تفويلة بنزين 95 (Audi A4 1.6 Auto 1998)

السلام عليكم..
ازيكم يا رجال..

تجربة جديدةا لنهاردة وحبيت انقل لكم النتيجة..
فولتا لعربية النهاردة الصبح بنزين 95.. قولت اجرب.. عشان واحد صاحبي بيعمل الموضوع ده في عربيته جين 2.. و بيقولي النتيجة وهمية.. و العربية بتتبدل عربية تانية.. ولت نشوف مش هنخسر حاجة..
المهم اللمبة كانت خلاث هتنور.. يعني فاضل في التانك اقل من 10 لتر..فولت 95.. طبعا قلبي كان بيتقطع مع عدادا لبنزين اللي بيجري و فوقه عدادا لفلوس اللي الارقام بتتنطط فيه و انا قلبي بيقع معاها.. المهم العربية اخدت 58 لتر ب 158 جنيه.. قولت مش مشكلة ادينا بنجرب.. و نشوف النتيجة هتكون ايه..
المهم.. عملت النهاردة بس 150 كم بالعربية.. بالبنزين 95.. و النتيجة.. تقريبا صفر..
الاداء لم يتجسن بالدرجة اللي كنت متخيلها.. السحب تقريبا طبيعي.. الصوت زي ما هو..
التسارع برضه عادي.. مش حاسس ان في فرق اصلا..و جربت كل انواع السواقت.ز العهادية.. و الزحمة جوة البلد.. و الجري.. و الطريق المفتوح و الشد و الحرق.ز و النتيجة.. انه البنزين ال95 في العربية دي حرام.. و ال92 اوفر و تقريبا مفيش فرق في الاداء..

الخلاصة.. محدش يتهور و يعمل العملة دي في عريبة اودي من الموديل ده..:Ka_che1[1]:

تماااااام ياباشا بس ليه حصل كدا
المفروض تحس بلفرق ؟؟!!!صحايش معنى الموديل دا؟؟

كنت متوقع كده لكن حصل معايا نفس الكلام في الكورسا..
و محستش بأي فرق ملموس.. بالعكس.. دي كان الاستهالاك بتاعها اوحش من ال92 كمان.. لما نشوف دي استهلاكها ايه مع 95..
بس مش متوقع تحسن عن 92..
زي ما تقول كده الrecommended ليها كان اقل من كده.. فلما تحط ده مش هيفرق فرق كبير..

وجالك قلب تقول للراجل فول 95 :36_1_8[1]:

ياراجل ده لما بقولها فى ال92 ببقى واخد القرار ده قبليها 3 بنزينات مثلا :ma:

بالنسبه للفرق ممكن يكون نسبة إنضغاط الموتور بتاعك اقل من ال95 فعلشان كده محستش بالفرق

أهو بقي قولت اهي مرة و تعدي.. و برضه اهو الواحد بيتعلم من اخطاؤه..
و انا لما عملت كده في الكورسا و محستش باي فرق... قررت اني ماعملهاش تاني ابدا.. و كمان ساعتها كان ال95 ب 175 بس مش 275..

الحمد لله علي كل شيء..

و الله كويس انه جالك قلب يا راجل...........158 جنيه تفويلة واحدة !!!
بس سيبك انت في داهية الفلوس بس تجرب و تكون علي بينة
بس يا ريت كانت النتيجة مرضية...بس كدة احسن عشان ما تفتقدش اي شيء بعدم استخدام ال95 بعد كدة

هجرب انا كمان في الاسترا انجوي و اقولكم بس بعدين لما تيجي الفلوس :-)

ربنا يكرم

اقتباس:

---

المشاركة الأصلية كتبت بواسطة Ahmad Allawy

السلام عليكم..
ازيكم يا رجال..

