مبروك ياوحش
مبروك ياوحش
السلام عليكم جميعا
الف مبروك لمصر و مالاوى بجد فرحتونا
الف الف شكر لكل الوحوش اللى باركولى على العربية
و ربنا يسعدكم جميعا و يبارك لكم و فيكم ان شاء الله
على بركة الله النهاردة نزلت شارع دمشق مع اخو المدام
قبل الماتش بساعة و جبت الاتى :
- غطا وتر برووف للوجى و كان مقاسه لارج و لما سألت الراجل اذا كان ييجى على قد لوجى قاللى انه معاه جيتا وواخد نفس الغطا ليها و لو فيه مشكلة ممكن ارجعه و معلش مش هقدر استنى على الغطا الاصلى بتاع لوجى لانى ممكن اسافر الصعيد فى اى وقت و محتاج الغطا معايا بسرعة لانى ساكن جنب مدرسة ابتدائى و لازم اغطيها و الا هاتيعمل عليها مهرجان الفن التشكيلى زى مانتوا عارفين
- طقم دواسات كبير 5 قطع اسود
- جراب للدركسيون
و دفعت كله على بعضه 210 لحلوح
الخطوة اللى جاية باذن الله موضوع اف ام ترانسميتر للاى فون
و بكرة هاروح ان شاء الله راديوشاك اشوف النظام ايه و اجيب حاجة فى المعقول و تكون بتشغل كل حاجة لانه ده صعب الاقيه فى الصعيد لما ارجع ان شاء الله
و معلش كان ليا سؤال الافراج الجمركى من عند محمد زكى بيتأخر و لا ايه النظام هما قالولى يومين ؟؟؟؟؟؟؟ يا ترى ده صح و لا لازم اكلمهم كل شوية و الح عليهم و كده ؟؟؟؟؟؟ عشان انا كده داخل فى اسبوع سايب بيتى و اطفالى مريم و حمدى و شغلى و كله بسبب الحلوة لوجى .
على فكرة انا ان شاء الله هاعمل تقييم لما اخد طريق العودة من القاهرة لقنا
و للى عاوز تصبيرة موجود ..... العربية فى كلمتين حلوة و تستاهل كل الكلام الحلو اللى بيتقال عليها و اكتر و تستاهل اكت من تمنها و انا بقول كلمة و رزقى على الله العربية دى مش هاتستنى كتير بالسعر و هاترفع سعرها كل شوية ........ و اللى يلحق يلحق :ma:
مبروك على اكسسوارات لوجى
ومحمد زكى كلمتهم واحدة ومحل ثقة ومش محتاجين الحاح ولا حاجة ده رأى كل الاعضاء اللى اتعاملوا معاه
وال اف ام موجود ومنتشر بانواع كتير واسعار متفواتة تبدأ من 25 جنيه وغالبا كله صينى
ايه الكلام الكبير دة يا دكتور ربنا يباركلك فيها ومنتظرين تقييمك للجميلة لوجى
والافراج مش محتاج الحاح وهو بياخد حوالى عشرة ايام بالكتيير
مبروووووووووووووووووووووو ووووووك
انا استلمت العربيه يوم الارعاء الافراج كان موجود يوم الاحد
وع فكره فى راديو شاك ف فيوتشر مول ال فتجمع الثالث ف كل حاجه اقربلك اذا كنت ف التجمع
طالما أنك جدع وصليت ركعتين شكرا لله
يبقى تسمع على الأي فون قرءان بس وسيبك من الأغاني دي
وجزاك الله كل خير وربنا يباركلك فيها
:ma:
الف مبروك وربنا يحفظك فى سفرك
مبرووووووووك يا دكتور
ربنا يعطيك خيرها و يكفيك شرها
يالا عاوزين القناوية يزيدوا كمان و كمان في قسم الوحوش
السلام عليكم جميعا يا وحوش
الف شكر لكل نصايحكم الغالية عليا و اللى بتدل على ناس فى قمة الذوق و الجدعنة
و بخص بالشكر الاخ الصداح اللى بينصح بترك الاغانى ......... جزاك الله الف خير يا صديقى و الله يا عزيزى انا احب حاجات اسمعها فى العربية هيا القران الكريم و بالاخص سورة يوسف للشيخ السيد السعيد ..... و كمان كبار القراء مثل الشيخ عبد الباسط و المنشاوى و الطبلاوى و اذاعة القران الكريم ثم خطب شيخى المفضل عبد الحميد كشك ..... و لكن احيانا بيبقى نفسى اسمع حاجة فيها مزيكا و احن لايام لما كانت معايا 128 بالكاسيت و السماعات البيونير و الاكولايزر و الجنوط
انما ده مش كتير بتبقى لحظات و بعدها بارجع لكبار القراء و الشيخ كشك ...... و انا و الله قعدت بالشهور مش حاطط و لا غنوة الا رنة المحمول بس و ربنا يتوب علينا جميعا
و مش هانسى الصعايدة الكبار فاوى باشا و مصطفى بكرى باشا .......كيف الحال يا جماعة يارب تكونوا بخير ان شاء الله .....
اما عن جديد لوجى فالنهاردة و لله الحمد وصل الافراج الجمركى و فاضل بس الختم بتاع المرور و ان شاء الله هاستلمه باكر 10 صباحا من محمد زكى القطامية .....دعواتكم يا وحوش اخلص الموضوع ده و ارجع قنا عشان بنتى و ابنى وحشونى اوى و نفسى افسحهم بيها و اشوف الفرحة فى عيونهم عشان افرح انا كمان ان شاء الله ....
و الحمد لله اشتريت اف ام ترانسميتر للاى فون و اسمه i fm transmitter و اسمه
انفينتى و جبته من محل العجيل فى مصر الجديدة و معاه ريموت و تمنه 49 جندى ...و برضه بيقرا
من فلاشة او يو اس بى و كده انما لسة مجربتوش لانى فى مصر الجديدة و لوجى فى التجمع و
هاروحلها باكر ان شاء الله انا عارف انه ممكن اكون جبته غالى شوية بس عشان انا يمكن اسافر فى
اى وقت و عاوز اجيب حاجة لوجى عشان ابقى جاهز للسفر ان شاء الله .... و لما اجربه هاقولكم
ان شاء الله
دعواتكم جميعا
اللهم اشفى كل مريض و ارحم كل ميت
وارزقنا قبل الموت توبة و عند الموت شهادة
و بعد الموت جنة و نعيما و رضوانا ...
امين يارب