انا عندى بشم ريحة بنزين عند بداية الدوارة لما تكون العربيه باردة تماما و بتكون جايه من الشكمان اكنه بنزين نيئ .و انا مغير الرشاشات لـbmw m40 و الدوارة سريعة و من اول تكة الحمدلله. يا ترى ممكن يكون ايه السبب؟
عرض للطباعة
انا عندى بشم ريحة بنزين عند بداية الدوارة لما تكون العربيه باردة تماما و بتكون جايه من الشكمان اكنه بنزين نيئ .و انا مغير الرشاشات لـbmw m40 و الدوارة سريعة و من اول تكة الحمدلله. يا ترى ممكن يكون ايه السبب؟
لو أستهلاك البنزين معقول وعاجبك
متشغلش بالك
لأن شوية الريحه دول ممكن يدخلوك فى متاهات
رشاشات تانى ....أو بوبينا
بس أطمن كويس على البوجيهات وخلاص
يا باش مهندس .. كنت مستنيك في الموضوع بتاعي .. فينك؟
فين الموضوع ده
لقيته خلاص ياحمو
شكرا يا سمير باشا على سرعة ردك ...انا على العموم هغير البوجيهات قريب و هشوف اذا كان فيه تغيير ولا لأ و على فكرة نفس الريحة بتاعت البنزين كانت موجودة بردة مع الرشاشات الاصليهاقتباس:
لو أستهلاك البنزين معقول وعاجبك
متشغلش بالك
لأن شوية الريحه دول ممكن يدخلوك فى متاهات
رشاشات تانى ....أو بوبينا
بس أطمن كويس على البوجيهات وخلاص
yes
لما الجو بيبقى برد كدة الكونترول بيعرف من خلال حرارة مية التبريد و كل ما الجو يبرد الكونترول بيخش فى warm up mode و يخللى غليط الهوا و البنزين غنى عشان العربية تسخن... اكنك شادد الشفاط فى عربية كربراتير
لو دورت العربية و الموتور سخن بتشم ريحة البنزين دى برضة؟؟؟ لو الاجابة لا يبقى انا صح
MMamdouh
هو فعلا يا ممدوح باشا لما الموتور بيبقى سخن مفيش اى ريحة و العربيه بتبقى زى الفل...و هى الرائحة فعلا بتختفى بمجرد ما الموتور يسخن و عداد الار بى ام يوصل للايدل اللى هو تقريبا 750-900 لفه.
بس السؤال هل لو غيرت البوجيهات المفروض يبقى الريحة اقل او تختفى. و خصوصا لو ركبت حاجة زى البلاتنيوم او الايرديوم
اقتباس:
هو فعلا يا ممدوح باشا لما الموتور بيبقى سخن مفيش اى ريحة و العربيه بتبقى زى الفل
دى بوجيهات يامحمد باشااقتباس:
بس أطمن كويس على البوجيهات وخلاص
طالما ناتج الشكمان بيتحسن مع السخونه
يبقى البوجيهات بتبقى كسلانه وهى بارده
ولكن مع السخونه بتتحمص شويه وتنظف
وبالتالى بتحرق أول دفعة بنزين مع الدواره الجديده
بس بشرط تكون المكنه لسه ساخنه