الموضوع: شىء ظريف اسمه بوليس النجدة

انا ليا تعليق للكلام
احنا دورنا كشباب نبدئ بنفسنا لان الجيل القديم خلاص لازم يسلم لينا الرايه
لازم نعود نفسنا على الامانه و الاخلاص و نحب الي بنعمله لان البلد دي لازم يجي الجيل الجديد مكان القديم
بالطريقه دي البلد تتغير
مش محتاجه طوفان ولا ثوره ولا اي حاجه
و من المنتدى ده بقول للشباب اتغيرو و جددوا نفسكو
و واحده واحده وده يقلد ده في الصح البلد تتغير
ده وجه نظري

المشاركة الأصلية كتبت بواسطة dr_3eshoo

انا ليا تعليق للكلام
احنا دورنا كشباب نبدئ بنفسنا لان الجيل القديم خلاص لازم يسلم لينا الرايه
لازم نعود نفسنا على الامانه و الاخلاص و نحب الي بنعمله لان البلد دي لازم يجي الجيل الجديد مكان القديم
بالطريقه دي البلد تتغير
مش محتاجه طوفان ولا ثوره ولا اي حاجه
و من المنتدى ده بقول للشباب اتغيرو و جددوا نفسكو
و واحده واحده وده يقلد ده في الصح البلد تتغير
ده وجه نظري

الكلام ده كويس و بالفعل فيه ناس كتير بدأت تحسن من نفسها بس المشكلة ان تيار الفساد بقه عالى اوى و بيبلع اى حاجة كويسة
و بعدين هتعمل إيه فى المشكلة الأساسية بتاعة الموضوع و هى شرطة المرور مثلآ؟؟؟ يعنى هتحسن إزاى فى العسكرى و الظابط و الناس اللى المفروض انها بتشتغل أصلآ عشان حالات الطوارىء... و لا الدكتور اللى ساب الست الكبيرة تموت عشان عايز ياكل

معلش انا آسف لكن الوضع بقه محرج و صدقنى انا أحيانآ أقول البلد كويسة و الناس إن شاء الله هيتحس حالها لكن لما حصلتلنا حاجة و اضطريت انى اتعامل مع جهاز من أجهزة الدولة حسيت ان لسه بدرى اوى عقبال ما نبقى دولة محترمة

إمبارح أنا كنت في المرور عشان أجيب رخصة العربية. كل حاجة هناك ماشية بالرشوة، لدرجة إنها علني وعيني عينك. و الأدهى والأمر إنك تلاقي واحد دقنه نص متر، وسمة السجود مفروشة في قورته ومع ذلك تلاقيه زي الشيطان و العياذ بالله. بس أنا مش عارف المشكلة أو المحنة إللي البلد دي فيها سببها مين. مين السبب في إن الناس وصلت للي هية فيه! مين اللي وصل واحد متدين أو حتى مدعي التدين لإنه يمد ايده. أكيد واحد زي ده أو غيره عاني كتير وكان عليه ضغوط أقوى منه خلته يوصل لكدة. أنا رأي إنك لو حطيط ملاك في مصر و قلتله مرتبك 500 جنيه ومطلوب منه إنه يصرف علي بيته وولاده ويعلمهم ويكسيهم ويشور بنت ولا إتنين أكيد حيلاقي 100 سبب يحلل لنفسه سكة الحرام و الفساد. صدقوني أنا شايف إن ده إختبار رهيب ربنا ما يحطنا فيه أبداً. لكن أنا متخيل واحد موظف مطحون ومضطر إنه يعول أسرة من ثلاثة أباء وأمهم ويا سلام لو عنده أم مريضة ولا أب مسن.

الحل عند مين؟ عند الحاكم ولا المحكوم

يا جماعه ربنا يمهل و لا يهمل
و مش هينصلح حلنا الا لو بدانا بانفسنا
و ربنا بيبارك في الخير و الشر لان ده امتحان من عنده
و زي مانتوا عارفين ان ربنا بيدي النا بما كسبته ايديهم
بمعنى ان احنا الي عملنا كده و مش هيتغير الوضع الا لما نغير من نفسنا و منشجعش الحاجه الغلط
يعني منعملش الغلط ونرجع نقول مينفعش الا كده علشان هو مينفعش الاكده
لازم نغير من نفسنا علشان الحال كله يتغير