تجربة جديدةا لنهاردة وحبيت انقل لكم النتيجة..
فولتا لعربية النهاردة الصبح بنزين 95.. قولت اجرب.. عشان واحد صاحبي بيعمل الموضوع ده في عربيته جين 2.. و بيقولي النتيجة وهمية.. و العربية بتتبدل عربية تانية.. ولت نشوف مش هنخسر حاجة..
المهم اللمبة كانت خلاث هتنور.. يعني فاضل في التانك اقل من 10 لتر..فولت 95.. طبعا قلبي كان بيتقطع مع عدادا لبنزين اللي بيجري و فوقه عدادا لفلوس اللي الارقام بتتنطط فيه و انا قلبي بيقع معاها.. المهم العربية اخدت 58 لتر ب 158 جنيه.. قولت مش مشكلة ادينا بنجرب.. و نشوف النتيجة هتكون ايه..
المهم.. عملت النهاردة بس 150 كم بالعربية.. بالبنزين 95.. و النتيجة.. تقريبا صفر..
الاداء لم يتجسن بالدرجة اللي كنت متخيلها.. السحب تقريبا طبيعي.. الصوت زي ما هو..
التسارع برضه عادي.. مش حاسس ان في فرق اصلا..و جربت كل انواع السواقت.ز العهادية.. و الزحمة جوة البلد.. و الجري.. و الطريق المفتوح و الشد و الحرق.ز و النتيجة.. انه البنزين ال95 في العربية دي حرام.. و ال92 اوفر و تقريبا مفيش فرق في الاداء..

الخلاصة.. محدش يتهور و يعمل العملة دي في عريبة اودي من الموديل ده..:Ka_che1[1]:

---

الكورسا والاودى ومفيش فرق !! يبقى عيب سواق ياعلاوى :36_6_3[1]:
حط معاة علبة منظف
او تعمل زى ماعملت قبل كدة فى الاول سبتها لحد لما اللمبة نورت وحطيت 20 لتر 95 , فى الاول مفيش فرق بس بعدها لاحظت ان مع الوقت السحب بيبتدى يتحسن تدريجيا والصوت يهدى
لما قرب يخلص رحت حاطط 20 لتر كمان كان ساعتها ال 95 عمل مفعولة والعربية ابتدت تتهبل فى الجرى
المرة التالتة بقى فولت 92 علشان انسيها ال 95 قبل ماتتعود علية تبقى كارثة :ma:

انتا لسة مغيرتش أسلاك البوجيهات... ولا البوجيهات نفسها...

جرب اعمل نفس العملة ديه... بس بعد ما تسرفس العربية سرفيس كامل...

بوجيهات و اسلاك و فلاتر ( خصوصا فلتر الهوا) و سيور... و ابقا اتفرج عالآداء بجد....

اقتباس:

---

المشاركة الأصلية كتبت بواسطة mantoros

و الله كويس انه جالك قلب يا راجل...........158 جنيه تفويلة واحدة !!!
بس سيبك انت في داهية الفلوس بس تجرب و تكون علي بينة
بس يا ريت كانت النتيجة مرضية...بس كدة احسن عشان ما تفتقدش اي شيء بعدم استخدام ال95 بعد كدة

هجرب انا كمان في الاسترا انجوي و اقولكم بس بعدين لما تيجي الفلوس :-)

ربنا يكرم

---

لألألأ متقولش كده يا باشا.. ربنا يكرمك باذن الله..
بس المنطق و العقل بيقول انك مش هتعرف تنزل لل92 تاني لو جربته في عربيتك علي فكرة.. بس اهي هتبقي ميرة.. عشان لما تغير.. مش هتحس بفرق في الفلوس..:ma:

اقتباس:

---

المشاركة الأصلية كتبت بواسطة ENG\AHMED

الكورسا والاودى ومفيش فرق !! يبقى عيب سواق ياعلاوى :36_6_3[1]:
حط معاة علبة منظف
او تعمل زى ماعملت قبل كدة فى الاول سبتها لحد لما اللمبة نورت وحطيت 20 لتر 95 , فى الاول مفيش فرق بس بعدها لاحظت ان مع الوقت السحب بيبتدى يتحسن تدريجيا والصوت يهدى
لما قرب يخلص رحت حاطط 20 لتر كمان كان ساعتها ال 95 عمل مفعولة والعربية ابتدت تتهبل فى الجرى
المرة التالتة بقى فولت 92 علشان انسيها ال 95 قبل ماتتعود علية تبقى كارثة :ma:

