سلام عليكم
ازاى تحسن نفسك ف الانجليزى وتبقى احسن
عرض للطباعة
سلام عليكم
ازاى تحسن نفسك ف الانجليزى وتبقى احسن
وعليكم السلام
بس ده خبر ولا سؤال
هقلك حل جامد جدا و غير مكلف بس متعب شويتين
تجيب مجموعة افلام اجنبي مختلفة في الفكرة و القصة
وتمسك كل فيلم بالترتيب نقول مثلا 4 أفلام :
1- فيلم رومانسي
2- فيلم عن الفضاء
3- فيلم عن اي رياضة
4- فيلم سياسي
و تمسكهم واحد واحد نكلم مثلا عن الرومانسي
تجيب الفيلم بالترجمة و تتطلع من الترجمة الكلمات اللي بالعربي
و انت مش عارفها انجليزي و تترجمها و تحفظها صم و تعيد الفيلم من غير ترجمة و تحاول تسمع و تترجم اللي هتسمعة اول مرة مش هترجم غير بالكتير خمس ست كلمات من الفيلم كلو
لكن تاني مرة و تالت مرة هتحس بالفرق
و كرر نفس الفكرة مع باقي الافلام
وممكن بدل ما تطلع الكلمات من الفيلم و هو مترجم ممكن انت تحاول تحفظ معظم الكلمات اللي ممكن تخص موضوع الفيلم دة
جرب و قولي
Practice
Practice
Practice
Practice makes perfect
ممكن تجرب تشترك فى دورات تعليم محادثه
عن تجربة هذه أفضل طريقة علشان تعرف تتكلم وتسمع انجليزي كويس جدا جدا ، مع ملاحظة أنها تحتاج الى صبر ووقت طويل ولكنها مؤكدة لا محالة
أما لو أنت عاوز تقرأ وتكتب إنجليزي تمام يبقى لازم تدرس دراسة منتظمة في أحد المعاهد المحترمة المركز البريطاني أو الجامعة الأمريكية
لا تنسي أن موضوع إجادة اللغة هو موضوع حياة أو موت
الحل ده ممتاز جدا علشان تعرف تفهم اللى بيتقال قدامك أو ترد على خطابات بالإنجليزى
بس المشكله أنك مش حتعرف تتكلم إنجليزى كويس الا اذا أشتغلت مع ناس أجانب حتلاقى نفسك مضطر تتكلم معاهم ممكن تخجل شويه فى الأول بس لما تتعود يومين ثلاثه حتلاقى نفسك طياره فى الكلام معاهم وعلى فكره الأشخاص الأجانب لما يحسو أنك بطئ فى الكلام معاهم هما بيساعدوك علشان تفهم اللى هما عاوزين يقولوه
عشان كده أوعى تتكسف تحاول تتكلم قدام أجانب لأنهم فاهمين أن دى مش لغتك الأصليه
وربنا يوفقك
تلات خطوات
الاولى ...........ممكن تبتدى بترجمه قطع صغيره من الجرايد اللى زى الاهرام ابدو او ويكلى وتحفظ الكلمات الغريبه عليك مع الاستعانه بقاموس ناطق عشان تعرف الكلمه باصح نطق ليها و بعد ما تكون حصيله لغويه محترمه
ممكن تتنقل للخطوه التانيه اللى هيا سماع الافلام و البرامج الاجنبيه عشان تمرن ودنك على السمع وتمييز النطق
الخطوه التالته هتجيب ورقه وقلم و تبتدى تكتب عن موقف حصلك فى الشغل او محادثه بينك و بين واحد من معارفك او زمايلك او حاجه فكرت فيها او شى بتحلم تنفذه
المهم انك تكتب ومخك يشتغل فى الكتابه لان ده هينمى عندك المحادثه جدا
بس الاساس الحصيله اللغويه ........... ديه لازم تكون خطوه البدايه
وبالتوفيق ان شاء الله