جرب كده شوف الملف المرفق
عرض للطباعة
جرب كده شوف الملف المرفق
الاخ الغالى وكل اعضاء المنتدى الكرام
وبعد اذن الادارة ده مش اعلان والله
الحمد لله رب العالمين ده شغلنا وتخصصنا تصميم وتنفيذ كل اعمال الاخشاب من موبيليا ومطابخ وابواب داخلية وخارجية وغرف نوم واطفال وسفرة وديكورات وارشات وانتريهات اى كانت المساحة وضمان مفتوح وخاصة الانتريهات ضمان زى ما انت عاوز
وان شاء الله ارفق صور لمطابخ وحمامات اصغر بكتير من عند حضرتك
كلمني على الخاص يا باشا وانا احلهولك بعون الله
مهندس معماري هاني كمال
بس يا نادر باشا احسن برده ميجيب بوتاجاز عادي 90سم و لا 80 سم
الحلول للاركان كتير جدا
بس الاكسسوارات اللي انتا جايب صورها دي تحديدا اغلي حاجة فيها و لازم تجيبها انواع كويسة
الدرج اللي انتا جايبه مثلا ده ماركة اسمها بلوم ،، blum ،، وكيلها الشركة الفنية في الرويعي و جامعة الدول العربية و طارق السلاب في مصطفي النحاس و مش هتلاقيه رخيص و لازم نجار بيفهم عشان يركبهولك صح
و الاكسسوار التاني بيسموه ماجيك كورنر
احسن انواعه عند هانيمكس في شارع معز الدولة
منصحشي بالصيني بتاعه ،،
فيه بقه اكسسوار رخيص و يقضي الغرض للكورنر
اللي هوا الدائرة الدوارة و بيكون منه نص دائرة و تلت اربع دائرة و دائرة كاملة حسب شكل الوحدة اللي هتعملها
ده مفيش منه قلق منه لانه مجرد حاجة بتلف علي محور و اسعاره رخيصة
و لو عايز فيه حلول متكلفشي حاجة خالص
انك تعمله وحدة الكورنر نفسها علي شكل حرف زاوية و تكون ليها ضلفتين بيفتحوا مع بعض سواء بمفصلة تربطهم مع بعض كأنهم ضلفة واحدة او بضلفتين بيفتحوا كل واحدة في اتجاه
و ساعتها لما تفتح الضلفتين هتلاقي العلبة الزاية كلها مفتوحة قدامك و طبعا هتكون الرفوف علي شكل زاوية
مجرد اضافة بسيطة، حكاية تأثير وجود البوتاجاز جنب التلاجة وتأثير ده على العمر الافتراضى للتلاجة ده تراث شائع فى ثقافتنا لكن الواقع بيقول انه مجرد تراث ثقافى لا علاقة له بالتطبيق العملى حاليا، فيما عدا اوقات استعمال فرن البوتاجاز وهى قليلة درجة الحرارة فى الفراغ بين البوتاجاز والجهاز اللى جنبه لا تزيد عن درجة الحرارة فى كل انحاء المطبخ سوى درجة مئوية واحدة، لأن الحرارة المتصاعدة من عمليات التسخين تذهب لأعلى وليس للجوانب كما تعلمنا من مبادئ انتقال الحرارة بالحمل فى المدرسة الاعدادية، اما بالنسبة لمسألة التحميل على محرك الثلاجة بسبب حرارة المطبخ فده هتتعرض له الثلاجة بوجودها فى المطبخ ايا كان مكانها سواء كان بجانب البوتاجاز او فى اى مكان آخر لأن هذا التحميل مرتبط بدرجة الحرارة خلف الثلاجة ، وهو مكان بعيد درجة تأثره بحرارة البوتاجاز لن يختلف عن اى مكان آخر فىالمطبخ، ولو عايزين نحمىالتلاجة من ارتفاع درجة حرارة المطبخ فليس هناك حل سوى وضعها خارج المطبخ. عموما انا اعرف ناس كتير جدا معندهمش مكان للتلاجة غير جنب البوتاجاز ومع ذلك لا البوتاجاز تلف ولا التلاجة اتحرقت
انا متشكر لتعبكو معايا والله ياجماعه
ومش عارف اقول اى حاجه غير استمرو فى الخير ربنا هيجازيكو انشالله
وربنا يقدرنى واقدر اساعد اى حد هنا فى اى حاجه
بس برضو لسه باب المناقشه مفتوح واللى عنده فكره جديده يقدمها
انا لسه ماعملتش حاجه فى المطبخ ولا الحمام
1/الثلاجة 70*70سم
2/البوتاجاز 60*90سم
3/الحوض اسانليس مستطيل ساقط في رخامة عرض 60 سم
4/غسالة الملابس تعبأ من الامام او غسالة صحون من الامام ايضا محطوطة في الكورنر الميت اسفل الرخام بميل بزاوية 45 درجة
5/الشباك
6/الباب
7/الدولاب السفلي للمطبخ على شكل حرف ال وبعرض 60 سم على الجدارين
8/الدولاب العلوي للمطبخ على شكل حرف ال ايضا ولكن بعرض 30 سم على الجدارين وينتهي قبل فتحة الشباك ب 50 سم
والله الموفق