-
فعلا التجار لما بيجو يشتروا بيبخسوا السعر ويحسسوك ان العربيات بقت ببلاش واما التاجر بيجى يبيع بيديك اسعار زى اللى بنشوفها هنا فى المنتدى للاسف لدرجه انه ممكن يكون طالب اكتر من سعر العربيه ب 20 الف يعنى مثلا كنت فى السوق وشفت عربيه مرسيدس مانيوال مو 77 العربيه نضيفه جدا ومش محتاجه مصاريف الراجل كان طالب 32 الف واتباعت ب 28 الف اما هنا للاسف المنتدى بقه فيه تجار كتير جدا كان من قريب معروض عربيه مرسيدس موديل 79 او 80 مش فاكر وصاحبها يقولك مطلوب 57 الف باذن الله ولو حد قاله 50 تلاقى ميت واحد ردوا عليه ويفولو متبخسش السعر لا والمازدا 323 وتلاقى البرومه سارحه فى العربيه ويقولك 22 الف ويقول اصلها مكيفه مع ان العربيه دى فى احسن حالاتها بتبقى ب15 الف لان معالهاش طلب زى 131
ده كله كوم والبيتل كوم تانى هنا فى المنتدى اسعارها سياحيه تلاقى سعرها فى السوق لو العربيه هتتكلم من حلاوتها تبقى ب8000 هنا على اسعار اصحابنا التجار تلاقيها ب 17000 طبعا بعد كلامى ده ناس هتقول متردش وخلاص لو السعر عالى او قول راجع سعر السوق
اللى بيزعل ان احنا فى منتدى للسيارات وبيبقى فى ناس داخله تسأل لانها متعرفش فحرام ان حد يتسك فى عربيه وياخدها باكتر من سعرها ب 10000 او 5000
-
انا اتعاملت مع التجار مره واحده
لما بعت عربيتي الشاهين لتاجر من سوهاج وبعتها بسعر اعلى من سعرها الطبيعي ب 1500 جنيه تقريبا ..وكان راجل محترم جدا ومتدين جدا ..وقالي انا واخدها منك بالسعر ده لان عندنا في الصعيد الاسعار نار وغاليه ..والقديم عندكم جديد عندنا
-
التجار يطلعولك القطط الفاطسهفى عربيتك
وعندهم استعداد ومواهب فى انهم يكرهوك فى عربيتك
وتبيعها باى ثمن
-
اول عربية ابيعها فى حياتى كانت 132 عملت لها اعلان وابتدت الناس تيجى
منهم التجار اللى يقسم تمن العربية النص ويطلع فيها القطط الفاطسة
ومنهم واحد اتخنقت منه جدا قولتله لما هى منيلة بستين نيلة كده عاوز تخدها ليه؟؟؟
قالى يا بيه عاوزين ناكل فيها عيش ( على اعتبار انها حلة مثلا)
فعلا ... البعد عنهم غنيمة سواء بيع او شراء
Content Relevant URLs by
vBSEO 3.6.0 PL2