العربيه الواجنر

**gsober** · 12-01-2010 12:42 AM

قدامى عربيه واجنر متكهنه فى الشركه اللى بشتغل فيها
بس عاوزه شويه توضيب ميكانيكا وسمكره وتظبيط فى الفرش
بس فيها كل حاجه
والكاوتش حالته جيده
فكنت عاوز اعرف ايه اخبار العربيه دى دلوقت وهل ليها قطع غيار ام لا
وهل ليها سوق ولا لا؟؟؟؟
تنصحونى بايه

**M!NA** · 14-01-2010 02:59 AM

قطع غيارها موجودة في جسر البحر - شبرا مصر
بس هل بتفكر فيها كتجارة؟ ولا لنفسك؟

**gsober** · 16-01-2010 04:38 PM

العربيه سلندر فياريت اعرف سعر الضريبه كام

**M!NA** · 16-01-2010 08:55 PM

المشاركة الأصلية كتبت بواسطة gsober

والله لسه مش عارف انا فكرت اخدها استخدمها ولو عجبتنى هخليها ولكن لو معجبتنيش ابيعها فعايز اعرف ليها سوق ولا لا
هى اتكهنت عشان قطع غيارها الغاليه واستهلاكها العالى فى البنزين
فعل ممكن تتحول غاز ومين احسن ميكانيكى للحجات دى

لو العربية حالتها كويسة... خدها بس اعمل حسابك في قانون التكهين... مفيش حاجة مضمونة اليومبن دول... ممكن فجأة ياخدوا القرار بتكهين العربيات قبل موديل... (كذا)

عموما... نزلة واحدة لشارع جسر البحر في شبرا... و خد فكرة عن قطع الغيار...

بس طبعا ماتسألش عن فوانيس و شبكة أمامية و كدا...

اسأل عن أساسيات... كرونة.. فتيس... موتور (استيراد)

المشاركة الأصلية كتبت بواسطة gsober

العربيه سلندر فياريت اعرف سعر الضريبه كام

تقريبا... قصدك العربية 6 سلندر... هي عموما لو فوق ال2000 سي سي هتبقا ضريبتها حوالي 1000 في السنة...

**gsober** · 17-01-2010 12:06 AM

قصدى فى حد بيحب يشتريها يعنى ليها سوق ولا لا

**M!NA** · 17-01-2010 07:41 AM

المشاركة الأصلية كتبت بواسطة gsober

انا متشكر جدا على تجاوب حضرتك مع الموضوع
وفعلا انا قصدى ال6 سلندر
طب هو فى بيحب يشترى العربيات دى ولا النوع ده تقيل فى بيعو

المشاركة الأصلية كتبت بواسطة gsober

قصدى فى حد بيحب يشتريها يعنى ليها سوق ولا لا

ليها زبونها.... هتلاقي اللي يشتريها بس فئات معينة... تجار... مقاولين... ناس بتتنقل كتير بين المحافظات و عايزين عربية نقل و ملاكي في نفس الوقت...

بس مش هتتباع زي اللانسر مثلا.... أكيد هتكون تقيلة... و بيعها مقرف... خصوصا أنك مش بتبيعها لعائلة... أنتا بتبيع لتاجر...

بس هو فيه سؤال... أنتا ايه احتياجك بالظبط... ؟ هل عايز حاجة 4x4 ولا مجرد عربية عالية و موتور كبير؟

**م/أحمد عبد الفتاح** · 18-01-2010 03:21 AM

العربيات دى عربيات جامده جدا وتنفع اوى فى مصر ولو جبتها ووضبتها عمرك ماحتفرط فيها لأنهاعربيات ركوبه فعلاً بس غير الموتور بواحد جاز أحسن والضريبه بتاعتها على حسب السى سى والموديل يعنى لغايه ٢٠٦٠ سى سى تقريباً بتنقص ٥٪ كل سنه واقل حاجه توصل لها الضريبه هى ٢٠٠ فى السنه لو موديل ٩٠ أو أقل بس فى حدود الـ ٢٠٠٠ سى سى . وبالنسبه للبيع هى ليها زباينها مش زى أى عربيه.