقطة تفوق للصنى

انا بقارن بين نفس العربيات تقريبا بس معاهم البورتون جين 2
ممكن تقولي ايه حكايه عرض الصني

الهيونداى افضل من الصنى المصرى والاوبترا

نيسان عملت تخفيض 5000 جنيه على الصنى فى ديسمبر اللى فات وبالتالى اصبحت الصنى ال ex + abs ب 91500 بدلا من 96500

انا اسفه للبيقول هيونداى افضل من الصنى معلش انا كان معاى هيونداى اكسيل واخويا معاه نيو اكسنت
الصنى افضل بكتير ده عن واقع تجربه سواقه الثلاثه بالاضافه الى كده فى ناس جوا غبور قالوا لى ان الصنى افضل لانها يابانى ووسائل الامان
ابسطها انا من فتره كنت ماشى بالعربيه مشيت على زبت العربيه لقيت فيها صوت خبط ومسكت نفسها لو كنت راكب عربيه تانيه كان حصل ليها ايه دلوقتى خلينا نحكم على الحاجه الا لما نركبها

اقتباس:

---

المشاركة الأصلية كتبت بواسطة ahmed_aly78

انا اسفه للبيقول هيونداى افضل من الصنى معلش انا كان معاى هيونداى اكسيل واخويا معاه نيو اكسنت
الصنى افضل بكتير ده عن واقع تجربه سواقه الثلاثه بالاضافه الى كده فى ناس جوا غبور قالوا لى ان الصنى افضل لانها يابانى ووسائل الامان
ابسطها انا من فتره كنت ماشى بالعربيه مشيت على زبت العربيه لقيت فيها صوت خبط ومسكت نفسها لو كنت راكب عربيه تانيه كان حصل ليها ايه دلوقتى خلينا نحكم على الحاجه الا لما نركبها

---

ياعمى صنى ايه ال بتقارنها بهيونداى ( سعر وجودة عاليه وكورى )... اركب نيو اكسنت ولا النترا ولا ماتركس ولا جيتز ولا اى 10 ولا اى 30 عربيات تحفه . وبعدين الصنى مش يابانى دة مصرى ومصانع اليابان وقفت انتاجها من 2002 على ما اعتقد او 2003 وادخلى على ويب سايت النيسان اليابانى لاتجديها .

لو غاوى السيدان النيو اكسنت ممتازة وسيبك من الصنى تقفيل مصرى تعبان .والاوبترا غول بنزين . والماتركس ممتازة لو بتحب الهاتش باك . روح لـ احمد عبد المنعم زميلى مسؤل مبيعات هيونداى الميرغنى يريحك وشخصيه ممتازة 010xxxxxx

اقتباس:

---

المشاركة الأصلية كتبت بواسطة raedegypt

لو غاوى السيدان النيو اكسنت ممتازة وسيبك من الصنى تقفيل مصرى تعبان .والاوبترا غول بنزين . والماتركس ممتازة لو بتحب الهاتش باك . روح لـ احمد عبد المنعم زميلى مسؤل مبيعات هيونداى الميرغنى يريحك وشخصيه ممتازة

---

وياترى هو عضو معانا فى المنتدى وإسمه تقريبا raedegypt?

اقتباس:

---

المشاركة الأصلية كتبت بواسطة raedegypt

ياعمى صنى ايه ال بتقارنها بهيونداى ( سعر وجودة عاليه وكورى )... اركب نيو اكسنت ولا النترا ولا ماتركس ولا جيتز ولا اى 10 ولا اى 30 عربيات تحفه . وبعدين الصنى مش يابانى دة مصرى ومصانع اليابان وقفت انتاجها من 2002 على ما اعتقد او 2003 وادخلى على ويب سايت النيسان اليابانى لاتجديها .

---

اقتباس:

---

المشاركة الأصلية كتبت بواسطة raedegypt

لو غاوى السيدان النيو اكسنت ممتازة وسيبك من الصنى تقفيل مصرى تعبان .والاوبترا غول بنزين . والماتركس ممتازة لو بتحب الهاتش باك . روح لـ احمد عبد المنعم زميلى مسؤل مبيعات هيونداى الميرغنى يريحك وشخصيه ممتازة 010xxxxxx

---

الاسلوووووووووب ده مش غريب عليا
مش عارف شوفتك فين قبل كده :T_thum1[1]:

اقتباس:

---

المشاركة الأصلية كتبت بواسطة raedegypt

ياعمى صنى ايه ال بتقارنها بهيونداى ( سعر وجودة عاليه وكورى )... اركب نيو اكسنت ولا النترا ولا ماتركس ولا جيتز ولا اى 10 ولا اى 30 عربيات تحفه . وبعدين الصنى مش يابانى دة مصرى ومصانع اليابان وقفت انتاجها من 2002 على ما اعتقد او 2003 وادخلى على ويب سايت النيسان اليابانى لاتجديها .

