المشاركة الأصلية كتبت بواسطة mostafabakry
يا جماعة بلاش النعرة الكدابة دي
بلاش استفزاز
احنا بنضحك علي نفسنا مش علي حد تاني
احنا عايشين عالذكريات
انا مصري و معتز جدا بكدا بس انا فين من الكلام دا من اللي عملوه آبائي و اجدادي و اللي كانوا محل احترام و تقدير العلم كله مش العرب بس بسبب انجازاتهم علي كل المستويات
احنا كشعب و كجيل حالي فين من كل دا
لازم نبقي اعقل من كدا شوية و نحاول نقلد اجدادنا مش نستغل امجادهم اللي صنعوها في معايرة الناس و التعالي و التكبر بداعي و بدون
محدش بيحترم حد إلا لما يحترمه
احنا دلوقتي متأخرين جدا عن الماضي بسبب كسلنا و تمسكنا بالذكريات
العالم بيتحرك و احنا واقفين مكاننا بنقول احنا الفراعنة حضارة 7000 سنة للأسف احنا حتي مش عارفين نستغلها صح سياحيا
طيب احنا دلوقتي فين من العالم الحالي اللي عايشين ؟؟؟ حرب اكتوبر خلاص انتهت و اصبحت ذكري بنحتفل بيها و اللي حاربناهم فيها هم اصدقاء اليوم و بيننا تطبيع و مصالح اقتصادية كبيرة فبلاش نضحك علي روحنا العالم مش اهبل و لا برياله عشان يصدق اي كلام
يا جماعة احنا ليه بننسي بسرعة انتوا مش شايفين اللي حاصل دلوقتي و لا ايه ؟؟؟
يا جماعة احنا سمعتنا بقت في الأرض و اظن الكل فاهم كلامي كويس
والله احنا في فترة انا اظن انها من اسوأ الفترات اللي عدت علي مصر علي مر التاريخ !!!!!!