2 مرفق
عملت حادثه بالبيرسونا (ساعدونى بمعلوماتكم الله يخليكم)
مبدئيا قدر الله وما شاء فعل
كنت ماشى فى حالى صحيح بسرعه شويه يعنى حوالى 80 او 90 فى شارع مصطفى النحاس
طبعا 80 ديه كتير فى مصطفى النحاس فى المنطقه اللى بين الحى الثامن والتابه
فى اتجاهى لمكرم عبيد فى منطقه مليانه رمل وحبت مطبات
ماشى فى النص وفى لانسر بومه على الشمال قدام
فانا هاطلع منه من يمينه صحيح غلط بس هو كان شبه واقف اساسا
ومره واحده رمى يمين جامد عشان المطب
وطبعا انا لو مسكت فرامل يبئى لبست فيه فرميت معاه يمين اكتر فى الرمل وبرجع الدريكسيون شمال ولا اكنى رجعته عامت منى جامد من قدام يعنى الدريكسيون بئى على الشمال والعجل باصص شمال والعربيه رايحه يمين
اومت دايس بنزين عشان تتلم من قدام قامت عايمه من ورا ورايحه ضاربه فى الرصيف جامد جدا
لدرجة انى بئيت قاعد فوق الهاند بريك
الحمد لله ماتقلبتش بس العفشه الخلفيه يمين اتبهدلت والعتب اليمين اتكسر
طبعا روحت بالعربيه لعفشجى فك الدنيا ورا وطلع المقص اللى بالطول مش العرض التخين اتعوج واتشرخ لحمته بس على عوجته عشان امشى بيها مؤقتا
الحمد لله انها جت على المقص
ياترى المقص ده هايطلع بكام ؟؟(فى التوكيل وبره)
وياترى لازم اعملو فى التوكيل عشان ضمان العفشه ؟؟؟
ولو كده طبعا هايبئى المقص ب500 جنيه + 500 مصنعيه + 200 ضريبه مثلا
انما لو جيبته من بره ممكن يطلع ب200 جنيه + 20 مصنعيه مثلا
فى سؤال كمان ياترى فعلا مكونات عفشة الجين2 والبيرسونا هى نفسها اللانسر ؟؟؟
ولو كده انهى لانسر بومه ولا كريستاله ؟؟؟
لو كده يبئا تمام جدا بس اتأكد ازاى ؟؟
ياريت لو اى حد يعرف اى معلومه مايبخلش عليا بيها
ودى صورة العربيه وياريت اسمع اقتراحاتكو