رقم العضوية : 3912
تاريخ التسجيل : 31Dec2007
المشاركات : 524
النوع : ذكر
الاقامة : Alexandria
السيارة: ربنا يكرم
السيارة[2]: Toyota Yaris 2007
دراجة بخارية: no
الحالة :
فعلا لازم حل للناس دى انا كمان بقيت اطنشهم واسيبهم وامشي
دا انا حتى عند الشغل عندى غيرت مكان ركنتى بسببهم كان فى اتنين واقفين فى شارع واحد تخيلو دى واحد ماسك نص الشارع والتانى على الناصية لو ملحقش الى فى النص يلحقك الى فى الاخر وبردو زلا بيمسحو ولا حاجة اخرهم حبة يمين وحبة شمال حاااااااااجة تطهق والله بجد
Mohamed Hosny
رقم العضوية : 33438
تاريخ التسجيل : 19Feb2009
المشاركات : 14,563
النوع : ذكر
الاقامة : استراليا
السيارة: None
السيارة[2]: Toyota Camry
دراجة بخارية: Harley-Davidson
الحالة :
رقم العضوية : 36370
تاريخ التسجيل : 23Mar2009
المشاركات : 802
النوع : ذكر
الاقامة : MISR EL MAHROUSA
السيارة: بأفكر في بسكلتة
السيارة[2]: fiat siena
دراجة بخارية: لا توجد
الحالة :
بص أنا مرة ركنت زي كل يوم تحت الشركة ( مقر عملي ) في شارع جامعة الدول بالمهندسين وبيكون قبل الساعة 8 صباحاً ولماجيت ماشي في آخر اليوم لقيت صاحبنا طالع لي من تحت الأرض وكأن الأرض إنشقت عنه وقعد يقولي شوية يمين وشوية شمال وأنا مطنشه خالص وكأنه موش موجود وأول ما عدلت نفسي وجيت طالع كان الحوار دة معايا :
هو _ أيوة يا باشا
أنا _ أيوة إيه هو إنت إللي ركنت لي العربية ؟
هو _ لأ
أنا _ طب مسحت العربية أو طوقتها ؟
هو _ لأ
أنا _ أنا كنت قلت لك خللي بالك من العربية ؟
هو _ لأ
أنا _ طب أمال عاوز فلوس ليه ؟
وسيبته يبرطم ومشيت
Eng.Ahmed Yousef
رقم العضوية : 11413
تاريخ التسجيل : 24May2008
المشاركات : 534
النوع : ذكر
الاقامة : مدينه نصر
السيارة: Audi a3
السيارة[2]: SEAT LEON
دراجة بخارية: no
الحالة :
الموقف دة بقي شي طبيعي في البلد ومحدش يقدر ينكر انة بقت ظاهرة بديلة للشحاتة!
وسط البلد ب5جنية! وعلي ورديتين !
انا كنت غلبان وبدفع علي اساس ان جنية مش هيفقرني ومش هيغنية بس بعد حرمت من المعاملة والطريقة بتاعت البلطجية !
مرة كنت راكن عند ستي ستارز وانا نازل عيل صغير قالي 3 جنية !
قلتلة غور ياد بدل ماخدك الحجز! انت مين الي مسرحك ؟
الواد فص ملح وداب!
ومينفعش معاهم الا التهديد. مثلا قولة انا هركن العربية هنا واياك اجي اشوفك هنا!
