-
الاصيل هرب
الاصيل ده هو شركة للتجارة فى الموبايل وكروت شحن الموبايل
بدء منذ اربع سنوات بمجهود شخصى هو وثلاثة من اصدقائه استمرت الشراكه سنه وبعدها انفصلوا ثم عاد وبدء بمفرده مكتب صغير ومحموعة اجهزة موبايل مستعمله وعدة كروت شحن .
طيب ازاى الموضوع كبر كده ولم 300 مليون جنيه ( اصله اختفى بعد ما لم 300 مليون جنيه )
فى البدايه مع معارفه بقى يقولهم : ايه رايك لو تدخل معايا بفلوس واشغلهالك والمكسب بالنص
وكانت البدايه واحد ورا واحد ورا واحد الى ان وصل انه مبقاش ياخد اقل من 100 الف وفتح شركه تانيه لمتداد ومجموعة محلات وكام عربيه لزوم التسويق .
من المودعين عنده عضو مجلس الشعب كبير ضباط القسم التابع ليه عدد كبير جدا من الاشخاص من المحافظات المجاورة
الذيذ فى الموضوع : انه ممضاش ولا ورقه ولا شيك ولا وصل امانه لاى حد .
بتروح تودع الفلوس فى حساب فى البنك باسمه وكل شهر تروح تاخد ارباح تصل الى 20%
فجاة ولسبب مجهول الى الان : اختفى ومعه كل الفلوس
الدرس المستفاد : متامنش لحد ( ابنى فى ايدى وادور عليه )
-
تكمله فى ناس كتير من الى دخلى معاه فى الاول كان حالهم تعبان جدا يعنى باع كل الى حيلته علشان يجيب 30 او 40 الف ويشغلهم .
الناس دول الى هما كانو فى بدايه المشروع محيلتهمش حاجه وصلو دلوقتى لثروة من وراء الموضوع ده والى لموة منه
شقه فى اسكندريه والساحل الشمالى وعربيات واراضى .
والكلام ده مش من فراغ لانى من نفس المدينه واعرفهم كويس .
-
حضرتك من ابو زعبل و لا من قليوب ؟؟؟
-
هى دى الأصاله
مع الأعتذار لأصاله
-
من طوخ بعد قليوب بحوالى 15 كم تقريبا
-
فعلآ هوا واحد من كبار الناس اللي بيجمعوا الفلوس كان من طوخ ،،
بس أبو زعبل البلد كانت هيا المركز ،،
أنا كنت هاحط معاهم فلوس بس ملحقتش ،،
في الآخر كانوا بيدوا علي العشرتلاف ،، تلات الاف جنية في الشهر ،،
هيصة يعني ،،
-
من اغرب المواقف الى شوفتها :
الناس كتير جدا عند بيت الراجل صاحب الاصيل ( احمد )
بداخل البيت والده ووالدته فقط والحكومه واقفه والامن المركزى وقوات و السيد .... الامن والسيد ... و السيد .... ومش عارف مين كمان
وفجاة وصلت عربيه فيها رجاله ابو زعبل والخانكه
ونزل منها رجال طوال القامه عراض المنكبين ثمان البنية ( الطبيعى ان ممكن واحد يشيل الموبايل فى كف ايده ) لا دول نازلين زكل واحد شايل فى ايده الى ايوة مسدس الى ( رشاش ) .
ياليله مش باينلها ملامح رشاش ايوة رشاش
المهم قابلهم السيد ..... الامن لسه متكلمش قالوله ولا كلمه احنا عايزين فلوسنا وبص انا حايش باقى الرجاله عنك اوعى تتكلم قام السيد .... قاله معلش احنا هنتفاهم مع بعض انا هنا لحراسه اسرة احمد ومنع الشغب وهو بيتكلم كان عامل زى الكتكوت المبلول .
حسبى الله ونعم الوكيل
-
استاذ احمد انور
فقط لتصحيح المعلومه مش اكثر احمد عادل صبيح صاحب الاصيل من طوخ ومقر الشركة طوخ والناس بتوع ابو زعبل والخانكه هما الى بيلموله الفلوس وكان مجمعينله حوالى 150 مليون على حد تعبيرهم .
وكمان الناس بتوع ابو زعبل دول ناس يبدو عليهم الالتزام الدينى حيث يرتدى كل منهم جلبيه بيضاء قصيرة وكمان بنطلون تحت الجلبيه ولحيتهم كبيره جدا .
-
علي فكرة أنا من أبو زعبل ،، بلدنا
بس أنا مقيم في القاهرة
-
اتقبض على احمد صبحى وده كان الزراع الايمن بتاع احمد عادل صبيح
Content Relevant URLs by
vBSEO 3.6.0 PL2