-
اخيرا عملت صيانة الالف
الحمد لله امبارح عملت صيانة الالف عند محمد زكى واليكم التفاصيل
رحت الساعة 10.30صباحا واستلم العربية مهندس صغير السن وخد الضمان وقالي ارتاح فى الكافتريا وانتظرت لحاد الساعة واحدة والعربية لسة فى الشارع مادخلتش ونزلت طبعا وانا مخنوق وزعقت شوية فخافو منى ودخلو العربية ساعة بالضبط وكانت العروسة خارجة بتلمع ودة الحاجة الوحيدة اللى استفدتها من الصيانة كنت كلمتهم ان فرامل اليد مافيش وعدونى انهم هايعملوها ولكن للاسف زى ماهيا وبعد لما استلمت العربية قولة اغلس عليهم ناديت على مدير الصيانة وهومهندس صغير السن لم يتجاوز ال35 وقولتله انا مخنوق من سحب العربية عاوز افتح الماتور قالى بس كده اركب وشد الحزام وانطلق بالسيارة وكان بيدوس على ماتور السيارة على الاخر وبعدين يضرب فرامل ويدوس تانى 5 دقائق من الرعب وصلت سرعة السيارة الى 170 ثم توقف بالسيارة وقالى يلاعيش طبعا السيارة فرقت والسحب بقى احسن بكتير وانخفض معدل استهلاك الوقود من 11 الى 8.5 وبالمناسبة ساءلته عن موضوع الحدفة الشمال قالى انه ماعندوش اى شكاوى من الموضوع ده وان كل ده اشاعات عموما بعد المرحلة دة زاد رضائى عن العربية بنسبه 90 بالمئة وبقية ال10فى الميه لما العربية تبطل تدب واى استفسار انا تحت امركم
-
مبروك على الصيانه
وعقبال ال 100 ألف
-
ألف مبروك يا باشا الصيانة
ربنا يحفظلك عربيتك ويديك خيرها ويكفيك شرها
-
ألف مبروك و عقبال صيانة ال-١٠٠ ألف كيلو المهندس دة إسمه محمد تقريباً رحتله مرة عشان عندي السيرتو sx كان الكراسي بتزيك معرفش يعمل حاجة قالي روح أبو روش و رحت هناك مع صيانة ال-١٠٠٠ فعلاً والكرسي الحمدلله بقلها إسبوعين و ذي الفل
بس هو مش خطر يعني تفتيح الموتور والشد ل-١٧٠ ونت يدوب مكمل ١٠٠٠
و يارب العربية فعلاً تبطل دب فالحفر
-
-
-
مبروك يا باشا و ربنا يديك خيرها و يكفيك شرها...
نصيحه بسيطه: استنى شويه بعد تغيير الزيت (500كم مثلا) و بعدين اقرص و فتح الموتور زي ما انت عايز...
-
شكرا للروح الحلوة منكم ويارب يديم الود فى المنتدى على فكرة نسيت اقولكم وانا ماشى على ال80 لبست فى حفرة وسمعت صوت كان الجنط اتكسر ونزلت وانا حاطط ايدى على قلبى بس الحمد لله مالقيتش فى خساير
-
ألف مبروك وربنا يباركلك فيها
-
الف مبروك
وعقبال ال 100.000
Content Relevant URLs by
vBSEO 3.6.0 PL2