-
منفاخ المانى او روسى
أعزائى الاعزاء
تحية طيبة و بعد ...
اخوكم اخذ شارع دمشق رايح جاى بيدور على
منفاخ (رجل) المانى او حتى روسى
و لم اجد غير الصينى
و هو بالكتير ينفخ بالونه (و تكون صغيرة)
زمان زمان كان عندى منفاخ المانى باثنين اسطوانه
و كان بينفخ العفريت
و راحت زمان و ايام زمان و راح العفريت
ياترى ياهل ترى
حد يعرف اجيب منين منفاخ (رجل) محترم ؟؟
-
انا شاري من توكيل عبد اللطيف الجميل دايهاتسو واحد صيني ولكن محترم بعداد فيه وامكانية تفريغ الهواء وانت رابط المنفاخ في الكاوتش وبتنفخ
وسعره 250 جنيه
-
أنا دورت على الروسى فى شارع الجمهورية سابقا و مافيش بطل ينزل كل الموجود صينى
أو ذى بتاع محمد من توكيل دايهاتسو وده طبعا محترم
المهم ده مش منفاخ رجل
ده كومبيريسور صغير بيشتغل على كهربة العربية من مكان الولاعه
-
طيب ممكن وصف لتوكيل عبد اللطيف جميل (العنوان)
وشكرا
-
في العبور خلف ابو غالي موتورز
وفي المهندسين في شارع احمد عرابي بعد توكيل تويوتا
-
شكرا يا ابو عبد الله جزاك الله خير
-
أعزائى
memo_hefnawy
badblood
شكراً جزيلاً لردودكم
عزيزى ابو عبد الله
هل المنفاخ الذى ذكرته منفاخ (رجل) ام كمبرسور كهرباء ؟
و هل يستطيع نفخ عجلة السيارة لو هى نايمه تماماً ؟؟
و شكراً عزيزى
مع أطيب التمنيات لكم جميعاً
-
شكرا على ايه يا بو عبد الله كلنا هنا اخوات ومفيش شكر بين الاخوات
وكل سنه وانت طيب وكل الاعضاء بخير وسلام
-
استاذ حاتم ده كمبروسر بيعمل من فيشة الولاعه ويستطيع انه ينفخ العجله حتى لو نايمه تماما
-
عزيزى ابو عبد الله
شكراً جزيلاً
-
يا جماعة أنا شوفت منفاخ في راديو شاك ب 175 جنيه و به عداد تماثلي ( مثل عقارب الساعة )
أي أحد هنا جربوه أو يعرف مدى جودته ؟؟؟؟؟؟؟؟؟؟؟؟؟
-
انا اشتريت واحد روسي قريب من التوفقيه قريب من بتوع الفاكهه في الشارع الجانبي هو شكله بالنسبه للصيني تعباااااااااااااان تحس انه انتاح سنه 70 بس تقيل وفيه كميه تحاس رهيبه وموتور كبير مش زي الصيني بلاستيك وخف الريشه
لما البياع جابه حسيت انه قديم مووووووووووت لانه كان مخزون عندهم حتي الكرتونه كانت مقطعه بس للامانه ملوش حل اسأل عليه
كان سعره من سنتين في حدود 150 او اقل مش فاكر ممكن 130 والله اعلم
-
استاذ حاتم
الروسي انا استكبرته والرجل ده راحت عليه ماعدش فيه صحة خلاص
الافضل اللي بكبروسر من العربية
بيقوم العجلة في 3 دقائق بالظبط
وانا جبت التايواني افضل من الصيني حبتين وكذا مرة العجلة نامت وقومها الحمد لله
وكمان قوم عجلتين مقطورة لنش
وكمان وده الاعجب عجلة نص نقل
بس خدت وقت
كنت جايبة من التوفيقية ب 80 جنية
الصيني ب 50
والروسي زي ما بتقولو كدة شكلة كبير وحجمة كبير وبالنسبالي مش مهم قوي انا مش هانفخ زودياك
دي هيا عجلة 15 بوصه وكل فين وفين لما تتعمل معاك
-
شكراً أعزائى
سنشد الرحال الى التوفيقية ...
Content Relevant URLs by
vBSEO 3.6.0 PL2