---

الكورسا مشيت بيها لحد ما خلصت ال40 لتر و محستش باي فرق يذكر.. صوت الموتور كان اهدي شوية.. بس الاستهلاك كان وحش وحش وحش... اقل من 92 بكتير..
عموما انا قولت اني بعد 150 كم في يوم واحد.. محستش باي فرق.. عموما اديني معاها لحد ما اخلصهم.. و التفويلة معايا بتعمل حوالي 500 كم.. يعني لسة ليها فرصة..

اه بالمناسبة.. انا لما حطيت ال95 كانت خلاص اللمبة هتور..

اقتباس:

---

المشاركة الأصلية كتبت بواسطة M!NA

انتا لسة مغيرتش أسلاك البوجيهات... ولا البوجيهات نفسها...

جرب اعمل نفس العملة ديه... بس بعد ما تسرفس العربية سرفيس كامل...

بوجيهات و اسلاك و فلاتر ( خصوصا فلتر الهوا) و سيور... و ابقا اتفرج عالآداء بجد....

---

باشا..
العربية حاليا البوجيهات حالتها كويسة.. و فلتر الهوا لسة متغير و بصيت عليه نضيف جدا حتي مش لحق يتترب جامد.. وارد جدا ان سلوك البوجيهات هي تكون عاملة القلق ده.. عموما هاغير قريب ربنا يسهل.. بسمش عارف اجيب الفولكس الاصلي 800 جنيه ولا نوع تاني الماني 350 جنيه..

الا صحيح بالمناسبة.. انت فاكر يعني ايه بوجيهات اصلا..!!!! :B4_282::B4_282::B4_282:

اقتباس:

---

المشاركة الأصلية كتبت بواسطة Ahmad Allawy

الا صحيح بالمناسبة.. انت فاكر يعني ايه بوجيهات اصلا..!!!! :B4_282::B4_282::B4_282:

---

ههههههههههههههههههههههههه
:ma::ma::ma::ma:

أقصد السخنات... أنتا هتلخبطني ليه؟؟ :satelite:

اقتباس:

---

المشاركة الأصلية كتبت بواسطة M!NA

ههههههههههههههههههههههههه
:ma::ma::ma::ma:

أقصد السخنات... أنتا هتلخبطني ليه؟؟ :satelite:

---

ههههههههههههههههههههه
لو علي الزيت لدلفاك و الفلتر مش مضر عربيات البنزين.. لكن
تدخل تفولها سولار وش.. :ma:

وهنا تبقي المشكلة..:beatdeadhorse5:

تنك البنزين عندك مكتوب عليه كام؟ عموما لو مكتوب ٩١ يبقى طبعا مع ال ٩٥ مش هتحس بأي فرق غير في جيبك :)

مع الاسف انا مش بحط في عربيتي غير ٩٥ و مش بحط ٩٢ غير في الطواريء بس العربيه عندي في الكتالوج ٩٥

اقتباس:

---

المشاركة الأصلية كتبت بواسطة ahmed hassan

تنك البنزين عندك مكتوب عليه كام؟ عموما لو مكتوب ٩١ يبقى طبعا مع ال ٩٥ مش هتحس بأي فرق غير في جيبك :)

مع الاسف انا مش بحط في عربيتي غير ٩٥ و مش بحط ٩٢ غير في الطواريء بس العربيه عندي في الكتالوج ٩٥

---

هو عندي في التانك مش مكتوب بنزين اوكتان كام.. بس هو مكتوب انه يبقي من غير رصاص بس..
للأسف مفيش كتالوجات بقي خلاص.. و مش رايق ادور عليه اونلاين بصراحة الايام دي..

الف شكر ليك يا باشا.. ة ربنا يباركلك في عربيتك و يحفظهالك..

