عرض للطباعة
كنت عايز أعرف هل الأفضل للنيو سيراتو بنزين 95 ولا 92 حيث ان الكومبرشين ريشو (Compression Ratio) بتاعت الموتور 10.5 وأنا معلوماتى ان النسب التقريبية كالآتى:
بنزين 92 لنسبة أنضغاط 10
بنزين 95 لنسبة أنضغاط 11
يعني السيراتو في النص فالمفروض يتحط لها بنزين ايه، وشكرا مقدما علي المشاركة :satelite:
اللى انا اعرفة ان المفروض ان فى حالة النص دى نروح للاوكتان الاعلى بس انا مش ممكن احط 95 صراحة
هوا اية الانضغاط دة ؟ وازاي اعرفة في عربييتي ال اس اكس
رجاء التوضيح اخوكم مش فاهم :(
نسبة الإنضغاط هي حاصل قسمة حجم الإسطوانة بالكامل (الحجم المحصور بين الحد السفلى الذي يصل له المكبس وحافة غطاء الاسطوانة(وش السلندر)) مقسوماً على حجم غرفة الإحتراق (المحصورة بين آخر نقطة يصل إليها المكبس وحافة غطاء الاسطوانة (وش السلندر)) تتراوح بين 7 إلى 12 وكلما زادت نسبة إنضغاط المحرك كلما أصبح المحرك متأقلم مع نوع بنزين أعلى في رقم الأوكتان.
يعني بالبلدى كل ما النسبة تزيد تحط بنزين اعلى، وعموما كل النيو سيراتو نسبة الانضغاط ثابته 10.5 من الكتالوج.
لو عايز معلومات أكتر أرجع لللينك ده:
http://en.wikipedia.org/wiki/Compression_ratio
تمام البلدي دة شكرا لييك
يفضل 95 نظرا لأن نسبة الأنضغاط 10.5, و لكن يمكن استخدام 92, مع وجود فرق في الأداء للأقل
انا عموما بحط 95 من زمان - هوا غاي شوية بس بحب ادلع السنيورة ---- قصدي السيراتو
لو تقدر حط 95 ده لو تقدر
غير كده خليك في ال 92
بس من بنزينه معروفه
الكيا و جميع الفئات المماثلة مثل الأنترا و الصنى و اللانسر نسبة الأنضاغاط 10.5 و على فكرة الدايو اللانوس 2 نسبة الأنضغاط فيها 10.5 أيضاً و بنزين 92 ممتاز و مناسب جداً لمثل هذه نسبة الأنضغاط المهم أن لا نسترخص و نحط بنزين 90 مع العلم أن هناك فئة عريضة تستعمل بنزين 90
يعنى بنزين 90 غير مناسب ؟
مع نسبه الانضغاط دىاقتباس:
المشاركة الأصلية كتبت بواسطة د.محمود صلاح
هيقلل من عمر المحرك على المدى البعيد
حسب كتالوج العربية السيراتو بتقبل بنزين 92 من غير مشاكل
المكتوب فى الكتالوج unleaded fuel RON 91
RON 91 بيكافىء بنزين 92 عندنا
انا مش لاقى محطة بنزين محترمة فى مصر الجديدة
الكاتلوج زى مقال الاخ بيقول 91 انا جربت احط 92 و 90 محستش بفرق كبير فى الاداء لكن البنزين كان بيقعد اكتر حاجة بسيطة فى 90 بس دلوقتى مستمر فى 92 حفاظا على الموتور ونصيحة تحطوا بنزين شل وشكرا