تقرير أول 500 كيلو بالجين 2 2010 أوتوماتيك
السلام عليكم و رحمة الله و بركاته,
حبتدي التقرير بزكر مميزات و العيوب اللي أنا حاسسها لحد دلوقتي عشان يبقى المختصر المفيد:
المميزات:
1) العربيه مريحه جدا في السواقه, ودا يرجع لحجتين أولا طبعا لأنها أوتو ثانيا المساحه الأماميه كبيره جدا, و دا عن ثقه, أنا طولي أكثر من 190, و اللي شفني حيعرف أنا قصدي أيه.
2) الجير بكس الأتوماتيك بتعها أكثر من رائع, السحب بتاع العربيه و النقلات أنا بعتبرها ميثاليه في مختلف الظروف, مثال على كدا أنا أخت بيها غرزه ديقه جدا على مطلع و كان معايا أتنين في العربيه و كنت ماشي على سرعة 90 تقريبا, و أختها بمنتهى السهوله و الثقه, و الrpm معداش ال 3500.
3) السحب بتاع المتور جامد جدا و الأستجابه سريعه جدا.
4) أستجابة العربيه لحركة الدركسيون سريعه جدا ودا يرجع للدركسيون الرياضي اللي فيها (بينفع جامد في الغرز).
5) الثبات الأفضل في فئتها.
6) صاج العربيه جامد جدا.
7) شكل العربيه تحفه.
8) السوند سيستم حلو جدا.
9) البارك سنسور مفيد جدا.
العيوب:
1) المرايات الجانبيه صغيره.
2) الكنبه اللي ورا ديقه شويه ودا عشان أنا برجع الكرسي عالأخر بالأضافه للسقف الواطي.
3) العشه نشفه شويه بس مش ديما و اللي جرب العربيه حيفهم قصدي, بس دا طبيعي في العربيات الرياضيه.
4) مش لائي حاجه أكتبه تاني.
تقيمي الشخصي:
أحسن عربيه في فئتها والفئات اللي أعلا منها كمان.
مش عاوز أطول عليكو أكتر من كده.