عايز رايكو

**spider_sayad** · 11-01-2010 10:00 PM

انا ان شاء الله هستلم السيفيك 2009 يوم الاحد و هسافر بورسعيد عشان اركب السماعات و الزينون عايز رايكو في موضوع التجنيط يعني اجنط ولا لا؟ اصل انا شايف ان التجنيط بيخلي شكل العربية جامد اوي فاعمل ايه؟

**M_Nabil** · 11-01-2010 10:58 PM

الف مبروك وتستلمها على خير ان شاء الله وربنا يبركلك فيها لو مكانك طبعاً مش هجنط على طول كدة دى زيرو ياباشا امشى بيها شوية وبعد كدة تفكر في الجنوط ومتنساش اللفه بتاعتى هههه

**mshamy** · 12-01-2010 08:21 AM

ألف مبروك مقدما و ربنا يديلك خيرها ويكفيك شرها و شر الطريق
بالنسبة للجنوط أهم حاجة إنك تركب جنط نضيف و بلاش تسترخص و تركب صيني علشان ماتندمش

المشاركة الأصلية كتبت بواسطة spider_sayad

انا ان شاء الله هستلم السيفيك 2009 يوم الاحد و هسافر بورسعيد عشان اركب السماعات و الزينون عايز رايكو في موضوع التجنيط يعني اجنط ولا لا؟ اصل انا شايف ان التجنيط بيخلي شكل العربية جامد اوي فاعمل ايه؟

**Horsepower** · 12-01-2010 10:39 AM

المشاركة الأصلية كتبت بواسطة spider_sayad

انا ان شاء الله هستلم السيفيك 2009 يوم الاحد و هسافر بورسعيد عشان اركب السماعات و الزينون عايز رايكو في موضوع التجنيط يعني اجنط ولا لا؟ اصل انا شايف ان التجنيط بيخلي شكل العربية جامد اوي فاعمل ايه؟

ألف مبروك (ربنا يديك خيرها و يكفيك شرها
أولا هتجنط 16 و اللا 17؟
لو 17 هتحتاج تغير الكاوتش كمان تبقى تجنط قبل ما الكوتش يمشي على الأرض و حاول تشوفلو بيعة من دلوقتي و فيه تجار فاهمين الكلام ده و هيبعت معاك واحد من عنده ياخد الكاوتش و إنت بتستلم عربيتك و يكون معاك الجديد تركبه و تمشي بيه من أولها كده ... الكاوتش ال 205*55*16 عليه طلب اليومين دول و إن شاء الله يجيب سعر كويس و إنت أولى... بس ترتب على البيع من دلوقتي و تجيب الجديد طبعا.
ولو ناوي علي مقاس الجنوط ال16 يبقى برده تجنط قبل ما تمشي بالعربية علشان تحافظ علي الجنوط و الطاسات الفابريقة بدون خدوش و كدة يجيبولك سعر الجديد منهم و تبقى وفرت برده ... أما لو إستنيت يبقى الأفضل إنك ما تبيعش الجنوط و لا الطاسات الفبريقة لأن كدة سعرهم هينزل لو الإستعمل بان فيهم.
ربنا يوفقك و ألف مبروك مرة تانية