---

امسسسسسسسسسسسسسسسسسك يا جدع :policeman:
واحد من بتوع ال 150 جنيه :T_thum1[1]:

اقتباس:

---

المشاركة الأصلية كتبت بواسطة gemino

امسسسسسسسسسسسسسسسسسك يا جدع :policeman:
واحد من بتوع ال 150 جنيه :t_thum1[1]:

---

هههههههههههه
جامد جدا التعليق
والله بيونسونا بيعملوا جو مرح للمنتدى

اقتباس:

---

المشاركة الأصلية كتبت بواسطة raedegypt

ياعمى صنى ايه ال بتقارنها بهيونداى ( سعر وجودة عاليه وكورى )... اركب نيو اكسنت ولا النترا ولا ماتركس ولا جيتز ولا اى 10 ولا اى 30 عربيات تحفه . وبعدين الصنى مش يابانى دة مصرى ومصانع اليابان وقفت انتاجها من 2002 على ما اعتقد او 2003 وادخلى على ويب سايت النيسان اليابانى لاتجديها .

---

المهم تركب اى حاجة من هيونداى
هيونداى سيارات غيرررررررررررررر:36_1_1[1]:

يا جماعه انا شايف ان المضوع كده خد شكل تانى غير المقارنة بين ال 4 عربيات اللى انا محتار بينهم وكمان محدش علق على العيوب والمميزات اللى انا قولتهم فينك يا سبعاوى وghazy انتوا فين

الصني افضل من حيث
التوكيل
اساسيات ياباني
فيها اير باج
توكيل محترم
اتزان محترم علي الطريق
محدش اشتكي من عيب جوهري فيها كلها حجات مش مؤثرة
عيوبها
ديقة من جوة
استهلاك شويه عالي للبنزين
بس للاسف مادرش احكم علي الماتركس والنيواكسنت عشان مركبتهمش
بس اليباني يفوق الكوري من حيث الجودة

اظن الصني افضل

انا معايا نيو اكسنت وزى الفل

اوبترا +1

افضل من النيو اكسنت بكتير

اقتباس:

---

المشاركة الأصلية كتبت بواسطة Hosam_Optrawy

لا لا لا يامعلم الماتريكس 1226 كجم فقط :36_6_3[1]:

وبصراحه انا مجربتش الاستهلاك على سرعة 90

اعتقد الاستهلاك ممكن يوصل ل 270 او 280 فى الصفيحه لكن صعب اوى يوصل لل 300 كم او يعديها

وعموما مكتوب فى بروشور الاوبترا ان متوسط الاستهلاك للاوتوماتيك 8 لتر لكل 100 كم يعنى 250 لكل 20 لتر

---

لا يا راجل

1226 كجم و اخف من الاوبترا :C_laugh[1]:

دا اقل وزن للماتريكس و هى فارغه

Minimum Kerb Weight: 1248 Kg

يعنى اكبر من اللى انت كاتبه :Y_hi_3[1]:

و ابقى شوف على النت و كمان فى ال user manual

اقتباس:

---

المشاركة الأصلية كتبت بواسطة monmonmon

لا يا راجل

1226 كجم و اخف من الاوبترا :c_laugh[1]: (الاوبترا اخف من النوبيرا توأمها و ممكن متوصلش 1200 كجم اصلا)

دا اقل وزن للماتريكس و هى فارغه

minimum kerb weight: 1248 kg

يعنى اكبر من اللى انت كاتبه :y_hi_3[1]:

و ابقى شوف على النت و كمان فى ال user manual

---

انا معرفش وزن النوبيرا كام انا اللى اعرفه ومتأكد منه ان وزن الاوبترا 1230 كجم مانيوال و 1240 كجم اوتوماتيك

وطبعا انا معنديش اليوزر مانيوال بتاع الماتريكس لكن لقيت عالنت ان وزن الماتريكس مانيوال فاضيه 1226 على موقع هيونداى مصر

ولما دورت تانى دلوقتى على النت لقيت 1223 و 1248 مش عارف انهى الصح

عموما انت اكيد ادرى لان العربيه معاك