-اول موقف برضه وانا في الثانوية العامة : والدتي موجه english مشهورة جدا لانها بتحط امتحان الإعدادية ... المهم انا من الناس اللي بتحب الهدوء في المذاكرة والإمتحانات ,,, و في اول ايام الإمتحانات داخل مركز و مش بكلم حد وقعدت بقرأ قراأن و بدعي و بعد ما استلمت ورقة الأسئلة و بقول بسم الله لققيت فيضان مدرسين بيعدوا عليا يطمنوا عليا و لو عايز حاجة و انا مش عارف احل و ارتبكت .. بس الحمد لله جبت 27 و يومها اتخانقت مع امي بسبب الموضوع ده مع انها مجبتش سيرة لحد لأنها عارفة اني مش بحب حد يسلم عليا في اللجنة
-الحمد لله جبت 94% و دخلت تجارة e و في اول ايام امتحانات سنة تانية مع ارخم مادة المحاسبة كنت اول مرة ااخد العربية الكلية (ايام الريجاتا) و واقف في اشارة العباسية مستنيها تفتح و هوب ينزل عليا ظابط شرطة و يقول جملته الشهيرة (مع وضع سيف اليد على باطن كف اليد التانية) : رخصك
ادور على الرخص مفيش رخص .. مفيش رخص .. رحت قلتلة انا والله تقريبا نسيتهم بس معايا كارنية الكلية و عندي امتحان كمان ساعة إلا ربع .... ولا كأنة سمعني و قالي اركن على جنب و اتحفظ عليا انا و العربية بس الحمد لله كلمت اخويا (نقيب شرطة) و كلم الظابط ده و مشاني بعد ما اعصابي هربت مني و دخلت اللجنة قبل الإمتحان بدقيقتين و كانت اول pass اجيبها في حياتي
المفضلات