سؤال عن طريقة إدخال عربية من الخارج

عرض للطباعة

13-01-2010, 04:55 PM
sheko2013

سؤال عن طريقة إدخال عربية من الخارج

دلوقتى عندى كذا سؤال محددين عن لو عايز انزل عربية من السعودية لمدة 6 شهور
اولا هل لازم اكون نازل معاها فى نفس الوقت على العبارة ولا ممكن انزل طيران عادى ويبقى حد يشحنهالى واخذها انا من السويس؟
ثانيا ايه المصاريف والاوراق المطلوبة؟
لو عايز اسيبها لاخويا او ابنى تقعد معاه هو ال6 شهور دول فيها مشكلة؟
وهل بتوع المرور بيستقصادوا بتاع الجمرك ولا لا؟
ويا ريت لو اى حد يعرف اى معلومة عن موضوع الجمرك يقولها ضرورى
ولو حد مر بالموضوع ده يا ريت يحكى تجربته
-----------------------------
تم تعديل عنوان الموضوع ليناسب المحتوى
إدارة المنتدى
13-01-2010, 05:06 PM
x_gomgom

هو حضرتك لو هترجعها تاني السعوديه يبقي حضرتك هتنزلها تربتك و هيكون لمده 6 شهور و بعد ذلك تعاد للبلد القادمه منها موضوع انك تسيبها لاخوك او ابنك الصراحه مش عارف قصدك بيه ايه انه يسوقها بدلاً منك هذه المده ؟ اظن انه مفيش مشاكل..
بخصوص سؤالك انك عايز تشحن العربيه بري و تسافر انت طيران دا عادي و مفيهوش مشاكل في شركات نقل في السعوديه (اتذكر في الرياض كان ناحيه منطقه البطحاء) بتاخد العربيه منك في السعوديه بتستلمها بعديها بإسبوع او 10 ايام تقريباً (مش متذكر المده الصراحه الكلام دا من سنه 2000) في القاهره معلقه نمر جمرك سواء السويس او سفاجا...
التكلفه و الورق انا للاسف مش فاكرها بس اسأل هناك و هما بيقولولك المطلوب...
ترجع بالسلامه إن شاء الله
يا رب اكون افدت
13-01-2010, 05:14 PM
ahmad5997

متااااااااااااابع

---------------------

تنبيه للأخوة بعدم محاولة زيادة المشاركات بكلمة متابع وغيرها
نرجو أن تكون المشاركات مفيدة وتحوى إضافة للموضوع
سيتم إعتبار ذلك مخالفة تستحق تطبيق القواعد قريبا جدا
إدارة المنتدى
13-01-2010, 08:30 PM
د.محمود صلاح

لو نزلت تريبتك يبقى لازم انت تكون الوحيد اللى سايقها ومستخدمها فى مصر .

شركات شحن السيارات لها رسوم معينة اسأل عليها عندكم
13-01-2010, 10:17 PM
sheko2013

شاكر جدا على الاهتمام و الردود انا كان قصدى انى انا انزل بيها اسيبها لاخويا ال 6 شهور وبعد كده ابقى ارجعها تانى بس فكنت عايز اعرف لو بتاع مرور وقفه هتحصل مشكلة ولا لا
14-01-2010, 01:25 AM
x_gomgom

الحل حضرتك انها تنزل تريبتك بأسمه في الحاله دي بيستخدمها لمده 6 شهور على ان يعاد ارسالها للبلد القادمه منها السياره...
14-01-2010, 01:46 AM
sheko2013

اولا شاكر جدا لاهتمام حضرتك بس معلش استحملنى هل نزولها باسمه يستوجب سن 21 سنة لانه هو عنده 20 سنة
17-01-2010, 06:20 PM
rockana9112007

انا عندى معلومة ومتأكد منها ان سيارات الجمرك لايقودها الا من نزلت بأسمة واعتقد ان زمان مكنش فية تدقيق على الموضوع دة
بس بعد ماالحكومة اكتشفت عدد كبير من طلبة جامعة الازهر الاسيويين اللى بيدرسو بمنحة من الازهر منزلين بأسمهم سيارات فاخرة وناس تانية سيقاها بتوكيلات شددت جدااااا على الموضوع دة
وكمان لاحظت بنفسى فى الشوارع فى الصيف ان سيارات الجمرك بتوع المرور بيرزلو عليهااا مخصوص عشان يطلعولهم بأى مصلحة من صاحب العربية (شغل رمى جتت )
وشكرااااا
18-01-2010, 02:02 AM
x_gomgom

اقتباس:

المشاركة الأصلية كتبت بواسطة sheko2013

اولا شاكر جدا لاهتمام حضرتك بس معلش استحملنى هل نزولها باسمه يستوجب سن 21 سنة لانه هو عنده 20 سنة

ممكن تنزلها حضرتك بإسمه على ما أعتقد الصراحه مش متأكد 100% لكن لا يوجد مانع نهائي....
لازم حضرتك الاول تتفق مع الشركه برضه عشان تقولك الدنيا ماشيه إزاي ...
بس اهم شئ كما ذكر الاخ سابقاً لازم تنزل بإسمه و نظام التوكيل غير ساري على سيارات الجمارك...
يا رب اكون افدت