اطرف موقف كان في شرم الشيخ كنت جاي من القاهرة ودخلت السوق القديم ورجعت لاقيت الواد غسل العربية ! المهم قلت الواد دة محترم لان العربية فعلا كانت وسخة اديتو خمسة جنية مكانش عاجبة وبيقولي انتة عارف جردل المية بكام !هههههههههه
EYE HVE U
رقم العضوية : 6009
تاريخ التسجيل : 19Feb2008
المشاركات : 329
النوع : ذكر
الاقامة : مدينة نصر
السيارة: CAPRICE SS
السيارة[2]: باجيرو 2008
دراجة بخارية: لايوجد
الحالة :
أنا كنت مره بدور على ركنه قصاد كنتاكي ألي في أخر شارع الهرم لاقيت متخلف جاي بيقولي أيوه يابيه عايز تركن قولتله أيوه .. قالي أركن هنا قصاد المطعم قولتله مش ممنوع هنا قالي لأ .. المهم ركنت قصاد كنتاكي ونزلت دخلت المطعم عادي وأنا قاعد بتغدى ببص من الأزاز لاقيت الونش جاي وقف قدام عربيتي وبيرجع عشان يسحبها .. يبت الأكل وطلعت جري لاقيت ظابط قاعد جوه الونش ومعاه دفتر مخالفات وبيقولي رخصك وفي أخر الحوار عملت محضر تصالح ودفعت 100 جنية وخدت الرخصة ... فضلت أدور على المتخلف ألي وقفني فص ملح وداب مالوش أثر .. يالا أغلى وقفه في العالم
رقم العضوية : 36989
تاريخ التسجيل : 01Apr2009
المشاركات : 10,392
النوع : ذكر
الاقامة : Alexandria
السيارة: كروز 2014
السيارة[2]: Car Enthusiaset
دراجة بخارية: :))
الحالة :
خلى بالكم الكلام دة ينفع لو ركنة والسلام و مش حتيجى تانى لكن لو مكان شغل و بتردد ع كتير فوقتها الجنية بتاع السايس حيحمى عربيتك من الخرابيش و المسامير و التفاعيص السحرية اللى ممكن تلاقيها لو مدفعتش تانى يوم ... و تلاقى ولاد ال...... دول عمال يشري كوباية الشاى و يبوصلك ببلطجة ولو راجل قول انا اللى عملت
لازم يكون فى حل
مرة كان معايا صاحبى ضابط شرطة لما شاف العربية متخربشة قام ندهة قام جى السايس بكل تناكة نعم يا ريس الواد صحبى سألة مين اللى عمل كدة السايس قال وانا ايش عرفنى يعنى ماالناس رايحة جاية و بيضحك قام قالة طب ورينى بطاقتك رد السايس لية انت حتحقق معايا فاكر نفسك مين ياعم يالا روح عشان نركن غيرك .....
فجأة
طررراااااااااخ قلم بوابين ابن (تييييييييييييت) و صاحبى قالة عرفت انا مين ياروح (تيييييييييت) السايس طبعا ياباشا انا اسف اللى ما يعرفك يجهلك و عندى اربع عيال و امهم و وطى عايز يبوس ايدة وشغل الشحاتة بقى و قلب قطة سعرانة فى 5 ثوانى
اللى حيضيع بلدنا : الفهلوة و كلمة باشا و معلش و أصل
رقم العضوية : 511
تاريخ التسجيل : 07May2007
المشاركات : 2,481
النوع : ذكر
الاقامة : Alexnadria
السيارة: Verna
السيارة[2]: Saba Saipa
دراجة بخارية: No
الحالة :
حرجع وأقول تاني:
ساعات بيكونوا مفيدين لو مفيش ركنه
مهندس أحمد سمير
رقم العضوية : 74
تاريخ التسجيل : 21Apr2007
المشاركات : 198
النوع : ذكر
الاقامة : Riyadh / Saudi Arabia
السيارة: Not Yet
السيارة[2]: Chevy Lumina
دراجة بخارية: No
الحالة :
طب تعمل ايه لو بتشتغل في النايل سيتي و في منطقة قطرها واحد كيلو متر الركنة فيها بخمسة جنيه اجباااااااااااااااري و كل متقرب اكتر من السنتر ممكن توصل ل 15 جنيه و العربيات لازقة في بعضها مفيش بينها سنتي واحد و لا اكنك راكن العربية زي الدرج بتتدخلها و تخرجها بجنبها ؟
ملحوظة متقدرش تقول لأ لسببين
1 - مش هتلاقي راكنة و بكده مش هتعرف تطلع شغلك لأن لما تتطلع الخمسة جنيه المكان يتوجد في ثواني ؟
2 - تأمن شرهم علي العربية لأنهم محميين من اباطرة السبتية لأنهم بالتالي محميين من الحكومة اللي واقفة في المكان؟
المنطقة ديه امبراطورية بمعني الكلمة و لا يقل دخلها اليومي عن 35000 جنيه
اه و الله 35000 جنيه
يعني في الشهر بعد خصم الاجازات و الاعياد و المواسم حوالي 700 الف جنيه ... احسب انت بقي في السنة كام؟
خلاص يا جماعة انا هتجنن ............
