-
عندي مشكلتين في الماروتي
السلام عليكم
يا جماعة أنا كان عندي عربية 128وبعتها وأشتريت ماروتي 2007من سنة ونصف وبصراحة العربية زاي الفل والحمدلله وسبب بيعي للعربية ال128هو أن أعطلها كتير جدآ وحاجة تانية مهمة جدآ كانت تعباني نفسيا منها ألا وهي صوتها العالي بصراحة يا جماعة أنا من الناس أللي ما بتحبش تسمع صوت وهي سايقة العربية وأشتريت الماروتي بحالة شبة جديدة عشان الموضوع ده والحمدلله زاي الفل. إلي أن روحت التوكيل وركبت سنتر وأنذار عمل معايه الانذار شوية مشاكل في الاول ورجعت التوكيل أكتر من مرة إلي أن والحمدلله يعمل بكفاء حاليا المشكلة الاولي ألا وهي أن أنا بسمع صوت في الباب الجانبي الامامي داخل فرش الباب صوت تكتكة وعند الضغط علي الفرش يروح الصوت.وديما أسمع الصوت ده وأنا في وضع التسخين مثلا أو علي طريق بتترج في العربية صوت في غاليه الرخامة.
المشكلة الثانية وهي صدور صوت تكتكة أيضا من العدادات الامامية طوال ما أنا ضاغط علي دواسة البنزين تسمع الصوت وعند الرفع من علي دواسة البنزين يزول الصوت.في ناس هتقول دي مش مشاكل خالص بس أنا بصراحة الموضوع خنقني جدآ.وأنا من الناس أللي بتتخنق جدآ من الصنايعية أللي لما تودي ليهم العربية بتاعتك يحل ليك المشكلة ويسبب مشكلة تانية ويبهدل العربية من جوه وما يرجعش الحاجة زاي ماكانت..أرجو الافادة لحل تلك المشكلتين وأنا أسف للأطاله وشكرآ
-
السلام عليكم ورحمة الله وبركاته
بص يا محمد
الصوت دا ساعات بيظهرلى انا كمان دا غير ان انا كمان عندى مشكلة فى الرف بتاع السماعات يعنى التكتكة من ورا ومن قدام
ساعات تروووح وساعات تيجى بس باردو بسمع تكتكة زييك كدا
المهم انا معنديش لسة حل
بس عندى نصيحة ليكك
ركز فى طريقك ومتركزش مع الصوت اوى وانت مش هاتحس بية وشغل شريط قران وصدقنى مش هايتبعك الصوت دا زى مكان تاعبك قبل كدا
وربنا يستر طريقك ..
-
انا عندى نفس المشاكل تقريبا
اصوات فى البابين الاماميين والباب الخلفى شمال
وصوت فى الشنطه او الرف بتاع السماعات
وقربت اشد فى شعرىىىىىىى
هل الحاجات دى بتتظبط عند بتاع ابواب ؟؟ ولا ايه
وياترى حد اكتشف مصادر الاصوات بالظبط ؟؟؟
-
بص ياباشا عن خبره شويتين فى الماروتى صوت التكتكه اللى فى الابواب دى شوف الابواب دى عن صنايعى ابواب نضيف لانى وانا كنت بركب السنتر والانذار الراجل كان ناسى شوية من الابزيمات فكانت عامله صوت فاى واحد بتاع ابواب يفكلك العفشو او انت تفكها وتشوف اما لو على الرف الخلفى او الكوبسته فالكوبسته بتاعت الماروتى خفيفة شوية انا فيرتها برف mdf والحمد لله ولا بحس باى حاجه غير مثلا لو نقرة بس مع صوت العده اللى هو بتاعتها اللى فى الشنطة بتشخشخ بس اما هى العربية زى الفل والحمد لله
-
السلام عليكم
أشكركم علي الرد والاهتمام.أنا والحمدلله بشغل القرأن وأناشيد وأدعية في العربية ومش بحب نهائيا الاغاني.بصراحة هو ده أللي أنا بعمله بشغل أناشيد أو ما شابه ذلك وخلاص بس ده مش حل.بالنسبة لصوت رف السماعات أنا لقيت ليها حل بسيط جدآ وضعت قطعة قطن يمين وشمال عند أرجل الرف وأتكتم الصوت نهائيا.أما باقي الاصوات دي مالهاش حل عندي للأسف.وشكرآ
Content Relevant URLs by
vBSEO 3.6.0 PL2