طيب انا هحاول اشوفهالك... بس في الغالب هتكون ٩١

الفكرة هل فيها فيشت أكتين ولا لأ، لو تفتكر في الفيكترا مكنش بيبابن فرق غير لما تغير فيشة الأوكتين (ماعدا في المواتير الايكوتيك لأنها كانت بتبين الفرق على طول حتى من غير فيشة حتى في الكورسا ال-1000cc )،
و غالباً هتكون التكنولوجي في الوقت دة كلها واحد في كل المواتير الألماني ، يعني مواتير ما قبل ٢٠٠٠ فيها فيشة أو تحكم يدوي في الأكتين ، و ما بعد ذلك فيه تحكم اتوماتيك

اقتباس:

---

المشاركة الأصلية كتبت بواسطة farahat

الفكرة هل فيها فيشت أكتين ولا لأ، لو تفتكر في الفيكترا مكنش بيبابن فرق غير لما تغير فيشة الأوكتين (ماعدا في المواتير الايكوتيك لأنها كانت بتبين الفرق على طول حتى من غير فيشة حتى في الكورسا ال-1000cc )،
و غالباً هتكون التكنولوجي في الوقت دة كلها واحد في كل المواتير الألماني ، يعني مواتير ما قبل ٢٠٠٠ فيها فيشة أو تحكم يدوي في الأكتين ، و ما بعد ذلك فيه تحكم اتوماتيك

---

لأ عشان الفيكترا ال1.6 بس اللي كان فيها الحوار ده.. ال2000 الموتور القديم مكانش فيه..
و عندي مفيش برضه حاجة.. بس مش عارف بقي هي بتظبط نفسها ولا بتشتغل علي الrecommended و خلاص..

يا علاوى يا مفترى دا أنت قلبك جامد جدا جدا جدا جدا جدا
كنت جرب فى 10 لتر كدا ولا حاجة و لو عجبك كمل باقى التانك

هو بعدالبحث و الفحص وجد ان مكتوب علي غطل التانك فعلا موضوع انه يا اما 91 او 95..
و لما خلصت التفويلة دي و رجعت لل92 تاني.. و هنا حسيت بالفرق.. اللي بان بوضوح في التسارع.. العربية كانت بتسحب احسن\.. و الموضوع ده مبانش غير بعد ما نص التانك كان فضي.. يعني في اواخر التفويلة.. و كمان الصوت كان اهدي شوية.. لكن الاستهلاك كان تقريبا واحد.. و هنا بقي الفرق اللي بيعمل حوالي 50 جنيه ف التفويلة الواحدة..!!!

انا التفويله اللي في العربيه الوقتي 95 .بس وشها وحش ..العربيه تاني يوم جابت موبينه !! ماحسيتش باي فرق لا في السحب ولا في صوت الموتور .الظاهر ان عربيتي مش وش نعمه ..تحياتي للجميع ..

اقتباس:

---

المشاركة الأصلية كتبت بواسطة hellboy

انا التفويله اللي في العربيه الوقتي 95 .بس وشها وحش ..العربيه تاني يوم جابت موبينه !! ماحسيتش باي فرق لا في السحب ولا في صوت الموتور .الظاهر ان عربيتي مش وش نعمه ..تحياتي للجميع ..

---

معلش يا عم فداك.. الحمد لله انك بخير..
بس انا مخسيتش بالفرق غير لما قربت تخلص خالص.. لو انت واخد بالك اني لما عملت الموضوع ده كنت لسة مفول.. و مشيت بيها 150 كم بس.. لكن علي اخر ال500 كم كنت بدأت أحس..
عموما اصبر عليها شوية.. لما تاخد عليه هتبدأ تتغير..:Ob_mak1[1]: العربية يعني.. لما تدمن ال95.. هتلاقيها بقت عربية تانية..

فعلا العربيه لازم تخليها تدمن ال 95 ... انا عمرى ما هحط 95 ... اكيد ده ادمان

انا جربت فى عربيتى ( لانوس 2008 ) ومحسيتش باى فرق لدرجة انى شكيت فى البزينه