السلام عليكم
انا مسافر العجوزة المتحف الزراعى
ايه الاسهل المظلات ولا المؤسسة واروح ازاى
وشكراا
عرض للطباعة
السلام عليكم
انا مسافر العجوزة المتحف الزراعى
ايه الاسهل المظلات ولا المؤسسة واروح ازاى
وشكراا
انا كنت داخل اسأل نفس السؤال
عايز اروح شارع المتحف الزراعي عند توكيل htc
حد عنده فكرة اروحها ازاي بالعربية من عند كوبري الجيزة؟؟
لو من الموسسة هتطلع كوبري اكتوبر اتجاة المهندسين لحد اخرة هتنزل المنزل الشمال و بعد كدة اول شارع يمين
جزاك الله خيرا
معلش اعذرني عشان ثقافتي المرورية ضعيفة شوية:120146b
يعني هطلع كوبري الجيزة ان شاء الله هاخد الفتحة اللي بتنزل الجامعة ولا فتحة شارع مراد؟
انا اعرف طريق مستشفي الشرطة كويس هل شارع المتحف الزراعي قريب منه؟
انا رايح توكيل htc اللي هناك ان شاء الله عشان اصلح التليفون
بص يا باشا هوانا مش عارف انت هتكون جاى منين اصلا
بس انت ممكن تيجى مظلات وتاخد الكورنيش على طول لحد مطلع كوبرى اكتوبر من عبدالمنعم رياض (بعد مبنى الاذاعه والتليفزيون على طول) هتاخد اول مطلع يقابلك وتنزل اااخر نزله خالص(اللى هى بتاعت شارع البطل احمد عبدالعزيز) اول ما هتنزل النزله دى هتمشى شويه صغيرين جدا وتاخد اول شارع يمين يقابلك وهو ده شارع المتحف الزراعى
وبالمناسبه انت كده تعتبر فى الدقى مش العجوزه
مع تعديل بسيط ان شارع المتحف الزراعى هو الشارع الموجود اسفل كوبرى اكتوبر بجوار مدرسه الاورمان الاعداديه ياعنى لو انت على كوبرى اكتوبر هو هايكون تحتيه بالظبط
شكرا للرد
انا الحمد لله وصلت
ركبت المترو ونزلت الدقى
بس مشيت حوالى كيلو لحد ماوصلت
ياااااااااااااااااااه 3 شهور
حمد الله على سلامتك