رقم العضوية : 47436
تاريخ التسجيل : 17Sep2009
المشاركات : 461
النوع : ذكر
الاقامة : Helipolis
السيارة: ya rab 320i
السيارة[2]: VW golf 6 2011
الحالة :
يا شباب أنا معاناتى كانت أكبر بكتير ، أيام ما الجامعة كانت فى التحرير، كان الركن فى الشارع الرئيسى ب20 ج ولازم تسيبله المفتاح، الشارع الجانبة ب5 و على حسب امتى بتييجى و امتى بتمشى بتسيبله المفتاح ولا لأه. و الله كنت عامل اشتراك فى جراج عمر مكرم ب500 ج الشهر و بقعد من 7ص لحد 5 م، نا س هتقول أغلى بس و الله لأه، كنت يومياً بلحم خرمين فى كل كاوتش من الزبالة اللى بركن فيها.
الجامعة نقلت التجمع، فرحت قلت صحرا يا معلم و ارض الله واسعة، لقيت نفس السياس فى الصحرا و اليوم ب10 ج ام 5 على حسب قريب من الباب ولا بعيد.
أنا شخصياً مع كل السياس بعمل هندى، أنزل و أقفل العربية و أمشى و أجى اركب العربية و أمشى يشتم يعمل اللى هوه عايزه انا مطلبتش مساعدته.
بس للأمانة فى حالة شاذة، كنت رايح عند دكتور فى روكسى و جه سايس خلانى أركن، كان ممكن اركن من غير مساعدته، دخلت للدكتور و خرجت بع ساعة كده لقيت العربية بتلمع يعنى بجد العربية كانت نضيفة بتبرق و كل عربيات الصف نفس الحاجة، بس ملقيتوش و انا طالع لقيته واقف فى مدخل الشارع عشان ميخليش عربية تدخل عشان الشارع حارة واحدة و لو عربية دخلت انا حتزنق ولا زم اركن تانى، جيت جنبه و قلت هديله 5 جنيه عشان الغسلة الحلوه ده لقيته راح مدينى 4 جنيه و قاللى ربنا يخليك يا باشا و كان فرحان جداً، على فكره كان شاب بتاع 21 سنة كده.
رقم العضوية : 12806
تاريخ التسجيل : 12Jun2008
المشاركات : 2,817
النوع : ذكر
الاقامة : NEW CAIRO
السيارة: PROTON - P E R S O N A
السيارة[2]: SUZUKI - SWIFT 2015
دراجة بخارية: I WISH
الحالة :
إيه ده حتى في الصحراء !! وياترى همة همة نفس السياس ولا إتغيروا في التجمع .. بس أنا أفتكر إني مرة ركنت جنب الجامعة وقريب من الباب كمان وماحدش جه قالي حاجة خالص والمكان كان لذيذ وفاضي
وبالنسبة للراجل اللى رجعلك الـ 4 جنيه دا أكيد حضرتك كنت بتحلم ومش واخد بالك ..
معقولة لسة في ناس كده وكمان في الفئة دي !!!
فعلا الناس الكويسة موجودة برضه بس المشكلة إنهم مابقوش باينين
D . a . \ A Y M A NA . S . Y
N.Y.S.M.A سابقاً
المفضلات