الموضوع: جين 2 ام frv

انا افيدك في الجن 2 ولكن الاف ار في ماركبتهاش وان شاء الله احد الاعضاء يرد عليك بخصوصاالجن 2 موتور 1600 وباور هورس 110 حصان العربيه بالكامل ماليزي الصنع ولكن التصميم من شركة لوتس المصنعه لسيارات البورش الكماليات جنوط سبور مرايات كهرباءزجاج كهرباء اربع ابواب مالتي فانكشن شبوره امامي وخلفي او فوجات بالمسمى الاخر كاسيت بلو بانكت الماني بسماعاته سي دي وراديو ام بي ثري في موديلات 2009 و 2010 حساسات خلفيه للركن 2 ايرباج امامي فرامل ايه بي اس + اي بي دي سخانات زجاج خلفي الطاره بتاع الدريكسيون قابله للرفع والتنزيل لاعلى واسفل كراسي ليكارو عفشه رياضيه طبعا وده طبعا بيدي ثبات عالي جداااا ولكن مع النقر والبلاعات بتحس اكتر بيها جنط سبور 15 / 195 / 60 شنطه واسعه بالنسبه للمظه الخارجي شكل رياضي وتسارع عالي جدا صاج قوي ماشاء الله مقارنة بالسيارات الحديثه اما العيوب لايوجد طفايه وولاعه لانها رياضيه ولكن يوجد مكان للشاحن بعض عيوب التقفيل البعيده تماما عن الاساسيات وانا اتكلم عنها جميعا ولكن ليست تتجمع في سياره واحده اطلاقا انت وحظك ومنها مفتاح المرايا صوت تزييق في الكنبه الخلفيه مالتي فانكشن بيعلق صوت تكتكه كده وانت بتلف الدريكسيون لمبة الشنطه او الصالون مش بتشتغل بالنتظام عصا الفتيس لونها بيمسح مع مرور الوقت عوامة البنزين احيانا بتغلط بتبقى مفول وماتجيش على العداد العلامه للاخر اعتقد ان دي كل احتمالات وجود عيوب تقفيل في السياره وطبعا ماتقلقش كلها بتتصلح في الضمان طبعا ده ان وجد منها عيب او اتنين في سيارتك واحيانا مش بتلاقي اي عيوب بس انا ذكرتها للامانه من خبرتي مع الجن 2 مثلا انا اتعرضت لموضوع تزييق الكنبه وده ناتج من مسمار الكنبه الخلفيه بتحط حتة شكرتون تحت المسمار مكان بيقفل وشكرا انتهى الصوت ومفتاح المرايا نعم شويه وغيرتوا في اول صيانه بس !ولكن نيجي بأه للعربيه موتور ماشاء الله وحش كاسر سواء مانيوال او اوتوماتيك وتستحق فلوسها تحياتي جن2 اوتوماتيك 2008 وعداد 70000 كم

اتفضل هنا يا باشا هتعرف كل حاجة عن ال frv
و ربنا يوفقك اهم حاجة شوف انت مرتاح لأيه
بس في حاجة مش موجوده في التقرير ده ان عفشة العربية system porsch
يعني ثبات 100 100
و ده مذكور في التقرير بس انا حبيت اوضح انها نظام بورش

http://www.nilemotors.net/Nile/93754-frv.html

تقرير هايل يا kirollos تسلم ايد اللي عمله وشكرا علي اهتمامك




شكرا يا tweety معلومات جامده جدا وجزاك الله خير

المشاركة الأصلية كتبت بواسطة eng_khaled_egypt

تقرير هايل يا kirollos تسلم ايد اللي عمله وشكرا علي اهتمامك

يا باشا لا شكر علي واجب و الفضل في الاول و النهاية يرجع لربنا اولا ثم استاذ نادر اللي عمل التقرير الهايل ده

و بالتوفيق يا باشا