سؤال لخبراء الدائري

**ecybrarian** · 11-12-2007 12:57 PM

انا بإذن الله رايح مشوار بعد العصر للخانكة (قليوبية) النهارده. ياترى حد يعرف أروح ازاي الخانكة دي او بركة السبع من الدائري علما بأني هاطلع من مدكور-الهرم

ولكم مني الشكر الجزيل

**ZALABANY** · 11-12-2007 01:55 PM

بسيطة جدا يا هشام بيك هاتطلع الدائري من عند المريوطية الدائري بتاع ميدان لبنان وتفضل ماشي على طووووووول لحد منزل الطريق الزراعة مصر اسكندرية هاتنزل على الزراعي وتفضل ماشي لحد ما تلاقي بركة السبع
تحياتي وما تنساش تسلملي على السبع

**ZALABANY** · 11-12-2007 01:56 PM

بس معلش سؤال هو ايه علاقة الخانكة ببركة السبع انا اعرف ان بركة السبع دي على الزراعي لكن الخانكة دي بصراحه ما اعرفش مكانها

**Ashraf A.Kader** · 11-12-2007 02:05 PM

يا باشا حدد حضرتك بركة السبع والا الخانكة0 لو بركة السبع يبقي زي ماشرح الاستاذ زلباني اما لو رايح الخانكة يبقي ممكن من نفس الطريق (الاسكندرية الزراعي بعد قليوب) او تنزل نزلة المرج وبعد كده طوالي لحد الخانكة(دي اسهل لو رايح الخانكة بس)